Jeremías 3:3 - Bible in Tzeltal de Oxchuc y Tenejapa

³ Ja' swentail te comenix ja'al ta yorail invierno soc ta yorail primavera. Jich awelaw te bit'il jmulawil antse; ya sc'an yacuc xq'uexawat yu'un.

Bible in Tzeltal Bachajón

³ Ha scuentahil te la yich' comel te ha'ale, te ma ba la yac' ha'al ta yorahil te ya xyaxub te q'uinale. Pero hich awelaw te bin ut'il jmulawil ants, ma ba la ac'an ya xq'uexawat yu'un.

Jeremías 3:3 ပူးပေါင်းရင်းမြစ်များ

Génesis 19:34

Ta yan c'aalil, te wixil la yalbey te yijts'ine: —La join ta wayel ajc'ubey te jtatique. Ya me cac'tic xyacub xan ta ajc'ubal yo'tic. Ja'at me ya x'ochatix bael te ya ajoin ta wayele, swenta yu'un ay jts'umbaltic yu'un jtatic jchebaltic ya xc'ootic —xi'.

Nehemías 9:17

Ma ba la sc'an la xch'uunic, soc ma la sna'ic te bitic muq'uic sc'oplal la apas ta swenta sna'beyel yo'bolil sbaique. Mero tulan la yac' sbaic. Jich la yac'beyic yat'el te jwolwanej te ya x'ic'otic xan sujt'el ta mozoil ta Egipto. Pero te ja'ate Jpas-perdonat, ya ana' yo'bolil jbajtic, sts'ujetotic ta awo'tan, ma orauc ya x'ilinat, soc muc' te xc'uxul awo'tane. Ja' yu'un ma ba la apijt'es.

Proverbios 21:29

Te mach'a amen yo'tan, ya scuy sba te lec aye; yan te mach'a toj yo'tane, jun yo'tan ay stuquel.

Isaías 5:6

ya jpijt'es jilel. Ma ba ya yich' c'abuyel, ni ma ba ya yich' aq'uentayel; ya me xnoj ta ch'ixtiquil soc ta wanc'altic. Ya me jpas ta mandal te tocaletic te ma me xyaq'uic ja'al ta stojol —xi.

Jeremías 14:1

Ta scaj te taquej te q'uinale, te Cajwaltic la sc'opon Jeremías, jich la yalbey:

Jeremías 14:22

¿Ay laj bal ta yolilic te lotil diosetic te ay jtuluc te ya xju' yu'un yaq'uel tel te ja'ale? ¿Stuquel nax laj bal ya sticun tel chawuquil ja'al te ch'ulchane? Ma jichuc, Cajwal, Dios cu'untic. Ja'at nax atuquel te ya aticun tele, ja'at nax atuquel te ya apas ta spisile; jich yu'un ya jmaliytic te bi ora ya awac'botique.

Jeremías 14:3

Te jc'ulejetic ya spas bael ta mandal te abatetic yu'un ta sliquel ja'. Ya xbajt'ic ta pozo, ja'uc me to, ma'yuquix ja' ya staic tey a, jochol ya sujt' tel soc te sq'uibique. Ay swocolic soc bayal q'uexlal ya yaiyic, ya smuc sjolic yu'un.

Jeremías 14:4

Te mach'atic ya x'at'ejic ta c'altic ay swocol ya yaiy ta yo'tanic, soc ya smuc sjolic yu'un. Melel ma'yuc te ja'ale, te lumq'uinale jc'axel bacuben ta jyalel.

Jeremías 36:2

—Tsaca junuc balbil jun, ts'ibuya tey a spisil te bila calojbat ta swenta Israel, Judá soc te yantic nacionetique, ja' to me te c'op jajch' calbat tel c'alal ay ta ajwalil a te Josías, ja' to c'alal ora yo'tic.

Jeremías 5:24

Ma'yuc bay la yal awo'tanic, ni ma'yuc bay la anop: “Ya me quich'tic ta muc' te Cajwaltic te Dios cu'untique, te melel ya yac'botic tel ja'al ta mero sc'aalelal ta yorail siquil q'uinal soc ta q'uepel q'uinal, soc ya yac'botic sc'aalelal ta swenta c'ajoj”, ma xauquex.

Jeremías 5:25

Ja'uc me to, te amulic te ja'ex, ja' yanajem yu'un ta spisil, soc jich ma xju' ya amulanic te utsilale.

