Jeremías 12:13 - Bible in Tzeltal de Oxchuc y Tenejapa

¹³ La sts'unic trigo, pero jch'ix la stulic loq'uel; spisil te yat'elique tojol nax. La staic falta soc te trigo ta scaj sc'aal stulanil quilimba —xi' te Cajwaltique.

Bible in Tzeltal Bachajón

¹³ La sts'unic trigo, pero ch'ix la stsobic; tulan a'tejic, pero mayuc bin la stahic a. Ya me xq'uexawic yu'un te sit ya stsobic, ta scaj sc'ahc'al yilimba te Jehová.

Jeremías 12:13 ပူးပေါင်းရင်းမြစ်များ

Hageo 1:6

Te ja'exe bayal ya xts'unbajex, pero ma'yuc bayal ya aset'beyic sit. Ya xwe'ex, pero ma ba ya xnoj ach'ujt'ic. Ya x'uch'ex, pero ma ba ya xquejch'aj te ataquinti'ilique. Ay ac'u'-apaq'uic ya alapic, pero ma ba ya xq'uixnajex yu'un. Te mach'a ya yaiy ganar, ya yac' ochel ta lomen coxtal c'oem te stojole.

Miqueas 6:15

Ya awaiy ts'unbajel, ja'uc me to, ma ba ya ac'aj. Ya ajuch'bey sit olivo, ja'uc me to, ma ba ya atuuntesbey te yaceiteile. Ya apits' ta teq'uel te ts'usube, ja'uc me to, ma ba ya awuch'bey te ya'lele.

Deuteronomio 28:38

Ya me ats'un bayal trigo soc cebada, pero ma me ayuc bayal sit ya atsobey, melel ya me xlajinot yu'un ta c'ulubetic.

Isaías 55:2

¿Bistuc ya alajin ataq'uinic yu'un teme ma we'eliluque? ¿Bistuc ya alajin aganaric yu'un teme ma ja'uc te bila ya xnoj ach'ujt'ic yu'une? Aiybon awaiyic stojol ta lec, jich me ya awe'elinic lequil we'eliletic, ya me awe'elinic bitic bujts'anic.

Levítico 26:16

Ja' yu'un te jo'one jich me ya jpasbeyex ta atojolic: Ya jticunbeyex ta atojolic buen tulan xiwel, tulan chamel swenta lajinwanej, c'ajc'al chamel, chamel ta asitic, soc ya xlaj yip te abaq'uetalic. Tojol me ya awac' awocolic ta ts'unbajel, melel ja' me ya swe'ic te acontroic te sit ya xloq'ue.

Habacuc 2:13

Te Cajwaltic te Spisil ya xju' yu'une ya me spasbat te ma'yuc yutsil ya xc'ot te awat'el soc te awocole; melel ta spisil te awat'ele ya me yich'ic lajinel ta c'ajc'.

Jeremías 4:26

La quil soc la jta ta ilel te yaxal q'uinale, c'atp'ujem ta jochol taquin q'uinal, soc spisil te lumetic jinemiquix. Te yilimba Cajwaltic te xiweltic nax sba jich me c'ot ta loq'uel yu'un spisil.

Romanos 6:21

Ja'uc me to, ¿bila loc' awu'unic a? Melel ja' nax la yaq'uex ta q'uexlal, melel ta slajibal te bitic ya apasique, ja' nax ya yaq'uex ta lajel.

Levítico 26:20

Tojol me ya alajin awipic ta ts'unbajel, melel te lumq'uinal ma'yuc bila ya xju' ya yac'beyex sit, soc ni ja'uc ya yac' sitic awu'unic te te'etic ta aq'uinalique.

Jeremías 9:5

Juju-jtul ya jlaban jbatic soc yan, soc ma'yuc mach'a ya yal te bila smelelile. C'aemotiquix ta yalel lot; c'ax amenotic, ma xju' cu'untic sjelel co'tantic, xoon yu'un.

Jeremías 17:10

Jo'on Ajwalilon, ya jna' stsajtayel te o'tanile soc ya jna' c'alal ta yutil o'tanil te bila yac sna'ele. Jich yu'un ya cac'bey stoj juju-jtul, ja' chican te bit'il ay te yat'elique —xi' te Cajwaltique.

Salmos 78:62

Mero jajch'em sc'ajc'al yo'tan ta stojol te lum yu'un, ja' yu'un la yac' lajuc ta spuñal te scontroe.

Oseas 8:7

Ja'ic la sts'unic c'oem te ic' soc la sc'ajic te tulan yic'al ja'ale. Ma me ayuc bila ya sc'ajic loq'uel ta q'uinal, ma me bay ya staic loq'uel harina ta sit trigo; teme ay to ya sloq'uesique, te jyanlumetic ya me swe'elinic.

Hageo 1:9

“Te ja'exe bayal bila ya ac'an ya ataic, pero ma'yuc bayal ya ataic. Te bila ya aq'uej ta anaique, jo'on la jch'ojbeyex c'axel, jichuc ic' te ya x'eanot bael yu'un te sulile. Pero ¿bi yu'un? Melel ja' yu'un te jinem te jnae. Yan te ja'exe ja' nax bayal sc'oplal ta awo'tanic ta spasel te anaique. Jo'on Ajwalilon te jich ya cale.