Isaías 4:3 - Bible in Tzeltal de Oxchuc y Tenejapa

³ Ja' te mach'atic cuxul ya xjilic ta lum Sión, ja' te mach'atic ayic to xan ta lum Jerusalén, te ya yich'ic xan permiso te ya x'ainic tey a, “Ch'ultesbilic yu'un te Cajwaltique”, xi' me sc'oplalic.

Bible in Tzeltal Bachajón

³ Te mach'atic cuxul ya xhilic ta Sión, te mach'atic hilemic ta Jerusalén, ch'uhltesbilic, xchi sbihilic ya xc'oht, spisil te mach'atic ts'ihbabil hilel sbihilic ta yohlil te mach'atic cuxulic ta Jerusalén,

Isaías 4:3 ပူးပေါင်းရင်းမြစ်များ

Salmos 69:28

Tup'beya sbiilic ta slibroil cuxlejal; ma me xawaq'uic ta slistaul te mach'atic toj yo'tanique.

Salmos 87:6

Te Cajwaltic ya sts'ibuy ta libro te banti ay sbiilic te lumetique: “Tey ayinemic a”, xi' me.

Isaías 1:27

Te toj-o'tanil cu'une ja' ya caiy coltaywanej a; ya cac' ta libre a te yajwal lum Sión te ya sujt'ic xan ta jtojole.

Isaías 28:5

Te bi c'aalil ya cale, te Cajwaltic te Spisil ya xju' yu'un, jich me c'oem te bit'il corona te ay yutsilal stuquele, xch'alil te mero muc' yutsilal yu'un te mach'atic jilemic xan te lum yu'une.

Isaías 35:8

Soc ay me pamanbil be tey a, “Ch'ul be”, xi' me te sbiile. Te mach'atic ma ba pocbil yo'tanique, ma xju' ya xc'axic tey a; te mach'atic bol yo'tanique, ma xbeenic tey a.

Isaías 46:3

Te Cajwaltic ya yal: —Aiybon awaiyic stojol, ja'ex sts'umbalex Jacob, apisilic te cuxulex xan te israelexe: Jo'on jcuchojex te c'alal ma to x'ayinex ae; la jpetex bael ta jc'ab.

Isaías 52:1

Wic'a asit, ja'at Sión, wic'a asit, chajbana aba soc awip; ja'at ch'ul lum, Jerusalén, lapa ac'u' te mero c'ax jelawen yutsile. Melel te ants-winiquetic te ma pocbiluc yo'tanic, te ma'yuquic ta stojol te Diose, ma ba ya xcha'ochic xan bael ta awolil.

Isaías 6:13

Teme ay jtul ya xjil ta lajlajuneb te lume, ja' ni me jich ya yich'ic jinel. Jich bit'il ya yich' ts'etel jijte', ja' nax ya xjil te xchumante'al —xi'. (Ja'uc me to, ta xchumante'al, ya me xloc' tel xch'ul spul.)

Isaías 60:21

“Spisil te alumale lec me yo'tanic ya xc'ot; ja' me yajwalic sbajt'el q'uinal te alumale. Ja' spulic te te' te jo'onix la jts'un jtuquele; ja' te at'el la jpas soc te jc'abe, yu'un jich ya cac' ta ilel te cutsilale.

Isaías 62:12

Te mach'atic israeletic ya me x'albotic: “Ch'ul lum”, xi' me sc'oplal, soc: “Ja' te mach'atic ac'otic ta libre yu'un Cajwaltic”, xi' me sc'oplal. Soc ya me x'albot te Jerusalén: “Lum te Mulanbile”, xi' me sc'oplal, soc: “Te lum ma ba pijt'esbile”, xi' me sc'oplal.

Ezequiel 13:9

Ya me jtoy jc'ab, ya me cac'bey castigo te lotil j'alwanejetic, ja' te mach'atic ma'yuc bila ya cac'bey yilic, soc te slotic te bi ya yalbeyic sc'oplal te ya xc'ot ta pasele. Ma me xju' ya xbajt'ic ta tsoblej soc te lum Israel cu'une. Ma me ba ya yich' ts'ibuyel sbiilic ta lista yu'un israeletic, soc ma xju' ya x'ochic bael ta slum-sq'uinal Israel. Jich me ya ana'ic te jo'on te Ajwalilone’, xi' te Cajwaltic”, uta me —xi'.

Ezequiel 43:12

Ja' te mandalil yu'un templo: Ta spisil te q'uinal ay ta sjoyobal templo te ay ta ba witse, mero ch'ul awilal stuquel —xi' la caiy.

Joel 3:17

Jich ya yal te Cajwaltic: —Te ja'ex ya me ana'ic te Ajwalilon te Dioson awu'unique, nainemon ta Sión, ja' te ch'ul wits cu'une. Te Jerusalén ch'ul lum ya xc'ot; ma me ayuquix bi ora ya x'u'uninotix yu'un jyanlumetic.

Abdías 1:17

Yan te wits Sión, ja' ch'ul wits ya xc'ot, ay me ya xba scoltay sbaic tey a. Te sts'umbalic Jacob ya xcha'yich'ic xan te slum-sq'uinalique.

