Jeremías 14:3 - Bible in Tzeltal de Oxchuc y Tenejapa

³ Te jc'ulejetic ya spas bael ta mandal te abatetic yu'un ta sliquel ja'. Ya xbajt'ic ta pozo, ja'uc me to, ma'yuquix ja' ya staic tey a, jochol ya sujt' tel soc te sq'uibique. Ay swocolic soc bayal q'uexlal ya yaiyic, ya smuc sjolic yu'un.

Bible in Tzeltal Bachajón

³ Te mach'atic ay sc'oblalic ya sticonic bahel te a'batetic yu'unic ta yich'el tal ha'; ya xbahtic ta yawil ha', pero ma ba ya stahic ha' tey a. Jochol yawil ha' yu'unic ya suhtic tal; ya xq'uexawic, ma sna'ic bin ya spasic, ya smuc sjolic yu'un.

Jeremías 14:3 ပူးပေါင်းရင်းမြစ်များ

2 Samuel 15:30

Te David mo bael ta Wits Olivailtic. T'axal yacan, ma'yuc step, yac ta oq'uel, soc smacoj sjol seña xc'uxul wocol. Spisil te mach'atic joinbil yu'une, smacoj sjolic uuc, soc yacalic ta oq'uel ta moel.

2 Samuel 19:4

Jich te muc' ajwalil smacoj sit yac ta aw ta spisil yo'tan: “¡Absalón, jnich'an! ¡Absalón, jnich'an, jnich'an!” xi'.

1 Reyes 17:7

C'alal c'ax che'oxeb c'aal, tup' te ya'lele, yu'un ma ba la yac' ja'al tey a.

2 Reyes 18:31

ma me x'awich'beyic ta wenta. Te muc' ajwalil yu'un Asiria la sticunon te ya calbeyex te yacuc alaman awo'tanic ta stojol, soc te spasemal awo'tanic ya awac' abaic ta sc'abe, swenta yu'un jich me juju-jtul ya alo'beyic sit a te ts'usub awu'unic soc te higuera awu'unic, soc te ya awuch'ic ta juju-jtul te ya'lel te jutbil ch'en swenta yawil ja' awu'unique.

Ester 6:12

Te c'alal laj yo'tan ta aq'uel ta beentesel te Mardoqueo, cha'bajt' xan ta naclej ta yochibal spalacio te muc' ajwalile. Te Amán ora bajt' ta sna, ay bael ta mel-o'tan soc smacoj yelaw.

Job 6:20

te c'alal ya staic te beja'etique, ma ba ya sta ja' yuch'ic tey a, jich ya smel yo'tanic yu'un; soc ch'ay te smuc'ul yo'tanique.

Salmos 109:29

Ac'a me nojuc q'uexlal ta yo'tanic te jcontrotaque; te q'uexlal ac'a mucotuc yu'un jichuc capa.

Salmos 40:14

Ac'a yich'ic q'uexlaltesel soc jowtesel te mach'atic ya slebonic jlajele. Q'uexlaltic sba ac'a sujt'uc bael ta spatic te mach'atic ya sc'an ya yuts'inonique.

Jeremías 14:4

Te mach'atic ya x'at'ejic ta c'altic ay swocol ya yaiy ta yo'tanic, soc ya smuc sjolic yu'un. Melel ma'yuc te ja'ale, te lumq'uinale jc'axel bacuben ta jyalel.

Jeremías 15:18

¿Bi yu'un te ma xcom te bila c'ux ya caiye? ¿Bi yu'un te ma'yuc ta poxtayel te quejch'ene, te ma xch'uun te jayebuc te poxtayele? Jich c'oemat ta jtojol te bit'il beja' te ya xlo'laywan, te ma staleluc ay ya'lele.

Jeremías 2:13

“Te lum cu'une cha'chajp mulil la spas: la yijq'uitayon ta yo'tanic, te cuxul sloq'uibja' c'oemone, soc la spasic pozoetic yu'un stuquelic, lomen pozoetic te ma xpamaj ya'lele.

Jeremías 2:37

Nojel me q'uexlal ya awaiy te ya sujt'at tel ta Egipto, melel ma la sc'an co'tan te mach'a ya yac'bat smuc'ul awo'tane. Ma'yuquix bi ya ata a te mach'atic ya smuc'ulin awo'tane —xi'.

Jeremías 20:11

Yan te ja'at Cajwal, ajoinejon jich bit'il jtul guerra-winic te ma'yuc ta tsalele. Te mach'atic ya snutsonique, ya me xyalic, jich ma'yucon ta tsalel yu'unic. Ma'yuc bi ya xju' yu'un, ja' nax ya xjilic ta q'uexlal; peq'uel ya xjilic ta jyalel, ma xch'ay ta na'el sbajt'el q'uinal.

Jeremías 3:3

Ja' swentail te comenix ja'al ta yorail invierno soc ta yorail primavera. Jich awelaw te bit'il jmulawil antse; ya sc'an yacuc xq'uexawat yu'un.

Lamentaciones 4:4

Bayal taquinti'il ya yaiyic te chu'ul alaletique, te yaq'uic ya slab sba ta yutil yeic. Ya sc'an swe'elic te alaletique; ja'uc me to, ma'yuc mach'a ya yac'bey.

Oseas 2:3

Teme ma jichuc ya spase, t'anal me ya quijq'uitay ta jc'axel, jich me ya xc'ot cu'un te bi yilel c'alal a ayine. Ya me jc'atp'un ta jochol taquin q'uinal, ta puro taquin lumq'uinal, soc ya me xlaj ta taquinti'il.

Joel 1:20

Yacal to ta aw ta atojol te ja'mal chambalametic, ja' yu'un te tup'ix ya'lel te beja'etique, lajix ta chiq'uel ta c'ajc' c'oem te swe'elique.

Amós 4:7

—Ja' nix jich la jcom ja'al oxeb u te ma to sta yorail te ya xloc' sit a te awawal-ats'unube. Ay la cac' ja'al ta jpam lum, soc ay ma la cac' ja'al ta yan jpam lum; ay jsejp q'uinal ta bay la cac' ja'al, soc ay yan jsejp q'uinal te ma la cac' ja'al, jich taquej.

Amós 4:8

Te ants-winiquetic cotlajanel c'axic ta lumlumtic ta sleel ja' yuch'ic, ma tic'uc la staic yu'un te taquinti'il la yaiyique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Zacarías 14:17

Teme ay ma ba ya xbajt'ic te nacionetic ta balumilal ta Jerusalén ta xch'uunel te Muc' Ajwalile, ja' te Cajwaltic te Spisil ya xju' yu'une, ma me ba ya x'ac'bot yaluc ja'al ta slum-sq'uinal.