Jeremías 12:2 - Bible in Tzeltal de Oxchuc y Tenejapa

² Ja'at ya ats'un, ja' ya yac' yisimic ta lum, ya xmuc'ubic soc ya sitinic. Ta puro c'op nax ta yolq'uinal ya yich'at ta muc'; ja'uc me to, ma'yucat ta mero yutil yo'tan.

Bible in Tzeltal Bachajón

² La ats'unticlan, la yac' slohp'ic; ya xmuc'ubic soc ya sitinic. Nopol ayat ta yehic, pero namal ayat ta yo'tanic.

Jeremías 12:2 ပူးပေါင်းရင်းမြစ်များ

Job 24:12

C'ubul to ay te lume te mach'atic ya x'oq'uic, ya x'ajc'anajic soc yacaliquix ta lajel ya yaiy, pero ma x'aiybotic yu'un Dios te ya yalbeyic wocole.

Job 5:3

Ay quiloj te mach'a ma sna' q'uinal te toy bael ta xjajch'ibal te sbiluque, pero ora nax lajinbot te snae.

Salmos 37:35

Ay quiloj te mach'a amen yo'tane, mero bayal stoyoj sba, jich scuyoj sba te bit'il muc'ul te' te bayal sc'ab soc te bayal yabenale;

Isaías 29:13

Te Cajwaltic la yalbon: —Te lume ya yac' sba ta abatinel ta jtojol ta sc'op; ta ye nax ya yich'on ta muc', pero ma'yucon ta yo'tan ta jyalel. Te ya yalbonic wocol ta sc'opique, ja' te bitic wejt'em yu'unic te snopojic nax ta sjolique.

Jeremías 11:17

“Jo'on te Ajwalilon te Spisil ya xju' cu'une, te la jts'un te Israel soc Judae, la calix mandal te ya xc'ot ta stojolic te bila amene ta scaj te smulique. Melel la sta smulic ta jtojol te la yac'beyic smajt'an pom te Baal —xi'.

Jeremías 3:10

Ta patil, te Judá te ma junuc yo'tane, ma ba sujt' soc spisil yo'tan ta jtojol, ja' nax la spason ta lot. Jo'on, Ajwalilon te jich ya cal —xi'.

Jeremías 45:4

la spason ta mandal te ya calbat ta atojole: “Ya jin te bila ya jpase, soc ya jbul te bila ya jts'une. Jich ya jpasbey ta spamal balumilal.

Ezequiel 33:31

Jich ya xtalic te lum cu'une, ya sep sbaic ta naclej ta atojol, jich nix te bit'il ya spasulayique, yu'un ja' ya yaiyic te bila ya awale, pero ma ba ya xch'uunic spasel bael. Ya smulanic sjaq'uel, jich ta yo'tanic te bit'il sjaq'uel c'ayoj swenta nax sbujts'-o'tanil, pero ja' nax ay ta yo'tanic te taq'uine.

Oseas 7:14

Manchuc me ya x'awunic te c'alal ay ta swayibique, ma socuc yo'tanic ya sc'opononic. Ta swenta sc'anel trigo soc vino ya yejch'entes sbaic; la stoy sbaic, la scontroinonic.

Habacuc 1:13

Te ja'ate c'ax jelawen awutsilal, ma snujp'in ya awil te bitic ma lecuque; ma lecuc awo'tan yu'un te mulile. ¿Bi yu'unix a jiche te ma'yuc bila ya awalbey te j'uts'inwanejetique, te ma xc'opojat yu'un ta stojol te mach'a c'ax amen yo'tanic te yac ta slajinel te mach'atic ma pajaluc yo'tanic soque?

San Mateo 15:8

“Ja' in lum to sba nax sti'ic yich'ojonic ta muc', yan te yo'tanique q'uejel to ay stuquel.

San Marcos 7:6

Te Jesús la yalbey yaiyic: —Cha'lam awo'tanic te ja'exe, jich te bit'il la yalbeyex ac'oplalic te namey q'uinal j'alwanej te Isaías. Melel jich la yal jilel: “Ja' in lum to sba nax sti'ic yich'ojonic ta muc', yan te yo'tanique q'uejel to ay stuquel.

Tito 1:16

Sna'ojbeyic sba ta sc'opic te Diose, ja'uc me to, chican ta yat'elic te ma ba sna'ojbeyic sbae. Boloben yo'tanic, toybaetic, xujt' ma'yuc swentail te yat'elique.