Génesis 8:1 - Bible in Tzeltal de Oxchuc y Tenejapa

¹ Te Diose la sna' te Noé, soc spisil chambalametic, soc spisil bitic cuxajtic sjoinej ta barco. Jich te Diose la yac' taluc ic' ta balumilal, jich ts'uj coel te ja'e.

Bible in Tzeltal Bachajón

¹ Te Dios la sna' te Noé soc spisil chambahlametic, spisil bintic cuxajtic te sjoquinejic ta barco. Dios la yac' taluc ic' ta bahlumilal, hich ts'uj cohel te ha'e.

Génesis 8:1 ပူးပေါင်းရင်းမြစ်များ

Génesis 19:29

Jich te Dios la yac' lajuc te lumetic ta spamlej. Ja'uc me to, na'ot yu'un Dios te Abraham, jich yu'un la sticun loq'uel te Lot c'alal la slajin te lumetic ta bay naineme.

Génesis 30:22

Yan te Raquel na'ot yu'un uuc te Diose, aiybot sc'op yu'un, jich ac'bot yic' yal.

Génesis 9:10

soc spisil chambalametic te ajoinej te loq'uic ta barco: ja' te mutetic, te alaq'uil chambalametic, soc te yantic chambalametic ta balumilale.

Nehemías 13:14

Ya cal ta stojol Dios: —Dios cu'un, ich'bon me ta wenta te bila yacon ta spasel in to. Ma me xch'ay ta awo'tan te bitic lec la jpas ta swenta te templo awu'une, soc te abatinel ta atojole —xoon.

Nehemías 13:22

Patil la calbey mandal te levitaetic te ya slecubtes sbaic ta stojol Dios, soc te ya xba scanantayic te yochibal lum, swenta yu'un jich ma xbolob sc'oplal a te sc'aalelal cux-o'tane. Ya cal ta stojol Dios: —Dios cu'un, na'awon yu'un te bila la jpase, na'bon me yo'bolil jba ta swenta te yutsil awo'tane —xoon.

Nehemías 13:29

Ya cal ta stojol Dios: —Dios cu'un, na'a me te mach'a la yixlanix te sacerdoteile soc te c'op chapal swenta sacerdote-winic soc te levita-winique —xoon.

Nehemías 13:31

Soc la jchajban te ya me xtal spisil ora te si' swenta smajt'an Dios, soc te bi ajtalil albil ya xc'ote. Soc la jchajban te ya yaq'uic jujun ja'wil te sba sit yawal-sts'unubique. —Dios cu'un na'awon me, ich'bon me ta wenta yu'un cutsilal —xoon ta stojol Dios yu'un.

Job 12:15

Teme ya scom te ja'ale, spisil ya xtaquej te bitic aye; teme ya yal mandal ya xtal bayale, ya xnoj ta ja' te lumq'uinale.

Job 14:13

“Ayuc bit'il ya anac'on bael ta yawil te lajele, te ja' to ya ana'on a te c'alal lamajix a te awilimba, yacuc awajtaybey sc'aalelal te bi ora ya ana'on xane.

Salmos 105:42

Melel tal ta yo'tan te xch'ul-c'op jc'axel yaloj soc te yabate, ja' te Abraham.

Salmos 106:4

Cajwal, na'awon te c'alal ya xtal apasbey bila lec te lum awu'une; ayucon me ta awo'tan te c'alal ya xtalat ta scoltayel,

Salmos 115:12

Te Cajwaltic ayotic ta yo'tan, ya yac'botic bendición. Ya me yac'bey bendición te lum Israel; ya me yac'bey bendición te sacerdoteetic;

Salmos 132:1

Cajwal, ja'at te Yipat yo'tan Jacob, na'a me te David, soc te swocol c'ax yu'une; na'a me te bila mero jc'axel yalojbat ta atojol:

Salmos 136:23

Ja' te ya sna'otic te c'alal ayotic ta wocol, sbajt'el q'uinal ay te xc'uxul yo'tane.

Salmos 137:7

Cajwal, na'a me te edometic; melel te c'alal och ta jinel Jerusalén, jich la yalic: “¡Jinaic, jc'axel jinaic c'alal ta yiptajib!” xiic.

Salmos 29:10

Te Cajwaltic ja' smandal te ya xtal ja'al; te Cajwaltic ja' ya xmandalaj, melel Ajwalil sbajt'el q'uinal stuquel.

Salmos 36:6

Te stojil awo'tan jich c'oem stoylejal te bit'il muc'ul witstiquile; te c'opetic te achapoj ta awo'tan jich c'oemic te bit'il muc'ul mar te c'ax najt' coel te sna'bilale. Te ja'at, Cajwal, ya acanantay te ants-winiquetic soc te chambalametique.

