Jeremías 37:7 - Bible in Tzeltal de Oxchuc y Tenejapa

⁷ te mach'atic ticunbil tele: —Albeyaic te muc' ajwalil yu'un Judá te la sticunex ta ajojc'obelone, te bayal soldadoetic yu'un faraón te ayiquix tel ta be ta swenta scoltaybelexe, sujt'iquix bael ta Egipto.

Bible in Tzeltal Bachajón

⁷ Hich yaloj te Jehová, te Dios yu'un Israel: Te ajwalil yu'un Judá te la sticonex tal ta jtojol yu'un yac ajoc'obonic, hich yac awalbe: Te soldadohetic yu'un faraón te loq'uemiquix tal yu'un ya scoltayex, ya suhtic bahel ta Egipto.

Jeremías 37:7 ပူးပေါင်းရင်းမြစ်များ

Lamentaciones 4:17

Lubenic te jsitique, tojol la cat'elintic smaliyel coltayel. Tojol chapalotic ta smaliyel te jpam lum te ma xju' yu'un coltaywaneje.

Ezequiel 17:17

Te c'alal ya x'ac'bot guerra yu'un te muc' ajwalil yu'un Babilonia, ya me sbusanbey smoibalul te sts'ajc'ul te lume, soc ya me sbusanbey lum ta sjoyobal te banti ya smac sbaic te soldadoetic yu'une, soc ya me smil bayal te ants-winiquetique. Te faraón ma ba ya sticun ta coltaywanej te soldadoetic yu'une te bayal yipique, soc ni yacuc sticun bayal winiquetic.

Jeremías 37:3

Te muc' ajwalil Sedequías la sticun bael te Jucal snich'an Selemías soc te sacerdote Sofonías te snich'an Maasías, ta yilel te j'alwanej Jeremías. Jich c'o yalbeyic: —C'oponbotic Cajwaltic te Dios cu'untique —xiic.

2 Reyes 22:18

Albeyaic jiche te muc' ajwalil yu'un Judá te la sticunex tel ta sjojc'oyel ta stojol te Cajwaltique, te jich yaloj xan te Cajwaltic te Dios yu'un Israel: ‘Te bit'il la awac' ta awo'tan te bi la awaiye,

Ezequiel 29:16

Te lum Israel ma me ayuquix bi ora ya smuc'ulin yo'tan te Egipto. Ac'a me sna'ic te ja' mulil te bajt'ic ta sleel coltayel tey a. Jich me ya sna'ic te jo'on Ajwalilone’, xi' me”, uta me —xi' te Cajwaltique.

Jeremías 2:36

¿Bi yu'un ya x'animaj awo'tan ta sjelel te jcoltaywanejetic awu'une? Ja' nix jich te Egipto, ya me ata falta soc, jich bit'il la ataix falta soc Asiria.

Proverbios 21:30

Ma'yuc p'ijil c'op ni tac'uyel ni sp'ijil sjol te ants-winiquetic te ya yaiy tsalaw ta stojol te Cajwaltique.

Jeremías 2:18

Ta ora yo'tic, ¿bi ya ata a te ya xbaat ta Egipto? ¿Yu'un bal ja' ya xba awuch'bey ya'lel te muc'ul ja' Nilo? ¿Bi ya ata a te ya xbaat ta Asiria? ¿Ja' bal ya xba awuch'bey ya'lel te muc'ul ja' Éufrates?

Jeremías 2:37

Nojel me q'uexlal ya awaiy te ya sujt'at tel ta Egipto, melel ma la sc'an co'tan te mach'a ya yac'bat smuc'ul awo'tane. Ma'yuquix bi ya ata a te mach'atic ya smuc'ulin awo'tane —xi'.

Jeremías 21:1

Te muc' ajwalil Sedequías la sticun bael te Pasur snich'an Malquías, soc te sacerdote Sofonías te snich'an Maasías, ta yilel te Jeremías, soc te yacuc yalbey: —Wocoluc jojc'obotic Cajwaltic a te bit'il ay te bila yac ta c'oel ta jwentatique, melel te Nabucodonosor te muc' ajwalil yu'un Babilonia, ya yac'botic guerra. Ayuc bit'il ya spasbotic jchajp at'elil, te ya sticunbotic sujt'el te Nabucodonosor —xi' te Sedequíase. Jich yu'un te Cajwaltic, la sc'opon Jeremías,

Jeremías 37:5

Jich yorail yac ta loq'uel tel bayal soldadoetic yu'un faraón ta Egipto. La yaiyic stojol te caldeoetic te yacalic ta stenel ta guerra te Jerusalén, jich la sq'uej sbaic bael.

Jeremías 37:6

Jich yu'un te Cajwaltic la sc'opon te j'alwanej Jeremías, la yalbey mandal ta yalel

Lamentaciones 1:7

Mel-o'tantic sba ya yaiy te Jerusalén, ya sna' te bi ora jil stuquel ta mel-o'tan; ya sna' spisil te sc'ulejal la sta ta namey q'uinale. Ya sna' te c'alal och ta c'abal yu'un te scontroe, ma'yuc mach'a tal ta coltayel yu'un; c'alal ilot yu'un te scontrotaque, labanot yu'un.

Ezequiel 30:22

Ja' yu'un jo'on Ajwalilon jich ya cal: Jo'on ya cal jba ta jamal, te scontroon te faraón te muc' ajwalil yu'un Egipto. Ya x'och jc'asbey xchebal te sc'abe, ja' te lec to soc te c'asemixe, ya me cac' te ya xch'ay coel ta sc'ab te spuñale.

2 Reyes 24:7

Te muc' ajwalil ta Egipto ma'yuc bi ora loq'uix bael tey ta slum-sq'uinal, melel te muc' ajwalil yu'un Babilonia, pojbot yu'un spisil te q'uinal bay c'alal yu'uninej te jajch'em ta beja' yu'un Egipto, c'oem c'alal ta muc'ja' Eufrates.

Isaías 30:7

te mero ma'yuc yip, ma'yuc bi ya xju' yu'un ta coltaywanej. Ja' swentail te jich cac'ojbey sbiilin: “Muc'ul chambalam te ya x'awune, ma'yuc bi ya spas ni jtebuc”, xi' me.

Isaías 36:6

Te ya quile, ja' smuc'ulinej awo'tan te ya xc'opoj awu'un te Egipto. Lec ay, te Egipto jich bit'il jun jatbil jalal. Teme ay mach'a ya x'ipaj ta sc'op tey a, ya me xlowot yu'un, soc ya me solesbot c'axel ta sc'ab. Ja' me jich ya xc'ot te faraón, te muc' ajwalil yu'un Egipto, ta swenta te mach'a ya yac' smuc'ul yo'tan ta stojole.