Génesis 7:8 - Bible in Tzeltal de Oxchuc y Tenejapa

⁸ Te chambalametic te lec sc'oplal soc te chambalametic te ma lecuc sc'oplale, soc mutetic, soc spisil bitic staslajan ya xbeen ta lumq'uinal

Bible in Tzeltal Bachajón

⁸ Te chambahlametic te lec sc'oblalic soc te chambahlametic te ma lecuc sc'oblalic, te mutetic soc spisil bintic staslajan ya xbehen ta lumq'uinal,

Génesis 7:8 ပူးပေါင်းရင်းမြစ်များ

Génesis 6:19

Spisil bitic cuxajtic, che'cheb me ya awic' ochel ta barco juju-jchajp, stat soc sme', swenta yu'un pajal ya xcuxinat soc.

Génesis 6:20

Ta spisil ta jchajp mutetic, soc ta spisil ta jchajp alaq'uil chambalametic, soc ta spisil ta jchajp chanetic ta q'uinal, cha'cha'cojt' juju-jchajp ya awic' ochel, swenta yu'un jich me ya xcuxinic.

Génesis 7:14

Soc och spisil te ja'mal chambalametic soc alaq'uil chambalametic ta chajbalchajp, soc spisil chambalam te staslajan ya xbeen ta balumilal ta chajbalchajbe, soc spisil ta jchajp te mutetique.

Génesis 7:2

Te chambalametic lec sc'oplal, ya me awic' ochel juqueb ta jcojt' stat soc juqueb ta jcojt' sme' ta juju-jchajp. Yan te chambalam te ma lecuc sc'oplale, ya me awic' ochel ta juju-jchajp, jcojt' stat soc jcojt' sme'.

Génesis 7:3

Ja' nix jich te ja'mal mutetique, juqueb ta jcojt' stat soc juqueb ta jcojt' sme' ta juju-jchajp, swenta yu'un jich me ma xtup' sts'umbal ta spamal balumilal.

Génesis 7:9

ochic ta barco soc te Noé, jcojt' stat soc jcojt' sme' te juju-jchajp, jich bit'il pasot ta mandal yu'un te Diose.

Hechos 10:12

Ta bay yutil te paq'ue, la yil tey a spisil ta jchajp chambalametic soc chanetic soc mutetic.