Jeremías 22:3 - Bible in Tzeltal de Oxchuc y Tenejapa

³ At'elinaic spasel jchajbanwanej soc te bila stojil li' ta q'uinal to, ac'aic ta libre te mach'a tenbilic ta uts'inel yu'un te j'uts'inwanejetique. Ma xapejc'anic ni ma xabolc'optayic te mach'atic jyanlumetic, te me'ba alaletic soc te me'ba antsetique. Ma xamilic te ants-winiquetic te ma'yuc smulique.

Bible in Tzeltal Bachajón

³ Hich yaloj te Jehová: Stojil me xawa'iy chahpanwanej soc pasa te bin stojil ta pasele. Ac'ahic ta libre ta sc'ab te j'uts'inwanej te mach'a tembil ta uts'inel yu'un soc ma me xawelc'ambe sbiluc te jyanlum, te me'ba' soc te me'ba' ants, soc ma me xamalbe sch'ich'el ta lugar ini te mach'a mayuc smule.

Jeremías 22:3 ပူးပေါင်းရင်းမြစ်များ

2 Samuel 23:3

Te Dios yu'un Israel c'opojix, te Jcanantaywanej yu'un Israel jich yalojbon: ‘Ja' te mach'a mero stojil ya swentain te ants-winiquetique, ja' te mach'a yich'oj ta muc' Dios te ya x'at'ej ta muc' ajwalil,

2 Reyes 24:4

Soc ta scaj te la smalbey xch'ich'elic te mach'atic ma'yuc bi spasojic, te la snojes ta ch'ich' c'oem a te Jerusalén. Ja' yu'un ma ba la sc'anix la spasbey perdón te Cajwaltique.

Job 22:9

Jochol sc'abic a la aticun sujt'el te me'ba antsetic, soc la awuts'in te me'ba alaletique.

Job 24:9

Ya spojbeyic yal te me'ba antsetic te ayinelic to, ya sc'anbeyic ta prendal te yalic te me'baetique.

Salmos 68:5

Ja' te Dios ay ta ch'ul templo yu'une, ja' stat c'oem te me'ba alaletique, ja' ya xc'opoj yu'unic te me'ba antsetique.

Salmos 82:4

Ac'a ta libre te mach'atic ay yo'bolil sbaic; coltayaic te mach'atic me'baetique; coltayaic loq'uel ta sc'abic te mach'atic amen yo'tanique.

Salmos 94:21

Ya xchajbanbeyic sc'oplal te mach'a ma'yuc bila amen spasoj, ya yaq'uic bael ta lajele.

Salmos 94:6

Ya smilic te me'ba antsetic soc te jyanlumetic; ya yaq'uic ta lajel te mach'atic me'ba alaletique.

Éxodo 22:21

“Te jyanlum te nainem ta awolilic, ma me xawuts'inic, soc ma me xawaq'uic ta woclajel, melel jich nix me jyanlum c'oex ta Egipto.

Éxodo 22:22

“Ma me xawuts'inic te me'ba antsetic soc te me'ba alaletique.

Proverbios 23:10

Ma me xajeltaybey yawil te antiguo ts'acane; soc ma me x'aten loq'uel ta sq'uinalic te me'ba alaletique.

Proverbios 6:17

Ja' te mach'a chican ta sit-yelaw te stoyoj sbae, ja' te mach'a ya spas lot, ja' te mach'a ya smil mach'atic ma'yuc smulic,

Isaías 1:23

Toybaetic te ajwaliletic awu'unique, ja' sjoy sbaic soc te j'eleq'uetique. Spisilic ya spasic chajbanwanej ta puro taq'uin, ya sleic te yacuc ac'botuc majt'aniletique. Ma ba lec ya xchajbanic te me'ba alaletique, ni ma'yuc sc'oplal ta yo'tanic te bitic ay ta swentaic te me'ba antsetique.

Isaías 58:6

Ya calbeyex te ma me ja'uc. Te spasel ayuno te ya smulan co'tane, jich ya sc'an bit'il in to: ja' te ya atuch'bey scadenail te uts'inel, soc te ya acoltay te mach'a chucul ta yugo; ja' te ya awac' ta libre te mach'atic tenbilic ta uts'inele, soc teme ya alajinbey sc'oplal ta spisil te bila ay wocol yu'une;

Isaías 58:7

ja' te ya awac'bey xejt'uc awe'el te mach'a ay ta wi'nale, soc teme ya awic' ta ana te mach'a me'ba te ma'yuc snae; ja' te ya ac'u'ultes te mach'a ma'yuc sc'u'e, soc te ma xawijq'uitay scoltayel te awermanoe.

