Jeremías 15:10 - Bible in Tzeltal de Oxchuc y Tenejapa

¹⁰ ¡Ay, te jo'one, me', obol jba te la awac' ayinucon ta q'uinale! ¡Ja' nax ayon ta yilel puro c'op soc tsactomba ta spamal balumilal! Ma'yuc mach'a jmajanejbey staq'uin, ni ma'yuc mach'a smajanejbon jtaq'uin; ja'uc me to, spisilic ya sbolc'optayonic.

Bible in Tzeltal Bachajón

¹⁰ ¡Ay, obol jba, jnan, te la awalatayon, ho'on te ya jach c'op soc te ya jcontrahin spisil te q'uinale! Mayuc bin jmajanej soc mayuc bin cac'oj ta majanel, pero spisilic ya sbohlc'optayonic.

Jeremías 15:10 ပူးပေါင်းရင်းမြစ်များ

San Lucas 6:22

“Bin nax me awutsilic ja'ex teme ayex ta ilayel yu'un te ants-winiquetique, soc teme ya stenex loq'uele, soc teme ya sbolc'optayexe, soc teme ya sp'ajex te bit'il amenex ta sc'opic ta scaj te Nich'anile.

Éxodo 22:25

“Teme ya awac'bey smajanbat ataq'uin jtul te ma'yuc bila ay yu'un te banti ay te lum cu'une, ma me jichucat te bit'il mach'a ya sc'anbey sjol, ma me xawac' te ya yac'bey sjol te ataq'uine.

San Lucas 2:34

Te Simeón la sc'anbey bendición ta stojolic, soc la yalbey te María te sme' te alale: —Aiya awaiy stojol, ja' in alal to, ay me tsobol te israeletic te ya xjinic yu'un soc ay me tsobol ya xtoy sc'oplalic yu'un. Te alale ja' seña yac'oj Dios te tsobol ya scontroinique.

San Mateo 24:9

“Ya me x'ac'otex ta uts'inel, soc ay me ya xlajex ta milel. Ya me awich'ic ilayel yu'un spisil ants-winiquetic ta swenta jbiil.

San Mateo 5:44

Ja'uc me to, jo'on ya calbeyex: C'ux me x'awaiy te acontroe, c'anbeya bendición te mach'a ya sbolc'optayexe. Pasbeyaic bila lec te mach'atic ya yilayexe. C'oponbeyaic Dios ta stojol te mach'atic ya yixtac'optayexe soc te ya yuts'inexe.

Jeremías 15:20

Ya me cac' te jichucat ta swenta in lum to te bit'il ts'ajc' pasbil ta bronce te wocol ta jinele. Ya yac'bat guerra, pero ma ba ya stsalat. Melel joinejat, ya jcoltayat soc ya cac'at ta libre. Jo'on Ajwalilon, jich ya cal.

Proverbios 26:2

Jich bit'il ja'mal mut te bayuc ya xbajt'e, soc jich bit'il ulich te ma'yuc spechech, ja' nix jich teme ma'yuc swentail te bolc'optayele, ma'yuc bila ya xc'ot ta pasel yu'un.

Salmos 109:28

Ma'yuc sc'oplal ta co'tan te ya sbolc'optayonic, ja' nax teme ya awac'bon bendicione. Ac'a me q'uexawuquic, ja'uc me yutsil co'tan ya caiy te awabatone.

Salmos 15:5

ja' te mach'a ya yac' ta majanel staq'uin te ma sc'anbey sjole; ja' te mach'a ma stsac smajt'an-taq'uin yu'un te mach'a tojol nax ay ta uts'inele. Te mach'a jich ya spase, ma me ayuc bi ora ya sta swocol yu'un.

1 Reyes 22:8

Te muc' ajwalil yu'un Israel jich la yalbey te Josafat: —Ay jtul xan te ya xju' ya sjojc'obotic ta stojol te Cajwaltique, ja' te Micaías te snich'an Imla. Mero ma jmulanbey sc'op, melel ma'yuc bi ora ya yalbon te bila leque, puro ma lecuc te bila ya yalbone —xi'. Pero jich albot yu'un te Josafat: —Ma xawal jich —xi' sc'oplal.

1 Reyes 21:20

Te Acab la sjac'bey te sc'op Elías: —¿Ja'at bal jiche te jcontroat te la ataone? —xi'. Te Elías jich la yal: —Jich, la jtaat. Melel puro amen bi ya apas ta sit te Cajwaltique.

Levítico 25:36

Ma me x'ac'anbey jtebuc sjol teme la awac'bey smajanbat ataq'uine, ma me jichuc xapas. Xiwuc me awo'tan ta stojol te Dios awu'une, lebeya me te banti ya x'ain te mach'a jun alumal soque.

Hechos 28:22

Ja'uc me to, co'tan caiytic stojol te nopjibal awu'une, yu'un caiyojtic stojol te controinbil ta bayuc te mach'atic yac'oj sbaic ta xch'uunel te ach' nopjibale —xiic.

Levítico 25:37

Ma me x'ac'anbey sjol te ataq'uin ya awac'bey smajane, soc ma me xatoybey stojol te swe'el ya awac'beye.

Salmos 69:4

Tsobolic te mach'atic ay slab yo'tanic cu'un te tojol naxe, c'ax jich yajtalul a te bit'il stsotsil jole; mero esmajix te jcontrotac, ja'ic te tojol nax ya sc'an ya slajinonique. Ya yac'bonic jsujt'es te bila quelc'anej ta sc'opique, pero ma'yuc bila quelc'anej.

Habacuc 1:3

¿Bistuc ya awac'bon quil bayal uts'inel soc te bila amene? Joytaybilon yu'un te j'uts'inwanejetic soc te jlajinwanejetique; ta spisil ta bayuc ay guerraetic soc c'opetic.