Jeremías 12:9 - Bible in Tzeltal de Oxchuc y Tenejapa

⁹ Te lum cu'une, jich c'oem te bit'il t'ujbil ja'mal mut, te ay yantic mutetic ya stsac sbaic soc ya smil sbaic. La'ic apisilic ja'mal chambalametic, tsoba abaic tel, we'anic.

Bible in Tzeltal Bachajón

⁹ Te pueblo cu'un hich c'ohem te bin ut'il ha'mal mut te bayel sch'ahlel te joytaybil ta contrahinel yu'un yantic mutetic. ¡Bahanic, tsobahic talel spisil ha'mal chambahlametic, ic'ahic talel yu'un ya xlajinot yu'unic!

Jeremías 12:9 ပူးပေါင်းရင်းမြစ်များ

2 Reyes 24:2

Te Cajwaltic la sticunbey bayal ta jchajp eleq'uetic: caldeoetic, siriaetic, moabetic soc amonetic. La sticun swenta scontro Judá yu'un ya slajinic, jich te bit'il neel yaloj te Cajwaltic ta swenta te j'alwanejetic, ja' te abatetic yu'une.

Isaías 2:11

Te jtoybaetic ya me stinan sbaic ta stojol; te jtoyba-o'tanetic ya me yich'ic pejc'anel. Te bi c'aalil ya xc'ot ta pasele, ja' nax me stuquel te Cajwaltic te ya yac' ta ilel te smuc'ule.

Isaías 2:12

Ja' te bi c'aalil ya x'at'ej te Cajwaltic te Spisil ya xju' yu'un, ta yilbeyel yo'tan spisil mach'a jtoybaetic te muc' yac'oj sbaic soc yixtailique; ta yilbeyel yo'tan spisil mach'atic te toyol yac'oj sbaique, swenta yu'un ya me yich'ic pejc'anel;

Isaías 56:9

La'ic me, jti'awal chambalametic; la'ic, chambalametic te ayex ta ja'male, bic'a bael ta ti'el te chijetique.

Jeremías 15:3

“Jo'on Ajwalilon, jich ya cal: Ya jticunbey tel chanchajp castigo: Ay ya xmilotic ta guerra, ay me ya yich'ic tasel bael yu'un ts'i'etic, ay me ya xti'otic yu'un te xulemetic soc ay me ya xbic'otic yu'un te jti'awal chambalametique.

Jeremías 2:15

¿Bi yu'un ya snutsic jichuc león-chojetic te tulan nax ya x'awunic ta jyalele? Ma'yuc yutsil la yijq'uitaybeyic jilel te slumale; te lumetic yu'unique la yich' chiq'uel, soc ma'yuquix mach'a jil tey a.

Jeremías 34:20

Jich yu'un, ya me cac' x'och ta sc'abic te scontroic te ya yac' lajel. Te sbaq'uetalic te lajem ya me swe'elinic te jti'awal mutetic soc te yantic jti'awal chambalametique.

Jeremías 7:33

Te sbaq'uetalic te ants-winiquetic te lajemique ya me xtuun yu'un sti'el te xulemetic soc te chambalametic te ya xti'awanique, soc ma'yuc mach'a ya xju' yu'un xiwtesel bael.

Lamentaciones 1:17

Te Sión ya sjach sc'ab ta yalel wocol; ja'uc me to, ma'yuc mach'a ya smuc'tesbey q'uinal yaiy. Te Cajwaltic yaloj mandal te ya yich' joytayel Jacob yu'un scontrotac; te Jerusalén swenta ilayel c'ot yu'unic.

Ezequiel 34:5

Te chijetic cu'une ma'yuc jcanan yu'unic, jich pujq'uic bael, lajic ta ti'el ta jti'awal chambalametic.

Apocalipsis 17:16

Te lajunch'ix xulub la awil te ay ta sjol te muc'ul chambalam te xi'bantic sbae, ya me slab-o'tantayic te jmulawil antse. Me'ba me ya yijq'uitayic soc t'anal ya xjil yu'unic. Ya sti'beyic sbaq'uetal soc ya xchiq'uic ta c'ajc'.