Jeremías 19:4

Melel te israeletic la yijq'uitayonic ta yo'tanic, soc yan ac'ot ta c'atp'unel yu'unic in lum to. La yac'beyic pom te lotil diosetique, te ma ba sna'ojbeyic sbae, ni te antiguo sme'-static ma la sna'beyic sba, ni te muc' ajwaliletic yu'un Judá ma la sna'beyic sba. Soc ja' in lum to la snojesbeyic ta xch'ich'el te ants-winiquetic te ma'yuc smule.

Jeremías 22:17

“Ja'uc me to, te ja'ate ja' nax baem ta awo'tan sleel taq'uin ta sbic'tal awo'tan. Ya awac' lajuc te mach'a ma'yuc smule; soc ya aten ta uts'inel soc ya awac' c'axuc swocol te alumale —xi' te Cajwaltique.

Jeremías 26:16

Jich yu'un te jtsobwanejetic soc te lum la yalbeyic te sacerdoteetic soc te j'alwanejetique: —Ma'yuc bi swentail te ya yil swocol ta lajel te winique. La sc'oponotic ta swenta Cajwaltic te Dios cu'untique —xiic.

Jeremías 5:28

soc buen jujp'enic, melel lec we'emic. Te bila amen ya spasic ma'yuc slajibal yu'unic; ma'yuc bila lec ya spasbeyic te me'ba alaletique, ni ya sna'beyic te bila ay ta swenta te mach'atic me'baetique.

Jeremías 7:23

Te bila mandal la calbey, ja' te ya xch'uunbonic te jc'ope, melel jo'on te Dioson yu'unic ya xc'oone, soc ja'ic te lum cu'une. La calbey te tojuc ya yac' sbaic jich bit'il la jpas ta mandal, swenta yu'un lecuc me ya xc'otic ta loq'uel a.

Jeremías 9:24

Teme ay mach'a toyol nax q'uinal ya yaiye, ja'uc me toyemuc nax q'uinal ya yaiy yu'un te ya sna'bon jbae, te ya sna' te jo'on Ajwalilon, te ya x'at'ejon ta balumilal soc xc'uxul co'tan, te toj ya caiy chajbanwaneje. Ja' me ya smulan co'tan. Jo'on Ajwalilon jich ya cal —xi'.

Lamentaciones 3:36

Te bay ma lequil chajbaneluc, ja' te ma lecuc yo'tan yu'un te Cajwaltique.

Ezequiel 18:12

teme ya yuts'in te me'ba soc te mach'a ay swocole; teme ya yelc'anbey sbiluc te yantique; teme ma ba ya sujt'esbey te bi ac'bot ta swenta prendal yu'un te mach'atic ay sbet yu'une; teme ja' ya smuc'ulin yo'tan te lotil diosetique; soc teme ya spas te bitic ilaybil cu'une;

Ezequiel 18:7

Ja' te mach'a ma x'uts'inwane, te ya sujt'esbey te mach'a ay sbet yu'un te bila ac'bot ta prendal yu'une. Ya yac'bey swe'el te mach'a ay swi'nale, soc ya yac'bey sc'u' te mach'a ma'yuc sc'u'e.

Ezequiel 22:7

Te alumale ma xyich'ic ta muc' te sme'-statique, ya yuts'inic te jyanlumetique, ya yac'bey swocol te me'ba alaletique soc te me'ba antsetique.

Ezequiel 45:9

“Jo'on Ajwalilon te jich ya cale: ¡Ajwaliletic yu'un Israel, tic'aniquix a! Ijq'uitayaiquix te abolilic, soc te aweleq'uique. Toj x'at'ejex, ja' xapasic te bila yich'oj swentaile. Ma xawelc'anbeyiquix sq'uinalic te lum cu'une. Jo'on Ajwalilon te jich caloje.

Joel 3:19

Te Egipto jc'axel me jinem ya xjil; te Edom ya me yich' c'atp'unel ta jochol taquin q'uinal. Melel la yac'beyic guerra te yajwal Judá, ta slum-sq'uinal la smalbeyic xch'ich'el te mach'atic ma'yuc bila amen snopoj ta yo'tanique.

Levítico 19:15

“Stojil me xachajban yu'un smul te mach'a ya atabey smule, ma me ja'uc ya ana'bey yo'bolil sba te mach'a ma'yuc yipe, soc ma me xbic'tajat ta stojol te mach'a bayal yipe. Ja' me xat'un ta pasel te bila stojil te c'alal ya awac'bey castigo yu'un smul te mach'a ya atabey smule.

