Jeremías 1:3 - Bible in Tzeltal de Oxchuc y Tenejapa

³ Ja' nix jich c'oponot yu'un Cajwaltic te jayeb ja'wil ay ta muc' ajwalil ta Judá te Joacim snich'an Josías, ja' to ta yorail Sedequías, te ja' nix snich'an Josías, te bulucheb ja'wil ay ta muc' ajwalil ta Judá. Te c'alal ic'otic bael ta chuquel ta yan lum te bay ac'ot ta nainel te yajwal Jerusalén, ja'ix te yo'ebal u yu'un a te sbuluchebal ja'wil te ay ta ajwalil te Sedequías.

Bible in Tzeltal Bachajón

³ Ha nix hich tal ta yorahil te ay ta ajwalil yu'un Judá te Joacim snich'an Josías, ha to c'alal ta slajibal te sbuluchebal (11) ha'bil ay ta ajwalil Sedequías snich'an Josías, te c'alal ic'otic bahel ta chuquel te swinquilel Jerusalén, ta yo'ebal u.

Jeremías 1:3 ပူးပေါင်းရင်းမြစ်များ

2 Reyes 23:34

Soc xan te faraón Necao la yac' ta muc' ajwalil te Eliaquim te snich'an Josías, ja' la yac' ochel ta sjelol te state. La sjeltaybey sbiil, Joacim c'ot yu'un. Te Joacaz la yic' bael ta Egipto, tey c'ot ta lajel a.

2 Reyes 24:17

Patil te muc' ajwalil yu'un Babilonia la yac' ochel ta muc' ajwalil te Matanías, ja' la sloq'uesbey te snich'jun Joaquín. La sjeltaybey sbiil, Sedequías c'ot yu'un.

1 Crónicas 3:15

Te snich'nab Josías, ja'ic te Johanán te banquilale; te xchebale, Joacim; te yoxebale, Sedequías; te xchanebale, Salum.

Jeremías 1:4

Te Cajwaltic la sc'oponon, jich la yalbon:

Jeremías 34:1

Te Nabucodonosor, muc' ajwalil yu'un Babilonia soc spisil te soldadoetic yu'une, ja'ic te mach'atic loq'uemic tel ta yantic nacionetic te ayic ta sc'abe, yacalic ta stenel ta guerra te Jerusalén soc spisil te lumetic te nopol ayic soque. Te Cajwaltic la sc'opon te Jeremías, jich la yalbey:

Jeremías 35:1

Ta yorail te ay ta ajwalil Joacim snich'an Josías te ay ta muc' ajwalil ta Judá, te Cajwaltic la sc'oponon, jich la yalbon:

Jeremías 36:2

—Tsaca junuc balbil jun, ts'ibuya tey a spisil te bila calojbat ta swenta Israel, Judá soc te yantic nacionetique, ja' to me te c'op jajch' calbat tel c'alal ay ta ajwalil a te Josías, ja' to c'alal ora yo'tic.

Jeremías 39:2

Ta sbalunebal c'aal yu'un a te xchanebal u, te sbuluchebal ja'wil yat'el ta ajwalil a te Sedequías, och tel ta lum te soldadoetic te scontroique.

Zacarías 7:5

—Albeya spisil te winiquetic ta spamal te lumq'uinal, soc nix te sacerdoteetique: “Te ja'exe ya acom awe'elic swenta seña mel-o'tan ta yo'ebal u soc ta sjuquebal u, te ayix ta lajuneb xchanwinic (70) ja'wile. Pero ma ba ya apasic ta swenta quich'el ta muc' jo'on;

Zacarías 8:19

—Scomel we'eliletic ta swenta xchanebal u, yo'ebal u, sjuquebal u soc te slajunebal u, ya me xc'atp'uj ta swenta yutsil q'uinal yaiyic, soc ta buen t'ujbil q'uinetic yu'un te patil alnich'anetic yu'un Judá. Ja' me xamulanic jiche te bila smelelil, soc te lamal q'uinal awu'unique —xi' te Cajwaltique.