Jeremías 27:4 - Bible in Tzeltal de Oxchuc y Tenejapa

⁴ Ala mandal ta albeyel te muc' ajwaliletic yu'unic, te jo'on Ajwalilon te Spisil ya xju' cu'une, te Dioson yu'un Israel, jich ya cal:

Bible in Tzeltal Bachajón

⁴ Halbeya mandar te hich me ya yalbeyic te ajwaliletic yu'unic, te hich ya yal te Jehová te scuentahinej spisil, te Dios yu'un Israel:

Jeremías 27:4 ပူးပေါင်းရင်းမြစ်များ

Éxodo 5:1

Te Moisés soc te Aarón ba yalbeyic te faraón: —Jich la yal te Cajwal te Dios cu'untic jo'otic te israelotique: “Ya me awac'bon loq'uel te lum cu'une. Ya xbajt'ic ta muc'ul jochol taquin q'uinal. Ya xba spasbonic q'uin tey a swenta quich'jibal ta muc' yu'unic”, xi' te sc'ope —xiic ta stojol.

Jeremías 10:10

Te Cajwaltique, ja' te Dios ta melele, Cuxul Dios stuquel, Muc' Ajwalil sbajt'el q'uinal. Te c'alal ya x'iline, ya xnijc' yu'un te lumq'uinale; te nacionetique ma xcujch' yu'un te yilimbae.

Jeremías 10:16

Mero yan yilel stuquel a te Dios yu'un Jacob, jchicnanteswanej yu'un spisil te bitic aye. La stsa Israel te mero yu'un stuquele. “Ajwalil te Spisil ya xju' yu'un”, xi' te sbiile.

Jeremías 25:27

Soc la yalbon te Cajwaltique: —Albeya yaiyic te jo'on Ajwalilon te Spisil ya xju' cu'une, te Dioson yu'un Israel ya calbey mandal: “Uch'aic me ja' to te c'alal ya xyacubex ta jyalel, te ya xenex soc te ya xyalex ta lum, swenta yu'un ma xjajch'ex ta scaj te guerra te ya jticun tele”, xoon me.

Jeremías 27:3

Soc ticunbeya c'op te muc' ajwaliletic ta Edom, Moab, Amón, Tiro soc Sidón, ta swenta te j'al-c'opetic yu'unic te julemic ta Jerusalén ta yula'tayel te muc' ajwalil Sedequías.

Jeremías 27:5

Ta smuc'ul cu'el la jpas te balumilale, soc te ants-winiquetic soc te chambalametic te ayic tey a, soc ya xju' ya cac'bey te mach'a ya sc'an co'tane.

Jeremías 28:14

Melel te jo'on Ajwalilon te Spisil ya xju' cu'une, te Dioson yu'un Israel, jich ya cal: Cac'ojbeyix ta snuc' spisil nacionetic te yugo-taq'uin, swenta yu'un ya yabatin te muc' ajwalil Nabucodonosor yu'un Babilonia. Asta te ja'mal chambalametic cac'ojbey ta sc'ab”, uta me —xi' te Cajwaltique.

Jeremías 51:19

Mero yan yilel stuquel a te Dios yu'un Jacob; jchicnanteswanej yu'un spisil te bitic aye. La stsa Israel te mero yu'un stuquele. “Ajwalil te Spisil ya xju' yu'un”, xi' te sbiile.