Jeremías 11:4 - Bible in Tzeltal de Oxchuc y Tenejapa

⁴ Ja' te trato la jpas ta stojol te antiguo ame'-atatic c'alal la jloq'ues tel ta Egipto, ja' te nación te jich c'oem ta stojolic te bit'il horno yu'un te jten-taq'uine. La calbey: “Ch'uunbonic jc'op, pasaic spisil te bila mandal ya cal, ja'ex me lumex cu'un soc jo'on Dioson awu'unic.

Bible in Tzeltal Bachajón

⁴ ha te la jcalbe ta mandar te ame'atatic te c'alal la jloq'ueslan tal ta sq'uinal Egipto, ta horno yu'un yuhltesel taq'uin, te hich la jcalbe: Ch'uhumbonic jc'op, pasahic spisil te bintic ya calbeyex ta mandar, hich pueblohex cu'un ya xc'ohex soc ho'on Dioson awu'unic ya xc'ohon.

Jeremías 11:4 ပူးပေါင်းရင်းမြစ်များ

Deuteronomio 4:20

Te ja'exe la stsobex loq'uel tel ta Egipto te Cajwaltique, ta yutil horno yu'un yultesel taq'uin c'oem. Jich la yaq'uex te bit'il ayex ta ora in to: Ja'ex lumex yu'un stuquel.

Levítico 26:12

Spisil me ora ya xbeenon ta awolilic; jo'on me te Dioson awu'unique, ja'ex me te lumex cu'une.

2 Corintios 6:16

¿Ya bal snujp'in sba te ya x'ain loc'ombaetic ta bay te templo yu'un te Diose? Melel ja'ex temploex yu'un te cuxul Diose, jich te bit'il la yal te Diose: “Ya me xnainon ta yolilic, tey me ya xbeenon a. Jo'on Dioson yu'unic soc lum cu'un ya me xc'otic”, te xie.

Zacarías 8:8

Ya me quic' tel ta Jerusalén swenta yu'un ya xnainic tey a. Ja'ic me lum cu'un ya xc'ot; soc jo'on me Dioson yu'unic ya xc'oon. Mero jun me co'tan, soc mero stojil me ya xmandalteswanon ta stojolic —xi' te Cajwaltique.

Jeremías 24:7

Ya cac'bey sna'ic q'uinal ta lec, swenta yu'un ya me sna'bonic jba te jo'on Ajwalilon. Ja'ic me te lum cu'un, soc jo'on me Dioson yu'unic; melel ya me sujt'es yo'tanic ta jtojol ta spisil yo'tanic.

1 Reyes 8:51

melel ja' lum awu'un soc ja' ay ta ac'ab. Ja'at la aloq'ues tel ta Egipto te pajal soc jun horno yu'un yultesibal taq'uin.

Ezequiel 37:23

Soc ma ba ya sboltes xan sbaic ta xch'uunel te loc'ombaetic ilaybil sbae, soc ma ba sleix bayal ta jchajp smulic. Jo'on me ya jch'aybey te cheb yo'tan la spasic ta jtojole. Ya me jlecubtes, jich me ya xch'ay te smulique. Ja'ic me lum ya xc'ot cu'un, jo'on me Dioson yu'unic.

Ezequiel 36:28

Ya me cac' nainanic ta lumq'uinal te la cac'bey te ame'-atatique. Ja'ex me lumex cu'un, jo'on me Dioson awu'unic.

Ezequiel 14:11

swenta yu'un ma me ayuquix bi ora ya xcha'loc' xan ta jtojol te lum Israel cu'une, soc ma'yuquix bi ora ya sboltes sbaic ta spasel te bitic muliletic la spasique. Ja' me lum cu'un, soc jo'on me Dioson yu'unic. Jo'on Ajwalilon te jich caloje —xi' te Cajwaltique.

Ezequiel 11:20

Jich me ya xju'ix yu'unic a te ya xch'uunbonic te mandaliletic cu'une, soc te bitic chapal cu'une. Jich me ya spasiquix bael spisil ora. Ja'ic me lum cu'un, soc jo'on me Dioson yu'unic.

Jeremías 26:13

Tojtesa te awo'tanic soc te awat'elique, ch'uunbeyaic sc'op te Cajwaltic Diose, swenta jich ma sticunbeyex tel te woclajel te yalojbeyix sc'oplale.

Deuteronomio 11:27

Te bitic swenta bendición, ja' teme ya ach'uunbeyic te mandaliletic yu'un te Cajwaltique, ja' te ya calbeyex ta ora in to.

