Génesis 6:2 - Bible in Tzeltal de Oxchuc y Tenejapa

² te mach'atic yal-snich'an Dios la stsaic ta bay buen t'ujbilic te yantsil-nich'nab te ants-winiquetique, jich la yic' yinaminic te bay la smulanique.

Bible in Tzeltal Bachajón

² te yal-snich'nab Dios la yilic te buen t'ujbilic te yantsil-nich'nab ants-winiquetic, hich la yic' yihnaminic te banti la smulanique.

Génesis 6:2 ပူးပေါင်းရင်းမြစ်များ

Génesis 12:11

C'alal nopol ya xc'ot ta Egipto, la yalbey te Sarai, ja' te yiname: —Aiya awaiy, jna'oj stojol te bit'il buen t'ujbil antsat.

Génesis 24:3

ya me awalbon ta stojol te Cajwaltic, te Dios yu'un ch'ulchan soc balumilal, te bit'il ma ba tey ya alebon yinam jnich'an te bay yantsil-nich'anic te cananeoetic te ayon ta yolilique.

Génesis 26:35

Te Isaac soc Rebeca bayal ac'botic mel-o'tan yu'un.

Génesis 27:46

Te Rebeca la yalbey te Isaac: —Ma smulan co'tan te antsetic sts'umbal Het te yic'oj te Esaú. Teme ja' nix ya xba yic' yinamin Jacob te sts'umbal Het, jich bit'il te cheb calibtique, ja' me lec te manchuc cuxulucon to abi —xi'.

Génesis 3:6

La yil te ants te bit'il t'ujbil soc lec ta lo'el sit te te'e, soc la yil te lec ta tuuntesel te bit'il ya yac' p'ijil-o'tanil teme ay mach'a ya slo'e. Jich yu'un la sc'oc slo', soc la yac'bey slo' uuc te smamlale.

Génesis 4:26

Ayin snich'an te Set, Enós sbiil c'ot. Ja' yorail te caj yalbeyic wocol ta stojol Cajwaltic te ants-winiquetique.

Génesis 6:1

C'alal caj esmajuc ants-winiquetic ta balumilal, soc te c'alal ayin yantsil-nich'nabic,

Génesis 6:3

La yal te Cajwaltique: “Ma xcac' te ya xcuxinic sbajt'el q'uinal te ants-winiquetique, te melel baq'uet nax, wacwinic (120) ya'wilal ya xc'ot yorail juju-jtul”, xi' sc'oplalic yu'un.

2 Samuel 11:2

Ta jun mal c'aalil jajch' ta swayib te David, och ta comcom beel ta yamaq'uil sba na. Tey la sta ta ilel jtul buen t'ujbil ants a, yac ta atimal. Lajel to xchajbanbel sba ta stojol Dios yu'un te xchamel swenta jujun u. Te David la sticun ta jojc'oyel te mach'a a te antse. Albot yaiy te Betsabé sbiil te antse, yantsil-nich'an Eliam, yinam Urías, ja' te hitita-winique. Te David la sticun abatetic yu'un ya x'ic'bot tel, way soc, patil sujt' bael ta sna.

Esdras 9:12

Soc la awalbotic te ma xju' ya jnujbin cantsil-nich'nabtic soc squerem-nich'nabic, soc ma xju' ya xnujbin jquerem-nich'nabtic soc yantsil-nich'nabic uuc. Soc la awalbotic te ma me ayuc bi ora ya xbajt' co'tantic ta slamantesel q'uinal ta stojolic, ni slebeyel yutsilalic te ants-winiquetic in to, swenta yu'un jich mero ya me jcanantay jbajtic a soc mero tulan ya x'ainotic a, soc ya me jwe'beytic te bitic lec ta q'uinale, soc ya me cac'beytic jilel yu'unin te jts'umbaltic ta sbajt'el q'uinale.

Job 1:6

Ay jun c'aal te la sta yorail te ba stejc'an sbaic ta stojol Cajwaltic spisilic te abatetic yu'un te ayic ta ch'ulchane. Tey c'ot uuc a te Satanase.

Job 31:1

“Te jo'on jpasoj trato te jc'axel ma xbic'taj co'tan yu'un te ach'ixetique.

Éxodo 34:16

Soc repente ya yac'beyex yantsil-nich'nabic te ya yic' sbaic soc te aquerem-nich'nabique. Jich yu'un, te c'alal ya xba yaiyic mulwej ta xch'uunel te diosetic yu'unic te yinamique, tey me ya yac' sbaic ta pejc'anel uuc te anich'nabique.

Isaías 63:16

Ja' tatilat cu'untic. Manchuc me ma sna' jbatic stuquel te Abraham, ni Israel ma sna'otic te jo'otique; ja'uc me to, ja'at Cajwal, tatilat atuquel; ja'at nix J'ac'wanejat ta libre cu'untic a.

Malaquías 2:11

Ma junuc yo'tan ta stojol Dios te Judae; yac ta spasel te bila mero c'ax amen ta jyalel ta lum Jerusalén soc ta spamal sq'uinal Israel. Te Judae la sboltesbey yutsilal te templo smulanej te Cajwaltic, melel te winiquetic ta Judá la yinaminic te antsetic te ya squejan sbaic ta xch'uunel te lotil diosetique.

Malaquías 2:15

¿Yu'un bal ma junuc nax Dios la spasbey sbaq'uetal soc xch'ulel? Te bi ya sc'an te Diose, ja' ya sc'an te sts'umbal te ch'ultesbile. Canantaya abaic ta lec soc awo'tanic, swenta yu'un ma me ayuc ya xch'ay te ac'op la awal ta jamal ta stojol te awinam la ata c'alal queremat to a.

1 Corintios 7:39

Te ants te nujbineme, jun c'oem soc smamlal te jayeb c'aal cuxul te winique. Yan teme laj te smamlale, libre c'otix te ants te ya xnujbin soc yan. Chican te mach'a ya sc'ane, ja' nax teme ja' ta swenta te Cajwaltique.

2 Corintios 6:18

Jo'on me Atatonic ya xc'oon, te ja'exe cal-jnich'nab ya xc'oex, xi' te Cajwaltic te Spisil ya xju' yu'une”, te xie.

Deuteronomio 14:1

“Te ja'exe, te yal-snich'nabex te Cajwaltic te Dios cu'untique, ma me xawejch'entes abaq'uetalic, soc ma me xajox stsotsil ajolic ta ati'baic ta stojol teme ay mach'a ya xlaje.

2 Pedro 2:14

Spisil ora ya sleic ta sitic ants te ya spasic mulwej soque. Xujt' ma scom sbaic ta sleel te smulique. Ya slo'laybeyic yo'tan te mach'atic ma'yuc yip yo'tanique. Ay sp'ijilic ta stsobel te taq'uine. Jc'axel u'uninbilic yu'un te ch'ayele.

1 Juan 2:16

Melel ta spisil te bitic ay ta balumilale, ja' te bitic ya sc'an te jbaq'uetaltique, soc te bila ya smulan yilel te jsitique, soc te toybail ta cuxinele, ma ja'uc yac'oj te Tatile. Spisil in to, ja' yac'oj te balumilale.