Amós 5:15

Ilayaic te bila amene, lecuc me awo'tanic yu'un te bila leque. Leaic te bit'il ya yich' chajbanel ta toj te c'opetique; jich te Cajwaltic Dios te Spisil ya xju' yu'une, repente ya xc'uxtay te jayeb xan mach'atic cuxajtic ta Israel.

Amós 5:24

Ja'uc me to, ac'a oquinuc jichuc ja' te bila toj ta pasele, te toj-o'tanile jichuc me te bit'il sloq'uibja' te ma xlaje.

Miqueas 3:11

Te juecetic ta lum ya xchajbanwanic soc taq'uin; te sacerdoteetic ja' nax ya xp'ijubteswanic yu'un taq'uin; soc te j'alwanejetic ya xchonic te bila ya yalbeyic sc'oplale. Yacal ta yalel te jich nix yo'tan te Cajwaltic, jich ya yalic: —Te Cajwaltic sjoinejotic; mero ma'yuc bila amen ya xtal ta jtojoltic —xiic ta yalel.

Miqueas 6:8

Te Cajwaltic la yalbatix, ja'at ants-winic, te bila lec ya sc'an pasel soc te bila a te ya smaliybat te ja'ate: Ja' te ya apas te bila toj ta pasele, te junajem awo'tan ta stojol; soc te peq'uel awac'oj aba ta xch'uunel sc'op spisil ora te Dios awu'une.

Malaquías 3:5

Te Cajwaltic te Spisil ya xju' yu'un ya yal: —Jo'on ya xtal quilbeyex awat'elic. Jo'on me testigoon, ya me cal ta jamal te mach'a yat'elinej ac'-chamel soc mulwej; te mach'atic ya spas lot; te mach'atic ya yuts'inic te j'at'eletic, me'ba antsetic, soc me'ba alaletic; te mach'atic ma lecuc yo'tanic ta stojol jyanlumetic; soc te mach'atic ma xyich'onic ta muq'ue.

San Mateo 23:23

¡Ya me awil awocolic jts'ibojometic, fariseoetic te cha'lam awo'tanique! Melel ja' nax ya awac'beyic smajt'anin Dios jun ta slajunebal te yerbabuena, soc te eneldo soc te comino. Yan te bila muc' sc'oplal ta pasel te ya yal te mandalile, ja' ma'yuc sc'oplal ta awo'tanic stuquel, jich bit'il in to: ja' te bila toj ta pasele, te c'uxul-o'tanile, soc te xch'uunjel-o'tanile. Ja' ya sc'an pasel awu'unic, soc uuc te yan te yacalex ta pasele.

Deuteronomio 10:18

Ya spasbey te bila stojil ta swentaic te me'ba alaletic soc te me'ba antsetique. C'ux ta yo'tan te jyanlumetic te nainemic ta awolilic, ya yac'bey swe'elic soc ya yac'bey sc'u'-spaq'uic.

Deuteronomio 24:17

“Ma me xapasic te bila ma stojiluc ta stojolic te jyanlumetic soc te me'ba alaletique, soc ma me x'awich'beyic ta prendal sc'u' te me'ba antsetique.

Deuteronomio 24:7

“Teme ay jtul israel te yac ta yelc'anel bael jtul slumal te ya xtaote, teme yu'un ya yac' ochel ta yabat, o teme yu'un ya xchone, ac'a me yich' ticunel ta milel te mach'a jich ya spase, swenta yu'un jich me ya xlaj te bila amen ya xchicnaj ta awolilique.

Deuteronomio 25:1

“Teme ay mach'atic ya stsac sbaique, ya me sc'an te puersa ya xc'axic ta stojol stsojbol te juecetique, swenta yu'un ya me yich'ic chajbanel. Te juecetic ya me yalic ta jamal te mach'a ma'yuc smule. Ya me sticunic ta yich'el castigo stuquel te mach'a ay smul loq'ue.

Deuteronomio 27:19

“Boloben me sc'oplal ta jyalel te mach'a ya spasbey bila ma stojiluc ta stojol jyanlum, o me'ba ants, o me'ba alaletic”. “Jichuc”, xiic me ta spisil te lume.

Santiago 1:27

Te bit'il ay ta ch'uunel ta lec te Diose soc te ma capaluc ta mulil ya yil te Jtatic Diose, ja' in to: Ja' te ya xc'uxtay me'ba alaletic soc me'ba antsetic te c'alal ay swocolique, soc te ya scanantay sba yu'un te bila ma lecuc ta pasel ta balumilale.