Jeremías 24:9 - Bible in Tzeltal de Oxchuc y Tenejapa

⁹ Ya me cac' te ya x'ac'bot xiwel yu'un spisil nacionetic ta balumilal; soc ja'ic me sp'ijubtesjibal te nacionetic te bit'il ay te pejc'anel, te ilayel soc te bit'il ya xbolob sc'oplalique. Seña me ya xc'otic ta stojol te nacionetic te bay ya jpuc baele.

Bible in Tzeltal Bachajón

⁹ Ya cac' te ha xiweltic sba soc ha seña bin chopol ya xc'ohtic ta stojol spisil te nacionetic ta bahlumilal, soc tse'laybilic, p'ajbilic, labambilic soc ma lecuc sc'oblal ya xc'ohtic ta bayuc te ya jpucticlan bahele.

Jeremías 24:9 ပူးပေါင်းရင်းမြစ်များ

1 Reyes 9:7

ya me jbul loq'uel te Israel ta lumq'uinal te cac'ojbeye. Ya me jch'oj loq'uel ta jtojol te templo te la jch'ultesixe soc te Israele. Ya me x'och ta labanel spisil ora yu'un spisil nacionetic.

2 Crónicas 7:20

ya me jloq'uesex bael ta lumq'uinal te cac'ojbeyexe. Ya me jch'oj loq'uel ta jtojol te templo te ch'ultesbilix cu'une. Ya me cac' slabanex spisil te yantic nacionetique.

Salmos 69:11

teme ya jlap jc'u' swenta seña mel-o'tan, spisilic ya stse'luyonic yu'un.

Isaías 43:28

te ajwaliletic awu'unic la sboltesbonic te templo. Ja' swentail te la quijq'uitay jilel te lum Israel, ja' te lum yu'un Jacob, te la yich'ic jinel soc ixtac'optayel.

Isaías 65:15

Te mach'atic tsabilic cu'un, ya me stuuntesbeyex abiilic ta swenta sc'anel castigo soc ta sc'anel lajel ta stojol yantic a; ja'uc me to, te abatetic cu'un ya me jelbey sbiilic.

Jeremías 15:4

Te nacionetic ya cac'bey xiwel ta yo'tanic yu'un te bila ya jpas ta stojolique, ta scaj yat'el te muc' ajwalil yu'un Judá, te Manasés te snich'an Ezequías, te bila spasoj ta Jerusalén.

Jeremías 19:8

Ya jc'atp'un ta jochol taquin q'uinal in lum to, jich me ya xc'ot te bila ya yac' xiwele. Spisil mach'atic ya xc'axic tey a, cham nax me ya yaiyic soc ya me xiwic te c'alal ya yilic te jc'axel jinbilix ta jyalele.

Jeremías 25:18

La cac'bey yuch' te Jerusalén, te lumetic yu'un Judá, te muc' ajwaliletic yu'une, soc te jtsobwanejetique, ta swenta sjinelic soc te ya xc'atp'ujic jilel ta jinem ts'ajq'uetic te ya yac' xiwel soc nijq'uel. Ja' me seña te boloben sc'oplalic asta ora to.

Jeremías 26:6

ja' yu'un jich me ya jpasbey te templo te bit'il la jpasbey te templo ta Silo. Ja' in lum to te boloben sc'oplale, ja' seña ya xc'ot cu'un ta stojol spisil nacionetic ta balumilal, uta me —xi'.

Jeremías 29:18

Ya me yich' nutsel cu'un ta guerra, wi'nal, soc chamel. Ya me cac' te jchajp nax ya yaiyic yu'un te nacionetique. Ja' seña ya me xc'ot cu'un ta stojol te nacionetic te bila boloben sc'oplal soc te q'uexlaltic sbae. Jich me ya x'ac'botic nijq'uel soc xiwel spisil te nacionetic ta bay la jpuc baele.

Jeremías 29:22

Jich te mach'atic ic'otic loq'uel ta Judá, te ic'otic bael ta mosoil ta Babilonia, teme ya sc'anic te ya sbolc'optayic yan, ya me staic ta alel: ‘Te Cajwaltic ac'a spasbat ta atojol, jich bit'il la spasbey te Sedequías soc te Acab, ja' te mach'atic la swo ta c'ajc' te muc' ajwalil yu'un Babilonia’, xiuc me ta yutel.

