Jeremías 37:3 - Bible in Tzeltal de Oxchuc y Tenejapa

³ Te muc' ajwalil Sedequías la sticun bael te Jucal snich'an Selemías soc te sacerdote Sofonías te snich'an Maasías, ta yilel te j'alwanej Jeremías. Jich c'o yalbeyic: —C'oponbotic Cajwaltic te Dios cu'untique —xiic.

Bible in Tzeltal Bachajón

³ Te ajwalil Sedequías la sticon bahel te Jucal snich'an Selemías soc te sacerdote Sofonías snich'an Maasías yu'un hich ya yalbeyic te jalwanej Jeremías: Awocoluc, c'opombotic Jehová te Dios cu'untic, xchihic.

Jeremías 37:3 ပူးပေါင်းရင်းမြစ်များ

Jeremías 52:24

Te comandante yu'un jcanantaywanejetic la stsac te Seraías, te ja' muc' sacerdote; te Sofonías, te sacerdote te ja' ya sjel sba soque; soc ta yoxebal te jcanan-ti'nail yu'un templo.

Jeremías 42:20

Ja'ex nix ya awac' abaic ta woclajel atuquelic. Melel ja'ex nix la awac'bonic ta jwenta te ya xnoptsajon ta stojol te Cajwaltic Dios, te jich la awalbonic: “Albotic wocol a te Cajwaltic Dios, soc ac'botic jna'tic spisil te bila mandal ya yal stuquel, swenta yu'un ya jpastic”, te xaexe.

Jeremías 2:27

Melel ya awalbey te te': “Ja'at jtatat”, ya awut, soc ya awalbey te tone: “Ja' jme'at”, ya awut. Yan te jo'one, ja' ya awac'bon quilbat te apate, ma ja'uc te awelawe. Ja'uc me to, te c'alal nax ya awilic ya xtal ta atojolic te bila chujc'ule, ya awalbonic: “¡La', coltayawotic!”, xaex ta ora.

1 Reyes 13:6

Ja' yu'un te muc' ajwalil la sc'opon te j'alwanej yu'un Dios, jich la yalbey: —Wocoluc c'oponbon te Dios awu'une, swenta yu'un ya me xlecub a te jc'abe —xi'. Te j'alwanej yu'un Dios la sc'oponbey te Diose. Te sc'ab te muc' ajwalil lecub, jich nix c'ot te bit'il ay ta neelal toe.

Hechos 8:24

La yal te Simone: —C'oponbonic me Cajwaltic ta jtojol te ja'exe, swenta yu'un ma me xc'ot ta jwenta te bila la awalique —xi'.

Jeremías 38:1

Sefatías te snich'an Matán, Gedalías te snich'an Pasur, Jucal te snich'an Selemías, soc Pasur te snich'an Malquías, la yaiyiquix stojol te bila la yal te Jeremías ta stojol te lume:

Jeremías 29:21

“Te Cajwaltic te Spisil ya xju' yu'une, te Dios yu'un Israel, ya yalbey sc'oplal te Acab te snich'an Colaías soc sc'oplal te Sedequías te snich'an Maasías, te ja'ic ya yalic c'op ta swenta Cajwaltic ta sc'opique. Ya me cac' te ya x'ochic ta sc'ab te muc' ajwalil Nabucodonosor ta Babilonia, ja' me ya smil ta atojolic.

1 Samuel 12:19

Ja' yu'un, jich la yalbeyic te Samuel: —Albeya wocol te Cajwaltic te Dios awu'un, te manchuc ya xlajotic jo'otic te abatotic awu'un, melel bayal jmultic ta jpisiltic, soc ja' jmultic xan te la jc'antic muc' ajwalil cu'untique —xiic.

Números 21:7

Jich yu'un bajt'ic ta stojol Moisés, la yalbeyic: —La jta jmultic ta sbolc'optayel Cajwaltic soc ta atojol te ja'ate. C'anbeya te Cajwaltic te ya sq'uejbotic bael te chanetique —xiic. Te Moisés la sc'anbey Cajwaltic te yacuc spasbey perdón te israeletique.

Éxodo 10:17

Jich yu'un ya me calbeyex wocol, pasbonic perdón yu'un te jmule, ma ba ya jpasix. C'oponbonic a te Ajwalil te Dios awu'unic te ya sq'uejbon bael te lajel ta jtojole —xi'.

Éxodo 9:28

Mero c'axem to xan te chawuc soc te bat te ay ta jtojoltique. Ja' yu'un c'anbotic a te Awajwale, ya me caq'uexix bael —xi'.

Éxodo 8:28

Te faraón, jich la yal: —Lec ay, ya caq'uex bael ta muc'ul jochol taquin q'uinal, pero ja' te ma jc'axeluc najt' ya xbaexe. C'oponbonic Dios tey uuc a —xi'.

Éxodo 8:8

Te faraón la sticun ta iq'uel te Moisés soc Aarón, jich la yalbey: —C'opona te Awajwalique, ac'a sq'uejbon bael ta jtojol te xch'uch'etique, soc ta stojol te jlumale. Ya cac' loq'uel te alumale, ac'a ba yac'beyic smajt'an te Awajwalique —xi'.

Jeremías 15:11

Ac'a c'otuc ta pasel yu'unic te sbol-c'opic, Cajwal, teme ma ba lec cac'oj jba ta abatinel awu'une, teme ma ba calojbat wocol ta xc'uxtayel te jcontrotac, c'alal ayic ta wocol soc mel-o'tan.

Jeremías 37:7

te mach'atic ticunbil tele: —Albeyaic te muc' ajwalil yu'un Judá te la sticunex ta ajojc'obelone, te bayal soldadoetic yu'un faraón te ayiquix tel ta be ta swenta scoltaybelexe, sujt'iquix bael ta Egipto.

Jeremías 37:17

Te muc' ajwalil Sedequías la yal mandal ta iq'uel tel ta spalacio te Jeremías. C'alal c'otix ta stojol a, te muc' ajwalil la sjojc'obey ta muquen: —¿Ay bal yaloj sc'op te Cajwaltique? —xi'. Te Jeremías la sjac': —Ay, ja' in to: “Ja'at muc' ajwalil, ya x'ochat ta sc'ab te muc' ajwalil yu'un Babilonia” xi' me —la yut.

Jeremías 42:1

Ta spisil capitán yu'un soldadoetic, soc tey ay a te Johanán snich'an Carea, te Azarías snich'an Osaías soc spisil lum, muc'-biq'uit, noptsajic tel