Jeremías 15:3 - Bible in Tzeltal de Oxchuc y Tenejapa

³ “Jo'on Ajwalilon, jich ya cal: Ya jticunbey tel chanchajp castigo: Ay ya xmilotic ta guerra, ay me ya yich'ic tasel bael yu'un ts'i'etic, ay me ya xti'otic yu'un te xulemetic soc ay me ya xbic'otic yu'un te jti'awal chambalametique.

Bible in Tzeltal Bachajón

³ Ya jticon ta stojolic chanchahp castigo, xchi te Jehová: ha te espada te ya xmilawan, ts'i'etic te ya xti'awanic, mutetic te ya xwihlic ta toyol soc chambahlametic ta q'uinal yu'un ya xti'awanic soc ya xlajinwanic.

Jeremías 15:3 ပူးပေါင်းရင်းမြစ်များ

Deuteronomio 28:26

Te mutetic soc te jti'awal ja'mal chambalametic ya me sti'bat te abaq'uetal te lajeme, ma me ayuc mach'a ya xtijot yu'un.

Levítico 26:22

Ya me jticunbeyex ta atojolic jti'awal ja'mal chambalametic te ya slajinbeyex spisil awal-anich'nabic. Ya me smilbeyex te chambalametic awu'unic, soc ya me spejc'anbeyex awajtalulic, asta ma'yuquix mach'a ya xbeenix ta beetic.

Levítico 26:16

Ja' yu'un te jo'one jich me ya jpasbeyex ta atojolic: Ya jticunbeyex ta atojolic buen tulan xiwel, tulan chamel swenta lajinwanej, c'ajc'al chamel, chamel ta asitic, soc ya xlaj yip te abaq'uetalic. Tojol me ya awac' awocolic ta ts'unbajel, melel ja' me ya swe'ic te acontroic te sit ya xloq'ue.

Apocalipsis 6:8

Jich la quil cojt' c'anal caballo. Te mach'a cajal ta spate, Lajel xi' te sbiile, soc ts'acal ta spat te Stsobjibal-animaetique. Ac'bot ta swenta jxejt' ta xchanxejt'el te balumilal te ya smil ta puñal, ta wi'nal, ta chamel soc ta ti'el ta jti'awal chambalametic ta balumilal.

Ezequiel 14:21

“Jo'on Ajwalilon, jich ya cal: Ja' me c'ax tulan xan wocol a, teme la jticun bael ta stojol Jerusalén te chaneb castigoetic cu'une, te mero xiweltic sbae: ja'ic te guerra, te wi'nal, te jti'awal chambalametic soc te chamele, te ya jmil ants-winiquetic soc te chambalametique.

Levítico 26:25

Ya me cac' taluc ta atojolic puñal, swenta yu'un ja' me spacol te trato cu'une. Te ja'ex ya me xba ale awanjibic ta lumetic awu'unic, pero jo'on me ya jticunbeyex ta atojolic chameletic, soc ya me x'ochex ta sc'ab te acontroique.

Jeremías 7:33

Te sbaq'uetalic te ants-winiquetic te lajemique ya me xtuun yu'un sti'el te xulemetic soc te chambalametic te ya xti'awanique, soc ma'yuc mach'a ya xju' yu'un xiwtesel bael.

Isaías 18:6

Spisil ya xpijt'ic jilel ta witstiquil, ja' ya xjil ta swentaic te mutetic te ya stsac sti'ic te chambalametic soc ta swentaic te ja'mal chambalametique. Te mutetic tey ya xc'ax yu'unic a te yorail verano, soc ta spisilic te ja'mal chambalametic tey me ya x'ainic a ta yorail invierno —xi' te Cajwaltique.

Salmos 68:23

swenta yu'un ya me amul awacan ta xch'ich'el, soc ya me yuch'ic te ts'i'etic awu'une”, xi'.

Jeremías 12:9

Te lum cu'une, jich c'oem te bit'il t'ujbil ja'mal mut, te ay yantic mutetic ya stsac sbaic soc ya smil sbaic. La'ic apisilic ja'mal chambalametic, tsoba abaic tel, we'anic.

Jeremías 14:16

Te lum te ba sc'opone, ya me xlajic ta guerra soc ta wi'nal, soc nix te yinamic, te snich'nabic queremetic soc ach'ixetique. Te sbaq'uetalic te lajeme ya me yich'ic ch'ojel loq'uel ta calleetic ta Jerusalén, ma me ayuc mach'a ya smucbeyic. Ja' me jich ya cac'bey stojic te smulique.

Jeremías 16:4

Ya me xlajic yu'un chamel te xiweltic sbae, soc ma'yuc mach'a ya x'oq'uetayotic yu'un, ni ma'yuc mach'a ya xmucotic yu'un; limilic me ta lum ya xjilic jich bit'il stsa' chambalam. Ta guerra soc ta wi'nal ya xlajic bael; te sbaq'uetalic ya me xlajic ta ti'el ta xulem soc jti'awal chambalametic —xi' te Cajwaltique.

Lamentaciones 3:11

La sjowteson bael ta be, la st'omon ta ti'el, la snojesbon co'tan ta xiwel.

Ezequiel 33:27

“Soc jich xawalbey xan: “Jich ya yal te Cajwaltique: ‘Te jo'on te cuxulone, ya cal ta jamal: Ta spisil te mach'atic nainemic tey ta jinem lumetique, ya me yich'ic milel. Te mach'atic nainemic ta sq'uinalique, ya me cac' ta ti'el ta jti'awal chambalametic. Soc te mach'atic nainemic ta tonetic soc ta nailch'entiquile, ya me cac' lajuquic yu'un chamel.

Amós 5:19

Jich me ya xc'ot te bit'il mach'a ya x'an bael yu'un te león-choje; ja'uc me to, ora ya sta sba soc oso. O jich bit'il te mach'a ya x'och bael ta sna te ya xijc'an sba ta pajc', te tey ya sta ti'el ta chan a.

Deuteronomio 32:24

Ya me xlajic yu'un wi'nal, ya me xlajic yu'un lajinwanej c'ajc' soc tulan chamel. Ya me jticun ta stojolic jti'awal ja'mal chambalametic, soc ya me xlajinot yu'un svenenoil ye chanetic.

Jeremías 14:12

Manchuc teme bayal ya spas ayuno yu'un, ma ba ya quich'bey ta wenta te ya sc'anbonic coltayele. Manchuc me bayal chic'bil majt'anil ta scojt'ol soc te ya yac'bonic majt'anil harina ya yich'bonic tel, ma ba ya jtsacbey sc'op yu'un. Ya me jin ta guerra, ta wi'nal soc te chamel ya xmilawane —xi' te Cajwaltique.