Jeremías 12:3 - Bible in Tzeltal de Oxchuc y Tenejapa

³ Yan te ja'at, Cajwal, ya ana'bon jba; ya awilon te ja'ate, soc ya ana'bon te bit'il ayon soc co'tan ta atojol. Ic'a bael te ants-winiquetique, jich bit'il chijetic ta bay miljibal; ac'beya smarcaic ta swenta te bi c'aalil ya xlaje.

Bible in Tzeltal Bachajón

³ Pero ha'at, Jehová, yac ana'bon jba; yac awilon soc yac atsahtaybon co'tan ta sna'el te bin ut'il ayon ta atojol. ¡Tasticlana bahel hich te bin ut'il tuminchijetic te ya xbahtic ta smilojibal! parte xawac' yu'un te bin c'ahc'alil ya xlaje.

Jeremías 12:3 ပူးပေါင်းရင်းမြစ်များ

2 Reyes 20:3

—Cajwal, jo'on ya calbat wocol, te yacuc ana' te bit'il jun co'tan la cac' jba ta abatinel awu'une, soc spisil co'tan la jpasbat te bi la sc'an awo'tane —xi'. Och ta buen oq'uel.

1 Crónicas 29:17

Dios cu'un, ya jna' te ya atsajtaybotic te co'tantique, te ja' ya amulan te toj ya cac' jbajtique. Ja' swentail te toj co'tan jnopoj te tal cac' ta atojol spisil. Ta ora yo'tic to bin nax co'tan yu'un te lum awu'un te stsoboj sbaique, c'ax to xan la yaq'uic te majt'anil yu'unic ta atojole.

Job 23:10

Spisil yiloj te juju-jtejc' ya xbeenone; ya spason ta prueba, pero mero lec me ya xloc'on, jich me ya xloc'on yu'un te bit'il mero lequil oro.

Salmos 11:5

Te Cajwaltic ya yil te mach'atic toj yo'tanic soc nix te mach'atic amen yo'tanique. Te mach'atic amen yo'tanic jc'axel yilayej ta yo'tan stuquelic, ja' te mach'atic toyol yo'tanic ta spasel te uts'inwaneje.

Salmos 139:23

Dios cu'un, na'bon co'tan ta lec, tsajtayawon; pasawon ta prueba, na'bon ta lec bila snopoj te co'tane;

Salmos 17:3

Te ja'at ana'oj ta lec te bitic ya jnop ta co'tane; ta ajc'ubal ya xtal awilon spisil ora; melel apasojonix ta prueba ta c'ajc', ma'yuc ataojbon te bila amen ta jtojole. Ma'yuc caloj te bitic ma lecuc ta alel

Salmos 26:1

Cajwal, chajbanawon, te jcuxlejal ma ba boloben. Te ja'at Cajwal, smuc'ulat co'tan, ma chebuc co'tan ta atojol;

Salmos 7:9

Dios, te toj awo'tane, ja'at ya ana' te bitic ya snop te o'tanile soc te bitic ya yal te o'tanil c'alal ta yutil. Lajinbeya sc'oplal ta jc'axel te mach'atic amen yo'tanique; yan te mach'atic lec yo'tanique, junuc me yo'tanic awu'un.

Jeremías 15:15

Cajwal, ja'at te ya ana' spisil atuquele; na'awon te jo'one, soc la', coltayawon. Ac'beya spacol te mach'atic ya yuts'inonique. Ma me ja'uc te c'axem to xan ya ats'icbeye; ma me x'awac'on jilel ta lajel te jo'one. Ya me awil te jts'icoj ixtac'optayel ta awentae.

Jeremías 17:16

Ja'uc me to, ma'yuc bay cac'oj puersa ta sc'anel te ya aticun tel tulan wocol; ma'yuc bay sc'anoj co'tan te ay bila chujc'ul ya xtal ta stojolique. Ja'at ya ana' ta lec te bila caloje, melel jich la cal ta atojol.

Jeremías 17:18

Ja'uc me q'uexawuc jilel te mach'atic ya yuts'inone, ma me jo'ucon; ja'uc me ya xch'ayic ta q'uinal yu'un xiwel, ma me jo'ucon. Ac'a taluc ta ora mel-o'tan ta stojolic; ac'beya swocolic ta spisil ora.

Jeremías 20:12

Cajwalat te Spisil ya xju' awu'une, ja'at te stojil ya atsajtay o'tanil atuquel, ja'at te ya awilbey c'alal ta yutil yo'tan te winique, ac'bon quil bit'il ya awac'bey castigo te ants-winiquetique. Melel cac'ojbat ta ac'ab te jwocole.

Jeremías 48:15

Ya me xjulix tel jinwanej yu'un Moab soc te lumetic yu'une; ta bay mero lec te ach'ix-queremetic yu'une ya me xlajic. Tulan ya yal te Muc' Ajwalile, te ja' “Ajwalil te Spisil ya xju' yu'une”, xi' te sbiile.

Jeremías 50:27

Milbeyaic spisilic te soldadoetic yu'une, ticunaic bael ta miljibal. ¡Ya me yil swocolic! ¡C'otix sc'aalelal, yorailix te castigo ta stojolique!

Jeremías 51:4

Ta spamal slumal te caldeoetique, te ants-winiquetic limil me ya xjilic ta calleetic.

San Juan 21:17

Ta yoxebal buelta la yalbey xan: —Simón te snich'anat Jonase, ¿c'uxon bal ta awo'tan? —xi'. Te Pedro la smel yo'tan yu'un te yoxebalix buelta te albot te “C'uxon bal ta awo'tan?”, te xie. Jich la yal: —Cajwal, ay ta awo'tan spisil. Ana'oj stojol te c'uxat ta co'tane —xi'. Jesús la yalbey xan: —Mac'linbon jiche te chijetic cu'une.

Santiago 5:5

Li' nax ta balumilal te lec cuxulex ta q'uinale. Spisil ay awu'unic te bitic ya smulan te abaq'uetalique. Jich c'oemex te bit'il wacax te yac ta jujp'ele, te nopol sta sc'aalelal te ya yich' milele.

2 Pedro 2:12

Yan in winiquetic to, pajal c'oemic soc chambalametic, te ma sna'ic q'uinale. Ja' nax cuxulic yu'un te ya yich'ic tsaquel ta milele, jich nix ya xlajic uuc te bit'il te chambalametique. Melel ya slabanic te bila ma sna'ic stojole.