Jeremías 5:3

Cajwal, te bila ya alebey te ants-winiquetic, ja' te jun yo'tanic ta atojole. Te castigo la awac'bey, ma ba c'ux la yaiyic; la awac'bey tulan swocolic, pero ma teyuc la snopic a. Tulan ta jyalel te yo'tanique, c'ax to jich te bit'il ton; ma la sc'an sujt'ic bael ta bay lequil be.

Jeremías 6:15

Ya me sc'an ya xq'uexawic yu'un te bit'il jich ya spasic te ma sts'ijq'uix cu'une. Ja'uc me to, ma'yuquix q'uexlal ya yaiyic yu'un, ni ma niwan sna'ic te bila a te q'uexlale. Ja' yu'un, te c'alal ya cac'bey castigo, ya sc'ojch'in sbaic soc ya me xyalic jich bit'il te yantique. Jo'on Ajwalilon te jich ya cale —xi' te Cajwaltique.

Jeremías 8:12

Ya me sc'an ya xq'uexawex yu'un te yacalex ta spasel te bila ma sts'ijq'uix cu'une; ja'uc me to, ma'yuc q'uexlal ta yo'tanic, maniwan ya sna'ic te bila a te q'uexlale. Jich yu'un te c'alal ya cac'bey castigo, ya me sc'ojch'in yacan, ya me xyalic jich bit'il te yantique. Jo'on Ajwalilon te ya cale”, uta me —xi' te Cajwaltique.

Jeremías 9:12

¿Mach'a a te bayal sp'ijil ta swenta sna'beyel swentail in to? ¿Mach'a ac'bot sna' stojol yu'un Cajwaltic swenta ya xju' yu'un xcholbel yaiy te yantique? ¿Bi yu'un te lum te jineme, te taquinix jichuc jochol taquin q'uinal ta bay ma'yuc mach'a ya xc'axix tey a?

Ezequiel 3:7

Yan te lum Israele, ma ba ya sc'an ya yich'bat ta muc' ac'op, melel ma sc'an ya yich'onic ta muc' jo'on. Ta spisil te lum Israel mero tulan yo'tanic soc mero tulan te sjolique.

Levítico 26:19

Ya me jlajinbey te abol toybailique. Ya me cal mandal te ma ba ya xtal ja'al ta ch'ulchan, soc te ma ba ya yac' sit te bila ya yich' ts'unel ta lumq'uinale.

Amós 4:7

—Ja' nix jich la jcom ja'al oxeb u te ma to sta yorail te ya xloc' sit a te awawal-ats'unube. Ay la cac' ja'al ta jpam lum, soc ay ma la cac' ja'al ta yan jpam lum; ay jsejp q'uinal ta bay la cac' ja'al, soc ay yan jsejp q'uinal te ma la cac' ja'al, jich taquej.

Amós 4:8

Te ants-winiquetic cotlajanel c'axic ta lumlumtic ta sleel ja' yuch'ic, ma tic'uc la staic yu'un te taquinti'il la yaiyique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Sofonías 2:1

Ja'ex ants-winiquetic te ma'yuc aq'uexlalic, tsoba abaic, jun xawac' abaic,

Sofonías 3:5

Ja'uc me to, te Cajwaltic ay ta alumalic; ja' ya spas stuquel te bila leque, ma ja'uc te bila amene. Ta jujun sab ma xch'ay ta yo'tan ya yac' chicnajuc te stojil yat'ele. Yan te mach'a amene, ma sna'bey sba te q'uexlale.

Hageo 1:11

Jo'on te ma ba la cac' tel ja'al ta lumq'uinal, soc ta witstiquil, soc ta sba te trigo, te ts'usubiletic, te olivoetic, soc ta sba te bitic ya yich' tulbeyel sit te ts'unul ta lumq'uinale. Ma ba la cac' tel ja'al ta atojolic ja'ex ants-winiquex, soc ta stojol te chambalametic awu'unique, soc ta sba awawal-ats'unubic —xi' te Cajwaltique.

Deuteronomio 28:23

Ta ch'ulchan ma ba ya yac'bat tel ja'al, ta balumilal ma ba ya yac'bat sitinuc awawal-ats'unub.

Hebreos 12:25

Jich yu'un tsajtaya me abaic, ma me xap'ajic te mach'a yac ta c'ope. Melel teme ma ba colic te mach'atic la sp'ajic te c'alal c'oponotic ta tulan yu'un Dios li'to ta balumilale, ¿bit'il c'an colucotic jo'otic teme ya jp'ajtic ta comel yu'un te Mach'a yac ta c'op ta jtojoltic c'alal to ta ch'ulchane?