Jeremías 15:5 - Bible in Tzeltal de Oxchuc y Tenejapa

⁵ “¿Mach'a c'an sna'bat yo'bolil aba, Jerusalén? ¿Mach'a c'an sna'bat ac'uxul te ja'ate? ¿Mach'a c'an smel yo'tan yu'un te ayat ta chamele?

Bible in Tzeltal Bachajón

⁵ ¿Mach'a ya sna'bat yo'bolil aba, Jerusalén? ¿Mach'a ya smel yo'tan awu'un? ¿Mach'a ya xtal sjoc'oy bin ut'il ayat?

Jeremías 15:5 ပူးပေါင်းရင်းမြစ်များ

Isaías 51:19

Ja' tal ta atojol cheb woclajel: ja' te la yich' jinel te alumal soc la yich' pojel loq'uel te sbiluquile, soc ja' te lajic yu'un wi'nal soc ta guerra te ajo'taque. ¿Mach'a a te ya sna'bat yo'bolil aba? ¿Mach'a a te ya smuc'tesbat q'uinal awaiye?

Nahúm 3:7

Spisilic te mach'a ya yilate, ya me x'anic bael awu'un, jich me ya yalic: “Te Nínive jinotix. ¿Mach'a ya sna'bey yo'bolil sba? ¿Banti ya sta mach'a ya xmuc'tesbot q'uinal yaiy?” xi' me ac'oplal.

Jeremías 21:7

Patil ya cac' ta c'abal te Sedequías, te muc' ajwalil yu'un Judá. Ja' ya cac' ta sc'ab te Nabucodonosor soc te yantic scontrotac te jmilawaletique te ja' nix sjo'tac ta ajwalil, soc te soldadoetic yu'une. Te alumal te cuxulic to ya xjilic ta lum ta patil teme c'axemix a te chamel te ya xmilawane, te guerra soc te wi'nale, jo'on ya cac' te ya xmilotic ta puñal, ni ma'yuc xc'uxtayel, ni ma me ayuc ta na'beyel yo'bolil sba. Jo'on Ajwalilon, tulan ya cal’, xi me”, uta me.

Salmos 69:20

Te bit'il la yuts'inbonic co'tan, la yejch'entesbonic ya caiy te co'tane. Ma'yuc yutsil q'uinal ya caiy soc ma'yuc quip. Tojol la cac' jwocol ta sleel mach'a ya smuc'tesbon q'uinal caiy, soc mach'a ya sna'bon yo'bolil jba.

Jeremías 16:5

Te Cajwaltic la yalbon xan: —Ma x'ochat ta na ta bay ayic ta mel-o'tan yu'un te mach'a lajem tey a. Ma me x'oc'at, ni ma me xawac' ta ilel xc'uxulil ta swenta. Melel te lume la jch'aybeyix te lamal q'uinal ta stojolic, soc te xc'uxul co'tan soc te yutsil co'tane. Jo'on Ajwalilon, jich ya cal.

Jeremías 13:14

Ta ora nax ya me jwuy jichuc oxometic, ya me cac' swuy sbaic ta stuquelic nax, tatiletic soc nich'aniletic pajal me. Ma ba ya jna'bey yo'bolil sbaic; ni ma me ayuc xc'uxul co'tan soc slequil co'tan ta stojolic. Jo'on Ajwalilon, jich ya cal’, xi' me”, uta me —xi' te Cajwaltique.

Job 19:21

Ja'ex te mero jun co'tan jbajtic, yacuc nix xc'uxbajon ta awo'tanic a, melel te Diose la syalesbonix tel sc'ab ta jtojol.

1 Samuel 17:22

Te David la yac'bey jilel te bitic yich'oj ta sc'ab te mach'a swentainej at'ejibaletic yu'un guerra soc te we'eliletique, ora bajt' ta animal. Och ta yolil te banti xcholoj sbaic te soldadoetic, swenta yu'un ya me sjojc'obey teme lec ayic te sbanquiltaque.

1 Samuel 10:4

Ya me spatbat awo'tan, soc ya me yac'bat cheb pan. Tsacbeya me.

Jueces 18:15

Te jtsajtaywanejetic c'axic bael ta stojol te yantique, bajt'ic ta stojol te querem-levita te ay ta sna Micaía, la spatbeyic yo'tan.

Éxodo 18:7

Te Moisés loc' spatbey yo'tan te snialmamale, la squejan sba ta stojol soc la sbujts'iy. C'alal laj yo'tan ta spatbeyel sba yo'tan soc, ochic bael ta snailpac'.

Lamentaciones 1:17

Te Sión ya sjach sc'ab ta yalel wocol; ja'uc me to, ma'yuc mach'a ya smuc'tesbey q'uinal yaiy. Te Cajwaltic yaloj mandal te ya yich' joytayel Jacob yu'un scontrotac; te Jerusalén swenta ilayel c'ot yu'unic.