Jeremías 34:17

Ja' yu'un yo'tic, jo'on Ajwalilon ya cal: Ja'ex ma la ach'uunbonic jc'op, ma la awaq'uic ta libre te alumalic te ayic ta mosoile. Ta ora yo'tic, ja' ya caq'uex ta libre te ja' ya x'at'ej ta atojolic te guerra, chamel soc wi'nal, swenta yu'un ya me spas ta atojolic bila te ya xjajch' ta nijq'uel yo'tanic yu'un spisilic te mach'atic ya xmandalajic ta balumilal. Jo'on Ajwalilon, jich ya cal.

Jeremías 42:18

“Te Cajwaltic te Spisil ya xju' yu'une, te Dios yu'un Israel, ya yal: “Te quilimba til ta stojol te yajwal Jerusalén, jich nix ya xtil ta atojolic teme ya xbaex ta Egipto. Ja' me ya xc'atp'ujex ta ejemplo yu'un te castigo te ya yac' xiwel; soc ma'yuc bi ora ya awil xan in q'uinal to”, xi' xan.

Jeremías 44:12

Jich ya jpasbey te mach'atic cuxulic jilel te yajwal Judá, soc te la yac' bael yo'tanic ta ainel ta Egipto, ya me yich'ic jinel ta jc'axel tey a. Spisil muc'-biq'uit ya xlajic ta guerra o wi'nal, ja' ejemplo ya xc'otic te ya yich'ic castigo soc te pejc'anel te ya yac' xiwele.

Jeremías 44:13

Ya me cac'bey castigo mach'atic ayic ta Egipto, jich bit'il la cac'bey castigo ta Jerusalén: ta guerra, ta wi'nal soc milawal chamel.

Jeremías 44:22

Ja'uc me to, te Cajwaltic ma xcujch'ix yu'un te sbolil awat'elic te la apasic te ja'exe, ma lecuc yo'tan yu'un. Jich yu'un te alumalique jinemix ta jc'axel yo'tic, ma'yuquix mach'a nainemic tey a; c'atp'ujex ta ejemplo yu'un castigo, te ya yac' xiwele.

Ezequiel 23:46

Te Cajwaltic jich ya yal: —Ac'a yich' tsobel te lume, ac'a scontroinic te antsetique. Ac'a yac'beyic yaiy tulan xiwel, soc ac'a yelc'anbeyic sbiluquic.

Ezequiel 25:3

Uta me: “Aiya me awaiyic te c'op ya yalbeyex te Cajwaltic: Te ja'exe awunex yu'un yutsil q'uinal awaiyic te c'alal la awilic te bolob sc'oplal te templo cu'une, soc te c'alal laj te slum-sq'uinal Israel, soc te c'alal ic'otic bael ta mosoile te yajwal Judá.

Ezequiel 26:2

—Te Tiro jich la yalbey sc'oplal te Jerusalén: “¡Ay, te ti'nail yu'un te p'olmalil yu'un nacionetic yich'ojix wuyel! Yo'tic, c'otix ta jwenta. Yan te jo'one ya me quesmantesix jc'ulejal; yan stuquel, jc'axel me jinbil ya xjil”, xi' te lum Tiro.

Ezequiel 5:8

Ja' yu'un jo'on Ajwalilon jich ya cal: Ja' nix jichon ya me x'ochon ta acontro, ja'at Jerusalén. Ya me cac' c'otuquix ta atojol te castigo ta comonsitil yu'un te yantic nacionetique.

Deuteronomio 28:25

soc teme jc'axel la stenat te acontrotaque. Ya x'ochex bael ta stojolic, buen lec me ya achol ochel abaic, pero ya me xpujq'uex bael ta anel ta stojolic, ya me awac'bey xiwel yantic ajwaliletic ta q'uinal.

Deuteronomio 28:37

Ilaybil aba ya x'ilotat tey a. Spisil ta jchajp labanwanej-c'op ya me yalic ta awenta ta spisil ta jchajp te lumetic te banti ya yic'at bael te Cajwaltique.