Jeremías 26:5 - Bible in Tzeltal de Oxchuc y Tenejapa

⁵ teme mero ma x'awich'ic ta muc' te sjultesjibal awo'tanic yu'un te j'alwanejetic te abatetic cu'une, te bayal buelta la jticun tel, te la ac'axintaybeyic te sc'ope,

Bible in Tzeltal Bachajón

⁵ teme ma ba yac awa'iybeyic sc'op te jalwanejetic, te a'batetic cu'un te bayel buelta la jticombeyex tal, te ma ba la awa'iybeyic te sc'opique,

Jeremías 26:5 ပူးပေါင်းရင်းမြစ်များ

2 Reyes 17:13

Ta swenta spisil ta jchajp j'alwanejetic, albotiquix yu'un Cajwaltic a te israeletic te yacuc sujt'es yo'tanic yu'un te amen be st'unojique, te ja'uc ya yaq'uic c'otuc ta pasel te mandaliletic, soc te bi chapal yu'un, soc spisil te p'ijtesel te la yac'bey te antiguo sme'-static ta swenta te abatetic yu'une.

2 Reyes 17:23

Ja' slajibal c'ot te loq'uesotic ta stojol yu'un te Cajwaltic te Israele, chucul ic'otic bael ta Asiria, jich nix te bit'il yaloj ta swenta te j'alwanejetic te abatetic yu'une. C'alal ora tey ayic a.

2 Reyes 24:2

Te Cajwaltic la sticunbey bayal ta jchajp eleq'uetic: caldeoetic, siriaetic, moabetic soc amonetic. La sticun swenta scontro Judá yu'un ya slajinic, jich te bit'il neel yaloj te Cajwaltic ta swenta te j'alwanejetic, ja' te abatetic yu'une.

2 Reyes 9:7

Ja'at me ya alajinbey te sts'umbal Acab, te awajwale. Jich me ya asutbey spacol a te xch'ich'el te j'alwanejetic cu'un soc ta spisil te abatetic cu'un te la smalbey Jezabel.

Esdras 9:11

la awal ta swenta te j'alwanejetic, ja' te abatetic awu'une. Ja'at neel la awalbotic te bit'il ay te q'uinal te banti ya x'ochotique, te ya awac' ta jwentatique, te boloben te q'uinal ta scaj sbolil te mach'atic ayic tey a, ta scaj te ilaybil sba scostumbreic yu'un te bit'il ma ba xch'uunejic te Diose, te ja' snojesejic ta pasel a te ixtajele.

Jeremías 11:7

C'alal la jloq'ues tel ta Egipto te antiguo ame'-atatique, la jultesbey yo'tanic te ja' nax ac'a yich'bonic ta muc' te trato. Ja' to tel yo'tic abi, asta c'alal ora yacon ta sjultesbeyel yo'tanic.

Jeremías 29:19

Melel ma la yich'bonic ta muc' te sjultesjibal yo'tanic cu'un ta swenta te abatetic te j'alwanejetic cu'une, te la jticun bayal bueltae, ni ma la yaiybeyic stojol sc'op. Jo'on Ajwalilon, jich ya cal.

Jeremías 32:33

Ja' la yac'bonic quil te spatique, ma ja'uc te yelawique. Manchuc me ma ba laj co'tan ta sp'ijubtesel, ma la yich'bonic ta muc', ni ma la sc'anic tojtesel.

Jeremías 35:15

Spisil ora la jticunbeyex ta atojolic spisil j'alwanejetic te abatetic cu'une, swenta yu'un ya yalbeyex te yacuc awijq'uitayic te amen awo'tanic soc te amen at'eliletique. Soc te manchuc ya xbaex ta stojol te lotil diosetique, te ma xaquejan abaic ta stojole, te jich ya xju' xcuxinex bael ta bay lumq'uinal te cac'ojbeyex soc te antiguo ame'-atatique. Ja'uc me to, te ja'exe ma la awich'ic ta muc', ni ma la ach'uunic.

Jeremías 35:17

Jich yu'un te jo'on Ajwalilon te Spisil ya xju' cu'une, te Dioson yu'un Israel, ya cal: Ya me cac' te ya xjul ta stojolic Judá soc te mach'atic yajwal Jerusalén, ta spisil te woclajel te calojbey sc'oplale. Melel calojbeyex, ja'uc me to, te ja'exe ma'yuc bay awich'ojbonic ta muc'; la jc'oponexix, ja'uc me to, ma'yuc bay la ajac'bonic jc'op”, uta me —xi' me te Cajwaltique.

Jeremías 44:4

La jticun bayal buelta te j'alwanejetic te abatetic cu'une, yu'un ya yalbeyex te manchuc ya apasic te bitic c'ax amen te ya quilaye.

Jeremías 7:13

Manchuc me ay la jultesbeyexix awo'tan asta cheb oxeb buelta te bit'il ay te awat'ele, te ja'ex ma x'ac'an ach'uunbonic jmandal, ma'yuc bay ajac'ojbonic jc'op. Jo'on Ajwalilon jich ya cal.

Jeremías 7:25

Ja' to c'alal loq'uic tel ta Egipto te antiguo ame'-atatique, asta c'alal ora yo'tic, ay la jticunbeyex ta spisil te abatetic cu'une, ja' te j'alwanejetique.

Ezequiel 38:17

‘Jo'on Ajwalilon te jich ya cale: Ja'at ac'oplal te la calbey sc'oplal ta namey tel ta ye te j'alwanejetic cu'un ta Israel. La yalic te ya quic'at tel yu'un ya awac'bey guerra te Israel’, xi' te Cajwaltic”, uta me —xi'.

Amós 3:7

Ma'yuc bila ya spas Cajwaltic teme ma neeluc ya yac'bey sna'ic te j'alwanejetic yu'une.

Zacarías 1:6

Pero te c'opetic soc te mandaletic cu'un te la calbey yalic te abatetic, ja'ic te j'alwanejetic cu'une, c'ot ta stojolic te antiguo ame'-atatique, jich sujt'ic ta jtojol. C'ot ta yo'tanic te jo'on Ajwalilon te Spisil ya xju' cu'une, te la cac'bey sna'ic ta yo'tanic, chican bi yilel stalelic soc bi yilel yat'el spasojic”, uta me —xi' te Cajwaltique.

Apocalipsis 10:7

Melel te c'alal ya xc'ot yorail te ya xc'opoj te sjuquebal ch'ul abate, ya me xcaj yoq'uesin te oq'uese. Tey c'otix ta pasel a te bila muquen ay ta yo'tan Dios te la yalbey yaiyic te abatetic yu'une, ja' bi, ja' te j'alwanejetic yu'une”, xi' la caiy.

Apocalipsis 11:18

Ilinix yo'tanic te nacionetique. Ja'uc me to, c'otix yorail te awilimbae, soc c'otix yorail te ya awilbey yat'elic te mach'atic lajemique, soc te ya awac'bey stojol sc'abic te abatetic awu'un te yacalic ta yaiyel j'alwaneje, soc te jayeb te mach'atic ch'ul lum yu'un te Diose, soc spisil mach'atic yich'oj ta muc' te abiile, chican teme muc' biq'uite, soc c'otix yorail te ya awac' ta lajel te mach'atic ya sboltesic te balumilale”, xiic ta yalel.