Jeremías 17:3 - Bible in Tzeltal de Oxchuc y Tenejapa

³ soc ta sba te toyol witsetique. Ta scaj te muliletic awu'un, ya cac'bat ta elc'anel spisil te ac'ulejale, soc ya me spojic bael te toyol ch'uunjibaletic ta spamal te aq'uinale.

Bible in Tzeltal Bachajón

³ ta sba te toyol witsetic soc ta jamal q'uinal. Ya cac' ta pojel spisil ac'ulejal ta scaj smul te toyol awilaletic awu'un ta spisil aq'uinal.

Jeremías 17:3 ပူးပေါင်းရင်းမြစ်များ

2 Reyes 24:13

Patil te Nabucodonosor la sloq'ues spisil tey a te c'ulejalil ta templo yu'un Cajwaltic, soc te ay ta sna te muc' ajwalile. Jich nix te bit'il la yal te Cajwaltic, la stop' spisil te biluquetic pasbilic ta oro yu'un te Salomón muc' ajwalil yu'un Israel ta namey, te la spas te tuun yu'un ta templo.

Salmos 78:58

La yaq'uic ilinuc yu'un te Diose, te bajt'ic ta banti ay scajtijib ta chiq'uel milbil smajt'an te lotil diosetique; la xch'uunic loc'ombaetic, jich la yaq'uic ilinuc.

Isaías 27:9

Ja'uc me to, ya spasbey perdón yu'un smul te Jacob, ya yich' ch'ayel faltaetic yu'un teme ya spas in to: Ac'a swuy ta spisil te scajtijib smajt'an te lotil diose, jich bit'il tan ya xbajt' ta loq'uel; soc ma me ayuc sloc'omba Asera ya xjil tey a, ni scajtijib xchic'jibal pom te yich'jibal ta muc' te lotil diosetic yu'unique.

Jeremías 12:12

Spisilic te ch'in witsetic te jocholixe, talic j'ixta-winiquetic tey a. Melel jo'on Ajwalilon, ay puñal cu'un te ya jin a te lum ta xcha'jejch'el, soc ma me ayuc lamal q'uinal yaiy ni jtuluc.

Jeremías 15:13

Ta scaj spisil te amul, Israel, ya cac'bey ta sc'ab acontrotac te ac'ulejal soc te bay aq'uejoj, spisil te bila ay awu'un ta q'uinal, swenta yu'un ya me yich'ic bael ta majt'anil.

Jeremías 20:5

Ja' nix me ya cac'bey ta sc'ab scontrotac spisil sc'ulejal te lume, spisil bila yu'uninej, soc te bitic bayal sc'oplal, soc spisil yawil sc'ulejal te muc' ajwaliletic yu'un Judá, swenta yu'un ya me yich'ic bael ta Babilonia.

Jeremías 21:13

“Ja'at lum te toyol ayat yu'un te xatal q'uinale, jichat bit'il muc'ul najt'il ton ta spamlej, jo'on Ajwalilon, jamal ya cal te ya jcontroinate. Ja'ex ya awalic: ‘¿Mach'a c'an yac'botic guerra? ¿Mach'a c'an ju'uc yu'un ya xc'ot c'alal ta anjibal cu'untic?’ te xaexe.

Jeremías 26:18

—C'alal ay ta q'uinal te Ezequías te muc' ajwalil yu'un te Judá, te Miqueas te talem ta Moreset c'opoj ta swenta te Cajwaltic ta stojol spisil te lum Judá, jich la yal: “Jich la yal te Cajwaltic te Spisil ya xju' yu'une: ‘Te Sión ya xc'atp'uj jilel ta jinem q'uinal, te Jerusalén busulbus ya xjil te sts'ajc'ule, te switsul templo ya xnoj ta pimil q'uinal’, xi' me”, xi' ta yalel.

Lamentaciones 1:10

Te scontro la yu'uninbeyix sc'ulejal te Jerusalén. Te lum la yil te bit'il jelawic ochel ta ch'ul templo te mach'atic ma'yuquic ta stojol Dios; ja' te la awal mandal Cajwal te ma me x'och ta templo awu'une.

Ezequiel 16:39

Ya me cac'at ta sc'abic, swenta yu'un ya me slajinic te bitic chapal awu'un ta banti ya apas te mulile, soc te banti la ach'uun te loc'ombaetic awu'une. Ya me stuch'bat loq'uel te ac'u'-apaq'ue, soc nix te ach'alil te t'ujbile, jc'axel me t'analat ya yijq'uitayat.

Ezequiel 23:46

Te Cajwaltic jich ya yal: —Ac'a yich' tsobel te lume, ac'a scontroinic te antsetique. Ac'a yac'beyic yaiy tulan xiwel, soc ac'a yelc'anbeyic sbiluquic.

Ezequiel 6:3

jich xawalbey: “Aiya awaiyic, witsetic yu'un Israel, te bila ya yalbeyex te Cajwaltique, ja'ex witsetic, tseletic, muc'ja'etic soc spamlejetic: Ya me cac' taluc ta atojolic guerra, ya me yich'ic lajinel te toyol ch'uunjibaletic awu'un.

Levítico 26:30

Jo'on me ya jlajinbeyex te toyol ch'uunjibaletic stuquelique, ya me jxet'beyex ta olil te scajtijib ta chiq'uel majt'anil pom awu'unique. Ya me jbusanbeyex abaq'uetalic te ma ba cuxulix ta sba te loc'ombaetic awu'unique. Ya me cac'beyex awilic te ilaybilex cu'une.

Miqueas 3:12

Ja'uc me to, ta awentaic te ja'exe, ya me xc'atp'uj ta joc'bil lum te Jerusalén; ja' te lum ta wits Sión, ta busulbus ya xc'ot. Soc te wits ta banti ay te templo ya me xmujc' ta ja'mal q'uinal.

Sofonías 1:13

Jich yu'un te sc'ulejal ya me yich' pojel loq'uel, soc te snaic ya me yich'ic jinel. Ya spas snaic, ja'uc me to, ma ba ya snainic; ya sts'unic ts'usubiletic, ja'uc me to, ma ba ya yuch'beyic ya'lel —xi'.