Jeremías 32:4 - Bible in Tzeltal de Oxchuc y Tenejapa

⁴ Te muc' ajwalil Sedequías ma xju' ya scoltay sba ta sc'ab te caldeoetique, ya me x'och ta sc'ab te muc' ajwalil yu'un Babilonia, ya me stejc'an sba ta stojol.

Bible in Tzeltal Bachajón

⁴ soc te ajwalil Sedequías ma ba ya xcol ta sc'ab te caldeohetic, ya me x'och ta sc'ab te ajwalil yu'un Babilonia, ya me stehc'an sba ta c'op ta stojol, ya me yilbe sit,

Jeremías 32:4 ပူးပေါင်းရင်းမြစ်များ

Jeremías 38:23

Te Jeremías la yalbey xan te muc' ajwalile: —Spisil te antsetic awu'un soc te anich'nab ja'at muc' ajwalil, ya me x'ac'otic ta sc'ab te caldeoetique. Te ja'ate ma me xju' ya acoltay aba ta sc'abic; ya me x'ac'otat ta sc'ab te muc' ajwalil yu'un Babilonia, soc ya me xchiq'uic jilel te lume —xi'.

Jeremías 38:18

Melel teme ma la awac' aba ta sc'abique, te caldeoetic ya me x'och ta sc'abic te lume, soc ya me xchiq'uic. Soc te ja'ate ma xju' xcolat”, xi' te Cajwaltique —la yut.

Jeremías 37:17

Te muc' ajwalil Sedequías la yal mandal ta iq'uel tel ta spalacio te Jeremías. C'alal c'otix ta stojol a, te muc' ajwalil la sjojc'obey ta muquen: —¿Ay bal yaloj sc'op te Cajwaltique? —xi'. Te Jeremías la sjac': —Ay, ja' in to: “Ja'at muc' ajwalil, ya x'ochat ta sc'ab te muc' ajwalil yu'un Babilonia” xi' me —la yut.

Jeremías 34:3

Te ja'ate ma xju' xcolat loq'uel ta sc'ab, ya me xchucat soc ya me x'ac'otat ta stojol. C'alal ya xlaj yo'tan te ya stejc'anat ta stojol, ya me yic'at bael ta Babilonia.

Jeremías 34:21

Te Sedequías te muc' ajwalil yu'un Judá soc te sjo'tac ta ajwalil ya me cac' ochuc ta sc'ab scontroic te ya yac' lajel, ja' te soldadoetic yu'un te muc' ajwalil ta Babilonia te comeniquix ta yaq'uel guerra.

Jeremías 21:7

Patil ya cac' ta c'abal te Sedequías, te muc' ajwalil yu'un Judá. Ja' ya cac' ta sc'ab te Nabucodonosor soc te yantic scontrotac te jmilawaletique te ja' nix sjo'tac ta ajwalil, soc te soldadoetic yu'une. Te alumal te cuxulic to ya xjilic ta lum ta patil teme c'axemix a te chamel te ya xmilawane, te guerra soc te wi'nale, jo'on ya cac' te ya xmilotic ta puñal, ni ma'yuc xc'uxtayel, ni ma me ayuc ta na'beyel yo'bolil sba. Jo'on Ajwalilon, tulan ya cal’, xi me”, uta me.

Jeremías 25:35

Te jcanan-chijetic ma xju' yu'unic te ya x'anique; te j'ic'awanejetic yu'un te jtsojp chijetique ma xju' ya scoltay sbaic.