Jeremías 2:3 - Bible in Tzeltal de Oxchuc y Tenejapa

³ Israel ch'ultesbil ta jtojol, ja' te mero c'ax lec sit c'oeme. Teme ay mach'a tal ta uts'inel yu'une, jo'on la cac'bey castigo, la jticunbey tel bila amen ta stojolic. Jo'on Ajwalilon te jich la cale”, uta me —xi' te Cajwaltique.

Bible in Tzeltal Bachajón

³ Ch'ultesbil a te Israel ta stojol Jehová, ha sba sit sts'unubil. Spisil te mach'atic la slajinic la sta smulic yu'un; chopol bin c'oht ta stojolic, xchi te Jehová.

Jeremías 2:3 ပူးပေါင်းရင်းမြစ်များ

Éxodo 22:29

“Ma me wocoluc ya awich'bonic tel jmajt'anin sba sit te awawal soc te sba ya'lel te ats'usube. “Ya me awac'bonic te sba anich'anique.

Éxodo 23:16

“Ya me apasbon xan jq'uin ta swenta te c'ajoje, ja' te sba sit te awalts'unubile. Ja' ni me jich ya apasbon jq'uin ta swenta te c'ajoj ta slajibal te ja'wil te c'alal loq'uix spisil a te bitic ats'unoje.

Isaías 41:11

Spisil te mach'atic ay slab yo'tanic awu'une, ya me xjilic ta q'uexlal soc peq'uel me ya xjilic; te mach'atic yac'ojic puersa yuts'inbelate, jc'axel me ya xch'ayic bael ta jyalel.

Isaías 47:6

C'alal ilinon ta stojol te lum cu'une, la cac' ta q'uexlal, la cac' ochuc ta ac'ab. Te ja'ate ma la ana'bey yo'bolil sbaic, soc la awac'bey ta stojol mamaletic te yalal yugo-te' awu'une.

Jeremías 12:14

Te Cajwaltic jich ya yalbey sc'oplal te lumetic te amene, te jun sts'acan soc Israel, te la sjinic te q'uinal te la yac'bey yu'unin Israel te lum yu'une: —Jo'on ya jbul loq'uel ta sq'uinalic, soc ya jloq'ues ta yolilic te Judae.

Jeremías 2:4

Sts'umbalex Jacob, te yal-snich'anex Israel, aiybeya awaiyic sc'op te Cajwaltique.

Jeremías 30:16

Ja'uc me to, spisil te mach'a la sbic'at c'oeme, ya xbic'ot uuc; soc spisil acontrotac ya me xbajt'ic ta mosoil ta yan q'uinal. Ya me cac' ya yich' pojel te mach'atic la spojbat abiluque; soc ac'a yich'ic elc'anel te mach'atic la yelc'anate.

Jeremías 50:7

Te scontrotac, te c'alal ya sta sba soc, ya xti'otic yu'un, soc jich me ya yalic: “Ma jmulticuc jo'otic, melel la sta smulic ta stojol Yajwalic. Staoj nix lec swe'elic c'oem a, soc ja' nix la smuc'ulin yo'tanic te antiguo sme'-statique”, xiic me ta yalel.

Joel 1:3

Albeya me yaiy awal-anich'nabic, soc ac'a me yalbey yaiy yal-snich'nabic, jichic uuc ac'a me yalbeyic te mach'atic ya to x'ayin yu'unique.

Amós 6:1

Ya me yil swocolic te mach'atic ayic ta cuxinel ta Sión. Ya me yil swocolic te mach'atic ja' smuc'ulinej yo'tanic te cuxinel ta Samaria, ja' te mach'atic jtsobwanejetic yu'un te nación te muc' sc'oplalique, soc te mach'atic te israeletic ya xbajt'ic ta stojolique.

Habacuc 1:11

Jich ya xc'axic ta beel te bit'il tulan ic'; ja' nax ya smuc'ulin yo'tanic te yipique, ja' dios c'oem yu'unic stuquel —xi' te Cajwaltique.

