Génesis 9:3 - Bible in Tzeltal de Oxchuc y Tenejapa

³ Ja' me ya awe'elinic spisil bitic cuxajtic te ya xbeenique, ja' nix jich te boc-itaje. Spisil cac'ojbeyex awe'elinic.

Bible in Tzeltal Bachajón

³ Ya xhu' yac awe'ic spisil bintic cuxul soc te ya xbehenic, hich te bin ut'il te itaj soc te yaxal ha'mal. La jca'beyexix spisil.

Génesis 9:3 ပူးပေါင်းရင်းမြစ်များ

Génesis 9:2

Ya me xnijq'uic yu'un xiwel ta atojolic spisil chambalametic ayic ta q'uinal. Ac'bilex me ta ac'abic spisil mutetic ayic ta sjamalul ch'ulchan, soc spisil bitic cuxajtic ta balumilal, soc spisil chayetic ayic ta ja'.

Levítico 22:8

Ma me xju' ya sti'bey sbaq'uetal lajem chambalam, o chambalam te yich'oj milel yu'un jti'awal ja'mal chambalame, ma me lecuc sc'oplal ya xc'ot yu'un. Jo'on Ajwalilon.

Romanos 14:14

Te jo'one, jna'oj stojol ta swenta Cajwaltic Jesús, te ma'yuc we'elil te ya xju' ya xbolob jc'oplaltic ta stojol Dios yu'une. Yan teme ay mach'a jich c'oem ta yo'tan te ya xbolob sc'oplal yu'un te we'elile, yu'un nanix amen teme ya stuuntese.

Romanos 14:17

Melel te bit'il ay ta ajwalinel te Diose, ma ja'uc ta swenta jwe'el-cuch'eltic. Ja' nax ta swenta te bila toje, te lamal q'uinale soc te ay sbujts' co'tantic ta swenta te Ch'ul Espiritue.

Romanos 14:20

Ma me xajinbey yat'el Dios ta swenta te we'elile. Melel spisil ta jchajp te we'elile, lec sc'oplal. Ja'uc me to, ja' ma lecuc teme ya ayales ta mulil yantic ta swenta te bit'il ya xwe'e.

Romanos 14:3

Te mach'a spisil ya swe'eline, ma me slaban te mach'a ma spisiluc ya swe'eline. In te mach'a ma spisiluc ya swe'eline ma me slebey smul te mach'a spisil ya swe'eline, te melel pajal ic'bilic yu'un te Diose.

1 Corintios 10:23

Jich ay ta alel: “Libre ay yu'un spasel te bila ya sc'ane”, te xie. Melel nix a. Ja'uc me to, ma spisiluc lec ta pasel. Jich, libre ay yu'un spasel te bitic ya sc'ane. Ja'uc me to, ma xmuc'ubic ta stojol Dios yu'un.

1 Corintios 10:31

Jich yu'un ya calbeyex: Spisil te bila ya atuuntesic, soc te bila ya awuch'ique, soc spisil te bila ya apasique, ja'uc me lec sc'oplal ya xc'ot awu'unic a te Diose.

Deuteronomio 12:15

“Ya me xju' ya ati'ic ti'bal ta alumalic ta biluc nax ora, chican te bitic bendición yac'ojbeyex te Cajwaltic te Dios cu'untique. Apisilic ya me xju' ya ati'ic te chambalame, manchuc me lec ac'oplalic o ma ba lec ac'oplalic ta stojol te Cajwaltique, jich bit'il ya yich' ti'el te gacela-chij o te muc'ul chije.

Colosenses 2:16

Jich yu'un, ma me ayuc mach'a ya yich'ex ta c'op yu'un te bila ya awe'elinic soc te bila ya awuch'ique, soc te bit'il ay sc'oplal te sc'aalelal te q'uinetique, soc yuninal te ue, soc te sc'aalelal cux-o'tane.