Jeremías 27:9 - Bible in Tzeltal de Oxchuc y Tenejapa

⁹ “Ja'uc me to, ma me x'awich'beyic ta muc' sc'op te j'alwanejetic awu'unic, soc te mach'atic ya sna'ic syoljoltayel, soc te ya yalic te swaichique, soc te mach'atic ya sna'ic yalel te bila ya xc'ot ta patile, soc te mach'atic ya sna'ic pic-c'abale, te jich ya stac'uyex te ma xawac' abaic ta sc'ab te muc' ajwalil yu'un Babilonia.

Bible in Tzeltal Bachajón

⁹ Ha yu'un ma me xawa'iybeyic sc'op te jalwanejetic awu'unic, te jna'ojeletic, jwayichijeletic, jwoyawetic soc te jmonawetic awu'unic te hich ya yalbeyex: Ma ba yac awac' abahic ta a'batinel yu'un te ajwalil yu'un Babilonia, te xchihique.

Jeremías 27:9 ပူးပေါင်းရင်းမြစ်များ

Éxodo 22:18

“Ma me xawac' xcuxin jtuluc ants te ya sna' yaq'uel chamel.

Éxodo 7:11

Te faraón la yic' tel te p'ijil winiquetic yu'un te ay bitic ya xju' yu'unic spasele, jich la spasic uuc.

Proverbios 19:27

Jnich'an, teme la ach'ay ta awo'tan te comele, la me ach'ay jilel a te lequil tojtesele.

Isaías 8:19

Te ants-winiquetic ma ba wocol ya yalbeyex te ja'exe: —Jojc'obeya awaiyic te xch'ulel animaetic, soc te mach'atic ay bila ya sna'ic syoljoltayel te sajlajanic ya xc'opojique. Jojc'obeyic te diosetic yu'unic te lume. Puersa me ya sc'anbeyic tojtesel yu'un animaetic te mach'atic cuxajtique,

Jeremías 14:14

Jich yu'un te Cajwaltic la sjac'bon te jc'ope: —Teme jich yacalic ta yalel ta jwenta te j'alwanejetique, yacalic ta lot abi. Ma'yuc bay jticunej, soc ma'yuc bay calojbey mandal, soc ma'yuc jc'oponej. Tojol nax ya yalic te ay bila cac'ojbey yil ta sc'opic, stuquel nax la slomic ta alel. Ja' ya yal te j'alwanejetic abi.

Jeremías 23:16

Te Cajwaltic te Spisil ya xju' yu'une, ya yal: —Israeletic, ma x'awich'ic ta muc' te bila ya yalbeyex te mach'atic ya scuy sbaic ta j'alwanejetique. Te bila ya yalique, ja' nax puro lot; te bitic ya yalique, ja' nax ya xchicnantesic stuquelic, ma'yuc bay calojbey jc'op.

Jeremías 23:25

“Caiyojbey slotic te j'alwanejetic to te ya xjelawic, te ja' ya xc'opojic ta jwenta ta sc'opique, soc te la jc'opon ta swaichic ta sc'opique.

Jeremías 23:32

Ya me cal ta jamal te ya jcontroin te j'alwanejetic to te ya xcholic slotil waichique; ta swenta te lotetic soc c'opetic te ya spasic te ya sjowtesbonic te lum cu'une. Ma'yuc bay jc'oponej, ni ma'yuc bay jticunej, ni ma'yuc bay calojbey mandal jtebuc, jich ma xju' yu'unic scoltayel te lume. Jo'on Ajwalilon, jich ya cal.

Jeremías 29:8

Jo'on Ajwalilon te Spisil ya xju' cu'une, te Dioson yu'un Israel, ya jultesbeyex awo'tanic: Ma me xawac' abaic ta lo'layel yu'un te lotil j'alwanejetic soc te mach'atic ay bila ya sna'ic yalel te ayic ta awolilique; ma x'awich'beyic ta muc' te ay swaichique.

Ezequiel 21:29

Te bila ya yil ta sc'opique, lotil me, soc te bila yac ta yalel sc'oplale, puro lotil stuquel. Te puñal ya me xyal ta snuq'uic te bol j'uts'inwanejetique. Nopolix ya sta yorail te slajibal castigo ta stojolique.

Daniel 4:7

Tal spisilic te j'ac'-chameletic, soc te mach'atic ya sna'ic syoljoltayele, soc te mach'atic bayal bila sna'ojique, soc te mach'atic ay bila sna'ojic ta swenta te c'aal, u, eq'uetic. C'alal julic ta jtojol, la calbey yaiyic te jwaiche, pero ma ba ju' yu'unic sna'el, jich ma ba la yalbonic caiy te bila swentaile.

Miqueas 3:7

Te j'alwanejetic soc te mach'a ay bila ya sna'ic yalele ya me xjilic ta q'uexlal ta jc'axel. Spisilic ya me xcomic ta c'op te c'alal ma stsacbot sc'opic yu'un te Diose.

Zacarías 10:2

Te c'opetic ta swenta lotil diosetic, ma meleluc stuquel; slotic te bila ya yalic te mach'atic ay bi ya sna'ic yalele. Te bi ya yalic te ya xc'ot ta pasele, ta patil jich nax c'oem te bit'il waichil te ma'yuc swentaile. Te sc'opic swenta smuc'tesel q'uinal yaiyic, tojol c'op;ma xmuc'ub yo'tanic yu'un te ants-winiquetique. Ja' yu'un te yajwal lume bayuc nax ya xbajt'ic ta beel jichuc jtsojp chijetic; c'ux obol sbaic ta scaj te ma'yuc jcanan yu'unique.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

Hechos 8:11

Jich yich'ojic ta muc', melel ayix bayal ja'wil te lo'laybilic yu'un ta swenta mágia te ya spase.

Efesios 5:6

Ma me xawac' abaic ta lo'layel yu'un lotil c'op te ma'yuc swentaile. Melel ja' ta swenta in muliletic to te ya x'ac'bot yich'ic tulan castigo yu'un Dios te mach'atic yal-snich'an te jch'ay-mandale.

Deuteronomio 13:2

teme ay nix c'ot ta pasel a te bila la yalbeyexe, teme jich ya yalbeyexe: “Conic jt'untic yantic diosetic te ma x'ana'beyic sba te ja'exe. Conic, quich'tic ta muc'”, teme xie,

Deuteronomio 18:14

Te nacionetic ya xba awich'beyic te sq'uinale, xch'uunejic me stuquelic te bila ya yalic te mach'atic ya xju' yu'unic yalel ta sc'opic te bitic ya xc'ot ta pasele, soc nix te bila ya yalic te mach'atic te ya sna'ic syoljoltayel. Yan te ja'exe ma me sc'an Dios te jich ya apasique.

Josué 13:22

Te israeletic la smilic te Balaam, ja' te snich'an Beor te la sna' syoljoltayel te bi ya xc'ot ta pasele, soc ay bayal yantic la smilic.

Apocalipsis 18:23

Soc ma xchicnaj xan xojobil c'ajc' ta atojol, soc ma'yuc bi ora xch'inch'on nax q'uinal yu'un spasel q'uin swenta nujbinel ta atojol. Melel te jp'olmaletic awu'une, buen ich'bilic ta muc' ta neelal ta balumilal. Soc la alo'lay spisil nacionetic a ta swenta te j'ac'chameletic awu'une”, xi' te ch'ul abate.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.

Apocalipsis 9:21

Soc ma la yijq'uitayic te milawe soc te ts'ilwaneje soc te mulweje soc te eleq'ue.