Jeremías 12:4 - Bible in Tzeltal de Oxchuc y Tenejapa

⁴ ¿Jayeb to c'aal ya xjalaj te taquejem te lumq'uinale te ya xtaquej te aquiltique? Te chambalametic soc te ja'mal mutetic yacalix ta lajel ta scaj amen te yajwal te lumq'uinale, te ya scuyic te ma x'awil te bila ya spasique.

Bible in Tzeltal Bachajón

⁴ ¿Bin to ora te jochol ya xhil te lumq'uinal soc te ya sayub te aquiltic ta spisil te q'uinale? Ta scaj schopolil te mach'atic nahinemic tey a te lajemiquix te chambahlametic soc te ha'mal mutetique, como hich ya yalic: Dios ma ba ya yil bin ut'il ya xc'ohotic ta loq'uel, xchihic.

Jeremías 12:4 ပူးပေါင်းရင်းမြစ်များ

Salmos 107:34

ya sc'atp'un ta taquin q'uinal te lequil q'uinale, ta scaj smulic te mach'atic nainemic tey a.

Salmos 50:21

Spisil la apas, pero ma'yuc bi la cal yu'un; la acuy te jichon te bit'il ja'ate. Pero yo'tic ya calbat amul ta asit, ts'acal me ya quich'bat ta wenta.

Isaías 24:4

Te lumq'uinal ya xbacub soc ya xc'anub, ta swolol te balumilal jc'axel me bacuben ya xjil, jc'axel me c'anuben ya xc'ot. Te ch'ulchan balumilale bayal me ya smel yo'tanic.

Isaías 24:6

Ja' swentail te bolob sc'oplal, tic' laj a te balumilale; jich yu'un te mach'atic nainemic tey a, ya xc'ax swocolic yu'un te castigo. Ja' swentail te mach'atic nainemic ta balumilal peq'uelix yajtalul, jteb xanix cuxulic jilel te ants-winiquetique.

Jeremías 12:11

Jochol taquin q'uinal la yijq'uitaybonic, soc t'axal a jil, oq'ueltic sba ya quil. Spamal te lumq'uinale, jochaj jilel ta jyalel, ma'yuc mach'a ya xc'opoj yo'tan yu'un.

Jeremías 14:2

—Te Judá ya x'oc' yu'un mel-o'tan, te lumetic yu'une ay swocolic, te ants-winiquetic limilic ta lum. Te Jerusalén ya xtoyix yawic yu'un te xc'uxule.

Jeremías 23:10

Te lume nojel ta yo'tanic mulwej; ja' te ants-winiquetic buen animal ya xbajt'ic ta spasel te bila amene, mero ya stuuntesic yip sbaq'uetalic ta spasel te bila ma stojiluque. Ja' swentail te la yut jilel Cajwaltic te q'uinale, jich a taquej te lumq'uinale, c'ajq'uem yilel a jil te aquiltic ta jochol taquin q'uinal.

Jeremías 4:25

La quil te ma'yuquix jtuluc ants-winic tey a, soc spisil te ja'mal mutetique bajt'iquix.

Jeremías 4:28

Te balumilale ya xnoj yu'un mel-o'tan, soc te ch'ulchan, ya x'ijc'ub yu'un mel-o'tan. La calix te jc'ope, pero ma ba ya jsujt'es; chapalix cu'un, ma xju' sujt'on bael ta jpat.

Jeremías 5:13

Te j'alwanejetic puro ic' nax te sc'opic, ma'yuc sc'op Cajwaltic ta yo'tanic. Lec ay jiche, ja' yalojbon te Cajwaltic Dios te Spisil ya xju' yu'une: —Te bit'il jich la yalique, jich ya xc'ot ta pasel ta stojolic: Te jc'ope ya me cac' x'ain ta awe jichuc c'ajc', soc jichuc ya xc'ot bit'il si' te lume, te ja'uc ya xbic'otic bael c'oem yu'un te c'ajq'ue —xi'.

Jeremías 5:31

Te bila ya yalbey sc'oplal te j'alwanejetic ta sc'opique, lotil; te sacerdoteetic ja' ya yaq'uic ta pasel te bila ya smulanique. ¡Te lum cu'une jich nix ya sc'anic! Ja'uc me to, “¿bi ya apasic ja'ex c'alal ya xc'ot te slajibal c'aale?” uta me —xi' te Cajwaltique.

Jeremías 7:20

Jich yu'un te jo'on Ajwalilon ya me cal ta smelelil te ya jloq'ues tel spisil te quilimba ta stojol in templo to soc ta stojol te ants-winiquetic, soc ta stojol te chambalametic, te te'etic ta q'uinal, soc te trigo. Jich me yilel te bit'il tojc'al te ma xtup'e —xi' te Cajwaltique.

Jeremías 9:10

“Oc'anic soc ajc'anajanic ta witstiquil, c'ajintayaic mel-o'tan c'ayoj ta aquiltic, melel chic'biliquix, soc ma'yuc mach'a ya xc'axix tey a; ma'yuc bay ya xchicnajix sc'op te wacaxe, asta te mutetic soc te chambalametic te ya xti'awanique, bajt'iquix ta anel.

Jeremías 9:9

¿Me yacuc cac'bey castigo yu'un? ¿Me jichuc ya sc'an cac'bey stoj te lum te bila ya spase? Jo'on Ajwalilon te jich ya cal.

Oseas 4:3

Jich yu'un te lumq'uinal yaquix yoc'taybel sba c'oem; ma'yuquix yipic te mach'atic tey ayic ae, soc ma'yuquix yipic te ja'mal chambalametic soc te mutetique, ja' nix jich ya xlajic te chayetic ta mar.

Joel 1:18

Xme'lajan te chambalametique. Tojol ya sle swe'elic te wacaxetique; ta stsojbol te chijetic ayic ta chamel.

Amós 1:2

Jich la yal: —C'alal ya xchicnaj tel sc'op Cajwaltic jichuc chawuc ta wits Sión, ta Jerusalén, ya sayub te aquiltic soc te sba wits Carmelo —xi'.

Habacuc 3:17

“Jich yu'un, ya me xnoj sbujts' co'tan yu'un ta scaj te Cajwaltic te jcoltaywanej cu'une. Ya me calbey yutsilal, manchuc me ma xnichin te higueraetic, manchuc me ma xyac' sit te ts'usubiletic soc te olivoetic, manchuc me ma'yuc bila ya jtsobtiquix loq'uel ta lumq'uinal, soc manchuc me ma'yuquix wacaxetic ta snaique.

Zacarías 1:12

Te ch'ul abat yu'un Cajwaltic, jich la yal: —Cajwal te Spisil ya xju' awu'une, ayix ta lajuneb xchanwinic (70) ja'wil te ilinemat ta stojol te Jerusalén soc te lumetic yu'un Judá. ¿Bi to ora soc bi to c'aalil te ya acha'na'bey xan yo'bolil sbaique? —xi'.

Romanos 8:22

Jna'ojtic stojol te ay ta ajc'an spisil te bitic pasbile, ja' to ta ora to. Yac ta nacbal yu'un xc'uxul, jich bit'il jtul ants te ya x'ayin te yale.