Zacarías 1:15

Ja' swentail te til jajch'el sc'ajc'al co'tan yu'unic te nacionetic te ma'yuc sc'oplal ta yo'tanic te lum cu'une. Melel la yaq'uic xan puersa ta spasel te bila amene, manchuc me jteb to nax ilinemon a.

Zacarías 2:8

Te Cajwaltic te Spisil ya xju' yu'un, la sticunon ta yalel te c'op swenta castigo ta stojolic te nacionetic la spojbeyex abiluquic te ja'exe: —Mach'auc a te ya yuts'inbon te lum cu'une, jo'on xchulel jsit ya yuts'inbon c'oem abi. Ja' yu'un jo'onix ya x'at'ejon ta yaq'uel castigo te nacionetique, ya me cac' te ya yich' pojbeyel sbiluc yu'un te mach'atic smozoineje —xi'. Jich ya yac' ta ilel te yutsilal te Cajwaltic, te Spisil ya xju' yu'une. Jich me ya ana'ic a te ja' te Cajwaltic, te la sticunon tel.

Números 18:12

Soc ya cac'bat te sbabial sit yawal-sts'unub israeletic te ya yich'bonic tel jujun ja'wil: ja' te lequil aceite, te lequil vino soc te lequil trigo.

Romanos 11:16

Teme ch'ultesbil te sbabial waje, yu'un nanix ch'ultesbil ta swolol a te mats'e. Soc teme ch'ultesbil te yisim te'e, yu'un nanix ch'ultesbil a te sc'abe.

Romanos 16:5

Soc albon spatjibal yo'tanic te jch'uunjeletic te ya stsobilay sbaic ta bay snaic te Priscila soc te Aquilae. Albon spatjibal yo'tan uuc te Epeneto te bayal c'ux ta co'tane, te ja' sbabial jnopojel yu'un Cristo ta bay sq'uinal Asia.

Efesios 1:4

Namey tsabilotic yu'un Dios ta swenta Cristo te c'alal ma to chicanuc a te balumilale, swenta yu'un ya xch'ultesotic soc ma'yuc bila ts'ilajemotic yu'un a te ya jtejc'an jbatic ta stojole.

Deuteronomio 14:2

Melel te ja'exe, ch'ul lumex yu'un te Cajwaltic te Dios cu'untique. Stsaojex loq'uel ta yolil spisil te yantic lumetic ta balumilal, swenta yu'un ja'ex me lum yu'un ya xc'oex.

Deuteronomio 26:19

Te Cajwaltic muc' me ya xc'oat yu'un ta stojol yantic nacionetic, soc muc' me yutsil ac'oplal ya xc'oat yu'un. Ya me x'ich'otat ta muc', soc ya me xpujc' ac'oplal ta stojol te yantic nacionetic la spase. Jich me ya xc'oat te bit'il la yalixe, ch'ul lum me ya xc'oat yu'un te Cajwaltic te Dios cu'untique —xi' te Moisese.

Deuteronomio 7:6

Melel te ja'exe, ch'ul lumex yu'un te Cajwaltic te Dios cu'untique. Stsaojex loq'uel ta yolil spisil te yantic lumetic ta balumilal, swenta yu'un ja'ex me lum yu'un ya xc'oex.

Santiago 1:18

Ta swenta sc'anjel yo'tan stuquel te la yac' cha'ayinucotic xan ta swenta te smelelil c'ope, swenta yu'un sba sit yawal-sts'unub ya xc'ootic ta bay spisil te yat'el spasoje.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Apocalipsis 14:4

Ja'ic te mach'atic ma ba la sboltes sbaic soc te antsetique, melel ju' yu'unic te ma ba nujbinique. Ja'ic nax stuquelic te ya stsac'linic te Alalchije, chican te banti ya xbajt'e, soc ja'ic te coltaybilic loq'uel ta yolil te ants-winiquetique, swenta yu'un ja'ic sba sit c'oem ta stojol te Diose soc te Alalchije.