Éxodo 14:21

Te Moisés la stoy te sc'ab ta stojol mar, jich yu'un te Cajwaltic la yac' tel tulan ic' ta sloq'uib c'aal ta sjunal ajc'ubal. La sq'uep sba te mare, cha'q'uejp la yac' sba te ja'e. Te slumile mero taquin a jil.

Éxodo 15:10

Ja'uc me to, la ajujch'iy te mar, jich bic'otic yu'un; mulic coel ta ja' jichuc plomo, ta swenta yip te ja'e.

Éxodo 2:24

Te Dios la yaiybey te sc'opique, jich la sna' xan te ay trato spasoj soc Abraham, Isaac soc Jacob.

Proverbios 25:23

Teme ya xtal ta norte te iq'ue, jich ya xtal te ja'ale; ja' nix jich te bol c'opetic ya xloc' ta quejtic, ya xchicnaj ta quelawtic.

Isaías 44:27

Jo'on ya xju' ya cal mandal te ya xtaquej te mar, soc te beja'etic yu'un, mero ma'yuc ya'lel ya xjil.

Jeremías 50:38

Ay me guerra ta stojol te ja'etique, ac'a taquinajuc. Melel te Babilonia, ja' te jpam lum soc yajcanan te xiweltic sba soque, scaj te yajcananic te ch'ayemix ta q'uinal yu'une.

Amós 8:7

La yal ta jamal te Cajwaltic, la sta ta alel a te bila stoyoj sba yu'un te sts'umbal Jacob: —Mero ma xch'ay ta co'tan te bila spasojique —xi'.

Jonás 4:11

¿Ja'uc to balix a jiche te muc'ul lum Nínive te banti ay c'axem ta wacwinic ta jmil (120,000) alaletic te ma to sna'ic q'uinale, soc bayal chambalametic tey ae? ¿Ma bal yacuc jna'bey yo'bolil sbaic jiche? —xi' sc'oplal yu'un Dios te Jonase.

Nahúm 1:4

Ya scom te mar, soc ya staquintes; ya me staquintes spisil te muc'ja'etique. Te spamlejetic yu'un Basán soc te wits Carmelo, ya sayubic, soc ya xlubaj te nichimetic ta Líbano.

Habacuc 3:2

—Te bila caiyojbat stojol ac'oplal, Cajwal, soc spisil te bitic apasoje, ya snojesbon co'tan ta awich'el ta muc'. Pasbotic quiltic yo'tic te smuc'ul awat'el la apas ta namey tel te bit'il cuxulotic ta ora to, swenta yu'un ya me jna'tic te jo'otique. Jich me ya awac'botic quiltic te c'uxbajemotic ta awo'tan, manchuc me ilinemat.

Zacarías 10:11

C'alal ya xc'axic ta mar yu'un woclajel, ya me jlajinbey yip te mar. Ya me jtaquintes c'alal sc'ubulil te muc'ja' Nilo. Ya me jlajinbey stoybail te Asiria; soc ya me jlajinbey yip te Egipto.

Números 10:9

“C'alal ya yac'beyex guerra te acontroic ta aq'uinalic, ya me xloq'uex ta yac'beyel guerra; oq'uesinaic te oq'uesetic, awunanic ta lec. Jich yu'un te Ajwalilon te Dioson awu'unic ya me jna'ex soc ya jcoltayex ta sc'ab te acontroique.

Números 22:32

Ja'uc me to, te ch'ul abat yu'un te Cajwaltic jich la yal: —¿Bistuc la amaj oxeb buelta te aburrae? Jo'on te tal jmacat ta be, melel te yacat ta baele, ma jmulan.

Apocalipsis 16:19

Oxchajp loc' a te muc'ul lume, soc wuy coel ta spisil te muc'ul lumetic te ayic ta jujun nacione. Te muc'ul lum Babilonia sbiile, ma ba ch'ay ta yo'tan Dios te puersa la yac'bey yuch' te vino ja' te tulan yilimba te Diose.

Apocalipsis 18:5

Yu'un c'otix c'alal ta ch'ulchan te smulique. Te Diose yiloj spisil te bila amen la spase.

1 Samuel 1:19

Ta buen sab ta xchebal c'aal, c'alal laj yo'tanic ta yalel wocol ta stojol Cajwaltic, sujt'ic bael ta snaic ta Ramá. Te Elcana la sta sba soc te yiname, ja' te Ana. Jich ora na'ot yu'un te Cajwaltic, tey c'ot ta pasel a te bi la sc'anbeye.