Zacarías 14:2

Te c'alal ya sta sc'aalelal te Cajwaltic ya me stsob spisil te nacionetic, swenta yu'un ya me yac'beyic guerra te Jerusalén. Ya me x'och ta swentaic te lum, ya me yich' pojbeyel sbiluc ta snaic, ya me yich' tsaquel ta uts'inel te antsetic yu'unic, soc ya me yich' chuquel bael olil te ants-winiquetic yu'un te lume. Ja' xanix te jayeb ya xjil, ya me x'ainic ta slumalic.

Malaquías 3:16

(Te mach'atic yich'ojic ta muc' te Diose la yalbey sbaic; te Cajwaltic la yaiybey stojol ta lec te bila la yalique. Jich yu'un ta stojol te Cajwaltic la yich' ts'ibuyel libro, yu'un ya yich' na'el a te mach'atic yich'ojic ta muc' te Cajwaltic soc te ya yich'ic ta wenta.)

San Lucas 10:20

Ja'uc me to, ma me ja'uc nax ay sbujts' awo'tanic yu'un te bit'il ya xch'uunbeyex amandalic te pucujetique. Ja'uc me ay bayal sbujts' awo'tanic yu'un te bit'il ts'ibubilix abiilic ta bay te ch'ulchane —xi' te Jesuse.

Hechos 13:48

Te c'alal la yaiyic stojol in to te jyanlumetique, bin nax yo'tanic yu'un soc jajch' yalic te bin nax yutsil sc'op te Cajwaltique. Spisil la xch'uunic te mach'a jayeb tsabilic yu'un te ya xcuxinic sbajt'el q'uinale.

Romanos 11:4

¿Bila la yal ta sujt'esel te Diose? “Ay to jucmil (7,000) ta jtul winiquetic te jilemic cu'un te ma ba slajinej sbaic ta stojol te Baale”, te xie.

Romanos 11:5

Ja' nanix jich ta ora to, ay to scomenal jilemic te israeletic te tsabilic ta swenta nax yutsil yo'tan te Diose.

Efesios 1:4

Namey tsabilotic yu'un Dios ta swenta Cristo te c'alal ma to chicanuc a te balumilale, swenta yu'un ya xch'ultesotic soc ma'yuc bila ts'ilajemotic yu'un a te ya jtejc'an jbatic ta stojole.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Colosenses 3:12

C'u'inaic me te yach'il cuxlejal te bit'il tsabilex yu'un te Diose, te ch'ultesbilex yu'un te Diose, soc te c'uxex ta yo'tane. Jich yu'un ac'aic me ta ilel te ya ana'ic c'uxtaywanej. Ayuc me yutsil awo'tanic. Peq'uel me xawac' abaic soc manso me xawac' abaic. Ac'a cujch'uc awu'unic teme ay bila ma lecuc ya awaiy ta awo'tanique.

Hebreos 12:14

Leaic me te lamaluc nax q'uinal awu'unic soc spisil te yantique. Ch'ultesbiluquex me, melel teme ma jichuque, ma'yuc mach'a ya xc'o yilbey sit te Cajwaltique.

1 Pedro 2:9

Yan te ja'exe, tsabilex yu'un Dios soc te lum yu'une. Sacerdoteex yu'un te Muc' Ajwalile. Ch'ul muc'ul lumex soc manbilex yu'un te Diose, swenta yu'un ya me apuquic ta alel te jchajp at'eliletic spasoj te Diose te bit'il la yiq'uex loq'uel tel ta bay te ijc' q'uinale soc te la yiq'uex ochel ta bay te saquil q'uinal te jelawen yutsile.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Apocalipsis 17:8

Te muc'ul chambalam te xi'bantic sba te la awile, ja' seña te mach'a ay ta neelale te ma ba chican ta ora to soc te ya to xmo loq'uel tel ta bay te xaabe. Patil ya me xbajt' ta lajel ta jc'axel. Te mach'atic cuxajtic ta balumilal te ma nacaluc sbiilic ta lista swenta cuxinel c'alal to ta xjajch'ibal te balumilale, cham nax me ya yaiyic te c'alal ya yilic te muc'ul chambalam te xi'bantic sba te ay ta neelal te ma ba chican ta ora to soc te ya to xchicnaj xane.

Apocalipsis 20:15

Soc la yich' ch'ojel ochel ta bay muc' pamal c'ajc' spisilic te mach'atic ma ba ts'ibubil sbiilic ta bay lista yu'un te cuxinele.

Apocalipsis 21:27

Ja'uc me to, ma xju' ya x'och xujt'uc tey a te bila ma lecuque, soc ma xju' ya x'och te mach'a ilaybil sba te bila ya spase, soc te mach'a ya spas lote. Ja' nax ya x'och tey a te mach'atic ts'ibubil sbiilic ta bay te lista yu'un cuxinel te yich'oj te Alalchije.

Apocalipsis 3:5

Te mach'atic ya xju' yu'unic tsalawe, ya me x'ac'bot slapic saquil sc'u'-spaq'uic, soc ma ba ya jtup'bey sbiilic ta bay te libro swenta cuxinele. Soc ya me calbey ta jamal sbiilic ta stojol te Jtate soc ta stojol uuc te ch'ul abatetic yu'une.