Génesis 9:4 - Bible in Tzeltal de Oxchuc y Tenejapa

⁴ Ja'uc me to, ay bi ma xju' ya awe'elinic, ja' te ti'bal te yich'oj to te xch'ich'ele, ma me xati'. Melel ja' xcuxlejal.

Bible in Tzeltal Bachajón

⁴ Yan te ti'bal te yich'oj to sch'ich'el, te ha scuxlejal, ma me xawe'ic stuquel,

Génesis 9:4 ပူးပေါင်းရင်းမြစ်များ

Ezequiel 33:25

Ja' yu'un jich xawalbeyic: “Jich ya yal te Cajwaltique: ‘Te ja'exe ya ati'ic ti'bal soc xch'ich'el, soc ya ach'uunic loc'ombaetic cuybilic ta Dios, soc ya awaiyic milaw. Jich ayex, pero acuyojic te ya awu'uninic te lumq'uinale.

Levítico 19:26

“Ma me xati'ic te bila ay to xch'ich'ele. “Ma me xacuy aba te ay bila ya ana' syoljoltayel, ma me xacuy aba te ya xju' awu'un sna'el te bila ya to xc'ot ta pasele.

Levítico 3:17

“Ja' in mandalil to, ma me ayuc bi ora ya xlaj sc'oplal, melel ya me sc'an te ya yaiyic te me'il-tatiletic, soc ya me yalbeyic uuc te yal-snich'nabique. Ta bayuc nainemex, ma me ayuc bi ora te ya alo'beyic te xepuil chambalam soc ma me xalo'beyic te xch'ich'ele.” Jich me ya awal ta stojolic —xi' te Cajwaltique.

Levítico 7:26

“Ta bayuc ya xnainex, jc'axel ma xju' ya alo'beyic xch'ich'el mutetic soc yantic chambalametic.

Hechos 15:20

Ja' nax ac'a jts'ibubeytic sjunic te ya calbeytic te ma me swe'elinic te we'elil te ma lecuc sc'oplal te ac'bil ta jmajt'anil ta stojol te loc'ombaetique, soc te ma me xyalic ta mulil, soc te ma sti'beyic sti'balul ta bay ts'otbil nax snuc' te yich'oj milele, soc te ma stuuntesic te ch'ich'e.

Hechos 15:25

Jich yu'un la jpastic acuerdo te ya jtsatic quermanotactic ta coliltic te ya xtal yilexe soc ja' pajal ya xtal soc te quermanotic Bernabé soc Pablo te bayal c'ux ta co'tantique,

Hechos 15:29

Ja' in to: Ma me x'ati'ic ti'bal te yich'oj milel smajt'anin te loc'ombaetique, soc ma me x'ati'beyic sti'balul te bay ts'otbil nax snuc' yich'oj milele, soc ma me xatuuntesic te ch'ich'e, soc ma me xyalex ta mulil. Teme ya ach'uunic in mandal to, lec me ayex abi. Ja' nax abi, quermanotac”, xi' te scartaique.

Deuteronomio 12:16

Ma me xju' ya alo'beyic te xch'ich'ele, mala ta lum jichuc ja' stuquel.

Deuteronomio 12:23

Ma me xju' ya alo'beyic stuquel te xch'ich'ele, melel ja' xcuxlejal. Ja' yu'un ma ba lec teme ya alo'bey xch'ich'el, ja' nax me te sbaq'uetale.

Deuteronomio 14:21

“Ma me xati'ic te chambalam ya xlaj ta stuquel nax, melel te ja'exe, ch'ultesbilex yu'un te Cajwaltic te Dios cu'untique. Ya me xju' ya awac'bey te jyanlumetic nainemic ta alumalique, ya me xju' ya sti'ic stuquel. Soc ya xju' ya achonbeyic te jyanlumetic c'axel nax ayique. “Ma me xapayic ta ya'lel xchu' sme' te ch'in tentsune.

Deuteronomio 15:23

Ma me xju' ya alo'beyic te xch'ich'ele, malbeyaic ta lumq'uinal jichuc ja' stuquel.

1 Timoteo 4:4

Melel spisil bila spasoj te Diose lec stuquel. Jich ma sc'an teme ay bi ya jp'ajtique, melel ma'yuc bila ma lecuc ta tuuntesel. Ja' nax ya sc'an te ya calbeytic wocol Dios yu'un te ya jtuuntestique.

1 Samuel 14:32

Ja' yu'un jajch' stsaquic te bitic spojbeyejic te scontroique. La stsaquic chijetic, wacaxetic, bic'tal wacaxetic, la sbojbeyic snuc' ta ora, och sti'ic ti'bal soc xch'ich'el, spisil laj stuuntesic.