Isaías 7:4 - Bible in Tzeltal de Oxchuc y Tenejapa

⁴ Jich me ya awalbey: “Tsajtaya me aba, ma me xiwat; mero ma me xiwat, ni ma me xnijc' awo'tan yu'un te cheb xutunte'etic xtomet xch'ailique, ja' te Rezín soc te soldado-siriaetic yu'une, soc te snich'an Remalías, te yac ta tilel sc'ajc'al yo'tanique.

Bible in Tzeltal Bachajón

⁴ hich me xawalbe: Tsahtaya aba soc lamaluc q'uinal yac awa'iy; ma me xiwat, ma me xnihc awo'tan yu'un te cheb xutunte' ini te xtomet sch'ahilel, yu'un te sc'ahc'al yilimba te Rezín soc te Siria soc te snich'an Remalías.

Isaías 7:4 ပူးပေါင်းရင်းမြစ်များ

2 Reyes 15:27

Ta lajchayeb yoxwinic (52) ja'wil yochel ta muc' ajwalil ta Judá a te Azarías, och ta muc' ajwalil yu'un Israel te Peka te snich'an Remalías. Jalaj ta muc' ajwalil jtab ja'wil ta Samaria.

2 Crónicas 20:17

Ma me ja'uquex ya xbaex ta atsalbel abaic soc ta guerra. Tejc'ana abaic tey a ta bay ya xc'oexe, ch'abanic me, ya me awilic bit'il ya caq'uex ta libre, jo'on te Ajwalilone. Yajwalex Jerusalén soc ta spisil Judá, ma me xiw awo'tanic, soc ma me xnijc' awo'tanic; baan ta stojolic pajel, melel ya me joinex bael”, xi' te Cajwaltique —xi' te j'alwaneje.

Isaías 10:24

Te Cajwaltic te Spisil ya xju' yu'un, jich ya yal: —Lum cu'un, te nainemex ta Sión, ma x'axi'ic te asiriaetique, manchuc me ya smajex ta te' soc teme ya stoy sbastonic ta atojole, jich bit'il la spasbeyex te egipcioetique.

Isaías 30:15

Te Cajwaltic te Ch'ul Dios yu'un Israel ya yal: —Sujt'anic tel, soc lamal me awo'tanic, jich me ya xcolex. Te bit'il lamal nax awo'tanic soc te bit'il ay smuc'ul awo'tanique, tey me ay a te awipique —xi' te Cajwaltique. Pero te ja'exe ma la ac'anic,

Isaías 30:7

te mero ma'yuc yip, ma'yuc bi ya xju' yu'un ta coltaywanej. Ja' swentail te jich cac'ojbey sbiilin: “Muc'ul chambalam te ya x'awune, ma'yuc bi ya spas ni jtebuc”, xi' me.

Isaías 35:4

Albeyaic te mach'atic xiwen yo'tanique: “Muc'ubuc me awo'tanic, ma me xiwex. Li' ay te Dios awu'un te ya scoltayate, ya me yac'bey castigo te acontrotaque jich bit'il ya sc'an ya x'ac'botique”, utaic me.

Isaías 37:6

Te Isaías la sujt'es te aiyeje, te jich ya xju' yalbeyic te ajwalil Ezequiase: —Te Cajwaltic jich la yalbon: “Ma me xiwat yu'un te bitic bol c'opetic la yalbon ta jtojol te abatetic yu'un te muc' ajwalil ta Asiria.

Isaías 41:14

Te Cajwaltic tulan ya yalbey sc'oplal: —Israel, te lumat yu'un Jacob, manchuc me ch'in xujt'at, soc teme ma'yuc awipe, ma me xiwat, jo'on ya jcoltayat. Jo'on, te Ch'ul Dioson yu'un Israel, jo'on Jcoltaywanejon awu'un.

Isaías 7:1

Te muc' ajwalil yu'un Siria, ja' te Rezín sbiil, soc te muc' ajwalil yu'un Israel, ja' te Peka snich'an Remalías, ba yac'beyic guerra te Jerusalén. C'an yochintayic; ja'uc me to, ma ba ju' yu'unic. Ja' me a te c'alal ay ta muc' ajwalil ta Judá te Acaz te snich'an Jotam, te ja' smam te Uzías.

Isaías 7:8

Te lum Damasco, ja' centro yu'un Siria, te Rezín, ja' ay ta muc' ajwalil ta Damasco; te lum Samaria, ja' centro yu'un te Efraín, te snich'an Remalías, ja' ay ta muc' ajwalil ta Samaria. Ja'uc me to, ta jo'eb xchanwinic (65) ja'wil te Efraín ma ba nación ya xc'ot; teme ma ba ts'unul ta lec te xch'uunjel awo'tanique, ma xju' xjalajat ta q'uinal”, uta me —xi' sc'oplal.

Isaías 8:4

Melel te c'alal ma to sna' yalel: “Tat, me'”, te xie, te Damasco soc Samaria ya me yich' pojbeyel loq'uel sc'ulejalic, ya me x'ich'ot bael ta stojol te muc' ajwalil ta Asiria —xi'.

Isaías 8:6

—Ta scaj nax xiwel yu'un te Rezín soc te snich'an Remalías, te lum ya yilay te ja' te ay ta Siloé, te lamal nax ya x'oquine.

Lamentaciones 3:26

Ja' lec ch'abalucotic ta smaliyel te ya scoltayotic te Cajwaltique.

Amós 4:11

—La jlajinex jich bit'il la jlajin Sodoma soc Gomorra; jich jilat te bit'il xutumte' loq'uesbil tel ta c'ajc'. Ja'uc me to, ma la asujt'es awo'tanic ta jtojol yu'un —xi' ta tulan te Cajwaltique.

Habacuc 2:3

Manchuc me ma to xc'ot sc'aalelal te ya xc'ot ta pasele, ma me yu'unuc ma xc'ot ta pasel. Ya me amaliy, manchuc me ya xjalaj yilel te jich ya xc'ot ta pasele.

Zacarías 3:2

Te ch'ul abat yu'un te Cajwaltique, jich la yalbey te Satanás: —Ac'a scomat te Cajwaltique. Te Cajwaltic te c'ux ta yo'tan Jerusalén, ac'a scomat stuquel. Melel te winic pajal soc jch'ix xutumte' yac ta tilel, te la yich' loq'uesel tel ta yolil te c'ajq'ue —xi'.

San Mateo 10:28

Ma me x'axi'ic te mach'atic ya smilbeyex abaq'uetalique, ja'uc me to, ma xju' yu'un ya smilbeyex stuquel te ach'ulelique. Ja' me x'axi'ic te Mach'a ya xju' yu'un ya yaq'uex ta lajel soc abaq'uetalic soc ach'ulelic ta bay infierno.

San Mateo 24:6

Soc ya me awaiyic stojol te ay guerra lum to soc te ay guerra ta c'ubule, ja'uc me to, ma me xnijc' awo'tanic yu'un. Melel puersa me jich ya xc'ot ta pasel, ja'uc me to, ma to ja'uc te slajibal c'aale.

Deuteronomio 20:3

jich me ya yal: “Aiya awaiyic, israeletic, yo'tic ya xloq'uex bael ta spasel guerra soc te acontroique. Ma me xpejc'aj awo'tanic, soc ma me xiwex, ma me xnijq'uex yu'un xiwel,

1 Samuel 17:32

Te David jich c'o yalbey: —Ya sc'an te ma'yuc mach'a ya smel yo'tan ta swenta te filisteo. Jo'on te awabaton ya me xba jtsac jba soc —xi'.