Génesis 7:7 - Bible in Tzeltal de Oxchuc y Tenejapa

⁷ Och ta barco te Noé soc snich'nab soc yinam soc yinamic te snich'nabe, scaj te pulemale.

Bible in Tzeltal Bachajón

⁷ Ta scaj te puhlel och ta barco te Noé soc snich'nab, te yihnam soc yihnam te snich'nabe.

Génesis 7:7 ပူးပေါင်းရင်းမြစ်များ

Génesis 6:18

Yan te ja'ate jc'axel me ya xc'ot ta awenta te trato cu'une, soc ya me x'ochat ta barco, soc anich'nab soc awinam, soc yinamic te anich'nabe.

Génesis 7:1

Te Cajwaltic la yalbey te Noé: —Ochan ta barco soc spisil mach'a ay awu'un, melel ta spisil te mach'atic ay ta q'uinal, ja'at nax atuquel te ya apasbon sc'anjel co'tan ya quile.

Proverbios 22:3

Te mach'a p'ij yo'tan ya yil te bila chujc'ule, jich ma xyac' sba a; yan te mach'a ma p'ijuc yo'tane, ya xc'ax bael ta ora, jich ya xc'ax swocol yu'un te bila ma lecuc ya stae.

San Mateo 24:38

Melel te c'alal ma to xtal a te pulemale, jun nax yo'tanic yacalic ta we'el ta uch'bajel a, soc yacalic ta nujbinel a, soc yacalic ta yaq'uel nujbinel a, ja' to te c'alal och ta barco te Noeje.

San Lucas 17:27

Yacalic ta we'el-uch'ajel, soc yacalic ta nujbinel, soc yacalic ta ch'omtayel, ja' to te bi c'aalil och ta barco te Noeje. Tal te pulemale. Jich lajic ta spisilic.

Hebreos 11:7

Ta swenta xch'uunjel yo'tan te Noé, ac'bot sna' yu'un te Dios te ya xc'ot ta pasel te bila ma to chicanuque. Jich jun yo'tan la xch'uun spasel barco te banti col soc sjunal sna. Jich yu'un ta swenta xch'uunjel yo'tan, la yac'bey ta ilel smulic te mach'atic ayic ta balumilale. Yan te Noé ta swenta nax xch'uunjel yo'tan te toj ilot yu'un te Diose.

Hebreos 6:18

Jich ay cheb te bila ma xch'ay sc'oplal, te melel ma xju' ya spas lot stuquel te Diose. Jich ay yip co'tantic te jayebotic te la jtatiquix coltayel yu'un te Diose soc te jun co'tantic yacotic ta smaliyel te bila yaloje.

1 Pedro 3:20

Ja' xch'ulelic te mach'atic ma la xch'uunic mandal ta namey te c'alal ay ta q'uinal a te Noé. Dios ts'icbotic yu'un, ja' to c'alal ju' ta pasel te barco ta bay ma tsoboluc te colique. Waxactul nax te la yich' coltayel te ma ba lajic yu'un te ja'e.

2 Pedro 2:5

Ja' nanix jich uuc te namey q'uinal ants-winiquetic ta balumilale, ma ba pasbotic perdón yu'un te Diose. La yac' taluc pulemal ta stojolic te bit'il ma ba ich'ot ta muc' yu'unic la yile. Ja' nax la yich' coltayel te Noé, te la yat'elin xcholel te lequil cuxlejal ta q'uinale, soc te juctul xane.