Jeremías 17:5 - Bible in Tzeltal de Oxchuc y Tenejapa

⁵ Te Cajwaltic ya yal: —Mero c'ax amen ta jyalel te winic te q'uejel ya yac' bael yo'tan ta jtojol, te ja' nax yac'oj smuc'ul yo'tan ta stojol te winiquetic, te ya sc'anbeyic coltayele.

Bible in Tzeltal Bachajón

⁵ Hich yaloj te Jehová: Ma lecuc sc'oblal te mach'a ha smuc'ulinej yo'tan te winiquetic, te ha ya smuc'ulin yo'tan te yip te winic, te ya yihquitay ta yo'tan te Jehová.

Jeremías 17:5 ပူးပေါင်းရင်းမြစ်များ

2 Crónicas 16:12

Ta sbalunlajunebal xcha'winic (39) ja'wil yat'el ta ajwalil a te Asa, tsacot ta buen tulan chamel te yacane. Te chamele ma ja'uc ba yalbey te Cajwaltic, ja' bajt' ta stojol te jpoxtaywanejetique.

2 Crónicas 32:8

Ja' nax me yich'ojbey ta muc' yip te winiquetic stuquelic, yan te jo'otic tey ay ta coliltic scoltaybelotic ta guerra te Cajwaltic Dios cu'untique —xi' te muc' ajwalil Ezequías. C'alal la yaiybeyic stojol sc'op te muc' ajwalil Ezequías, jich la yich' yip yo'tanic.

Salmos 18:21

Melel ja' jt'unojbey sbe te Cajwaltic; ma'yuc bi ora la jle jmul ta stojol te Dios cu'une.

Salmos 62:9

Te ants-winic xujt' ma'yuc swentail, jich te me'ba, soc ja' nix jich te jc'uleje; te pajaluc ya yich'ic liquel yalalic ta báscula, pajal nax ma'yuc yalal ya xloq'uic te jichuque.

Isaías 2:22

Ma me ja'uc xan ya smuc'ulin yo'tan te ants-winiquetic, melel jteb nax stael stuquelic. Te xcuxlejal ants-winic, jich nax me te bit'il ya sjic' te yo'tane.

Isaías 20:5

Te israeletic ya me xnoj xiwel ta yo'tanic, soc ya me yaiyic q'uexlal ta yo'tanic, te smuc'ulinej yo'tanic te Etiopía soc te Egipto, te toyol nax q'uinal la yaiyic yu'une.

Isaías 36:6

Te ya quile, ja' smuc'ulinej awo'tan te ya xc'opoj awu'un te Egipto. Lec ay, te Egipto jich bit'il jun jatbil jalal. Teme ay mach'a ya x'ipaj ta sc'op tey a, ya me xlowot yu'un, soc ya me solesbot c'axel ta sc'ab. Ja' me jich ya xc'ot te faraón, te muc' ajwalil yu'un Egipto, ta swenta te mach'a ya yac' smuc'ul yo'tan ta stojole.

Isaías 59:15

Te smelelil ch'ayix bael; te mach'a ma spas te bila amene, ya yelc'anbeyic te bila ay yu'une. Te Cajwaltic ma smulan yo'tan, melel ya yil te ma'yuc bila toj ya yich' pasele.

Jeremías 11:3

albeya te jo'on Ajwalilon te Dioson yu'un Israel ya cal ta jamal: Ma me lecuc sc'oplal te mach'a ma xyich' ta muc' te trato.

Ezequiel 6:9

Te mach'atic colic jilel ta lajele, ya me sna'onic te c'alal pujq'uemic ta nacionetique. Ya me xtal ta yo'tanic te bit'il la cac'bey swocolic ta scaj te ma junuc yo'tanic ta jtojole, soc ta scaj te la yijq'uitayon ta yo'tanique, te jajch' xch'uunic te lotil diosetique. Ja'ic ni me ya xjajch' yilayic ta patil te amen yat'elic la spasique, soc ta spisil te bitic ilaybil sba la spasique.

Oseas 1:2

Jich jajch' yal te Cajwaltic ta stojol Oseas: —Te israeletic yac ta mulwej c'oem te bit'il loq'uic ta jtojole. Ja' yu'un, jich me ya apas te ja'ate: Baan, ic'a jtul jmulawil ants. Alaj-nich'najan soc. Jich te alaletique, yalatac jmulawil ants, xi' me sc'oplal —xi' te Cajwaltique.