Jeremías 17:8 - Bible in Tzeltal de Oxchuc y Tenejapa

⁸ Jich me c'oem te bit'il te' ts'unul ta ti'ja', te ya yac' bael yisim ta bay ya x'oquin bael te ja'e. Ma xiw c'alal ya xtal yorail te xc'uxul c'aale; te yabenale spisil ora yaxuben. Ta yorail q'uepel te q'uinale ma xwoclaj; soc ma xcom ta yaq'uel sit ta yorail.

Bible in Tzeltal Bachajón

⁸ Hich ya xc'oht te bin ut'il jtehc' te' ts'umbil ta ti'ha' te ya yac' bahel slohp' ta banti ya x'oquin bahel te ha'e. Ma ba ya xi' te c'alal ya xtal sc'uxul c'ahc'al, stalel yax ya'binal a. Ta ha'bil te ya xtaquij te q'uinal ma ba ya smel yo'tan soc ma ba ya xquehchaj ta yaq'uel sit.

Jeremías 17:8 ပူးပေါင်းရင်းမြစ်များ

Job 29:19

Jichon me te bit'il jtejc' te' te yich'oj ts'unel ta banti ay ja', te ajch'em yabenal yu'un ts'ujul ta ajc'ubale.

Job 8:16

Te j'amen-o'tanetic jichic bit'il yaxal wamal ta stojol te c'aale, te ya spuc bael sba ta nichimaltique;

Salmos 1:3

Jich c'oem te bit'il te' te ts'unbil ta ti'muc'ja', te ya yac' sit ta yoraile soc te ma xlubaj te yabenale. Spisil te bila ya spase lec ya xc'ot ta loq'uel.

Proverbios 11:28

Te mach'a ja' smuc'ulinej yo'tan te sc'ulejale, jich ya xch'ay te bit'il ya xlubaj coel yabenal te'; yan te mach'a toj yo'tane, jich ya xyaxub te bit'il sc'ab te'.

Isaías 58:11

Jo'on ya quic'at ta beel spisil ora; c'axem to xan ya cac'bat awe'el ta jochol taquin q'uinal, ya cac'bey yip te abaq'uetale. Jich me ya xc'oat te bit'il yawil nichim te buen malbil ta ja', jichat me te bit'il sloq'uibja' te jc'axel ma xtup'.

Isaías 61:3

te mach'atic ay swocolic ta Sión tal cac'bey scorona swenta sjelol te c'ajc'al tane, tal cac'bey yutsil q'uinal yaiyic te mach'atic smeloj yo'tanique, tal jc'atp'unbey ta yutsilal c'ayoj te woclajel ya yaiy ta yo'tanique. Ya me x'ac'bot sbiilic: “C'antulan swenta toj-o'tanil”, te ja' nix sts'unoj te Cajwaltic swenta yu'un ya yac' ta ilel a te yutsilale.

Jeremías 39:18

Jo'on ya jcoltayat, te ma smilate. Ya me xcolat soc acuxlejal, melel la smuc'ulinon awo'tan. Jo'on, Ajwalilon, jich ya cal’, xi' me sc'op,” uta me —xi' te Cajwaltique.

Ezequiel 31:3

Pajalat soc cedro yu'un Líbano, buen t'ujbil sc'abc'ab te ya yac'bey yaxinal te ja'maletique, soc mero toyol te sni'il asta ya sta c'oel te tocaletique.

Ezequiel 47:12

Ta xchebal te sti'il te muc'ja'e, ya me xch'i te'etic te ya yac' site. Ma me ayuc bi ora ya xlubaj yabenal, soc spisil me ora ay sit. Ta jujun me u ay sitic, melel ja' yac ta aq'uel ya'lel yu'un te ja' yac ta loq'uel tel ta templo. Te sitique ya me xtuun ta we'elil, te yabenalique ya me xtuun ta poxil —xi'.