Levítico 26:3

“Teme ya ach'uunbonic spasel te mandaliletic cu'une, teme ya apasic ta spisile, soc teme jich ya apasic spisil ora te bit'il ya cale,

Génesis 17:8

Ya cac'bat aq'uinalin soc jayeb ats'umbal te q'uinal ta bay beenemate, ja' spamal sq'uinal te Canaán, awu'un ya xc'ot soc ats'umbal ta sbajt'el q'uinal, soc Dioson awu'unic ya xc'oon —xi'.

Hebreos 5:9

Jich mero lequil Jcoltaywanej c'ot, te sbajt'el q'uinal ay jcoleltic yu'un te jayebotic ya jch'uunbeytic te smandale.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

Zacarías 6:15

Ya me xtal winiquetic ta c'ubul, yu'un ya xtal sjoin ta xcha'pasel xan te templo yu'un te Cajwaltique. Jich me ora ya ana'ic a te ja' la sticunon tel te Cajwaltic te Spisil ya xju' yu'une. Jich me ya xc'ot ta pasel teme ya awaiybeyic sc'op te Cajwaltic te Dios awu'unique, soc teme ya ach'uunique.

Ezequiel 37:27

Ya me xnainon ta yolilic, jo'on me Dioson yu'unic, ja' me lum cu'un.

Jeremías 32:28

Jich yu'un ya calbat: Ya me cac' ta sc'ab Nabucodonosor te lume, ja' te muc' ajwalil yu'un Babilonia, soc ta sc'ab te caldeoetique.

Isaías 48:10

Jo'on la cutstesex; ja'uc me to, ma jichuc te bit'il ya yich' utstesel te plata. Jich la cutstesex ta woclajel, ta swenta sc'aal horno c'oem.

1 Samuel 15:22

La sjac' te Samuel: —Ja' buen lec yo'tan Cajwaltic yu'un teme ya yich' ch'uunel smandal; ma ja'uc bayal sc'oplal teme ya cac'beytic milbil smajt'an soc chic'bil smajt'ane. Ja' mero bayal sc'oplal te ya jch'uunbeytic smandal soc teme ya cac' ta co'tantic te bi ya yale; ma ja'uc bayal sc'oplal te ya cac'beytic milbil smajt'an soc smajt'anin xepuil chije.

Éxodo 20:6

Yan te mach'atic c'uxon ta yo'tanic te ya xch'uunbonic te jmandale, ya jc'uxtay jmil ta caj soc yal-snich'anic stuquelic.

Isaías 30:6

J'alwanej c'op ta stojol chambalametic te ayic ta Néguev: Ta lumq'uinal te nojel yu'un te bitic xiweltic sbae, tey nainemic a te león-chojetic ya x'awunique, te jti'awal chanetic soc te dragonetic te ya xwilique, ya yich'ic bael te sc'ulejalique. Ya yac'beyic scuch bael te sburroic soc te scamelloic c'alal ta Egipto te lum te ma'yuc sc'oplal ta jyalele,

Jeremías 11:7

C'alal la jloq'ues tel ta Egipto te antiguo ame'-atatique, la jultesbey yo'tanic te ja' nax ac'a yich'bonic ta muc' te trato. Ja' to tel yo'tic abi, asta c'alal ora yacon ta sjultesbeyel yo'tanic.

Jeremías 38:20

Jeremías la sjac': —Ja'uc me to, muc' ajwalil, ma ba x'ochat ta sc'abic. Wocoluc, ch'uunbeya sc'op Cajwaltic te la calbatix awaiye. Jich me lec ya xc'oat ta loq'uel, jich me ya xcol acuxlejal.

Daniel 3:26

Te c'alal jich yac ta yalel a te Nabucodonosor, noptsaj bael ta sti'il te horno, jajch' ta aw, jich la yal: —¡Sadrac, Mesac, Abed-nego, abatetic yu'un Dios ta mero Toyol, la', loc'anic tel, la'ic li' ta banti ayoni! —xi'. Ta yoxebalic loq'uic tel ta yolil te c'ajc' yac ta tilele.

Deuteronomio 5:6

“Jo'on Ajwalilon te Dioson awu'une te la jloq'uesat tel ta Egipto ta banti ayat ta mozoile.

2 Reyes 18:6

Jun yo'tan la yac' sba ta stojol Cajwaltic, ma'yuc bi ora la spijt'es sba ta stojol, la yac' c'otuc ta pasel te mandaliletic yu'un Cajwaltic ac'bot ta swenta te Moisés.