Génesis 5:5 - Bible in Tzeltal de Oxchuc y Tenejapa

⁵ Ta spisil lajuneb sjucwinic yoxbajc' (930) ja'wil cuxin te Adán, laj bael.

Bible in Tzeltal Bachajón

⁵ Te c'alal ayix lajuneb shucwinic yoxbahc' (930) ya'bilal a te Adán, cham.

Génesis 5:5 ပူးပေါင်းရင်းမြစ်များ

Génesis 5:11

Ta spisil jo'eb swacwinic yoxbajc' (905) ja'wil cuxin te Enós, laj bael.

Génesis 5:8

Ta spisil lajchayeb swacwinic yoxbajc' (912) ja'wil cuxin te Set, laj bael.

2 Samuel 14:14

Jna'ojtic te jpisiltic ya xlajotic, jichotic te bit'il ja' te ya xmal ta lum, ma spasix ta tsobel. Pero te Diose ma'yuc mach'a ya slajinbey xcuxlejal, ya slebey bi ya yut ya yac' sujt'uc tel ta stojol, swenta yu'un te mach'a ch'ayem baele ma ba spisil ora c'ubul ay ta stojol a.

Génesis 3:19

Buen chic' ya x'ac'botat te bit'il ya ata awe'ele, ja' to te c'alal ya sujt'at ta lumq'uinal, melel ta ts'ubil lum pastajat, ja' nix jich ts'ubil lum ya sujt'at —xi' te Diose.

Hebreos 9:27

Jich bit'il jun nax buelta te ya xlajotique, soc patil ay ich'el ta c'op,

Ezequiel 18:4

Jo'on cu'un spisilic te ants-winiquetique, jich te me'il-tatiletic soc nix te alnich'anetique. Te mach'a ya sle smule, ya me xlaj.

Eclesiastés 12:7

Te c'alal ya xc'axe, te ts'ubil lume ya sujt' xan bael ta lum, jich nix te bit'il ay ta neelal to; te ch'ulelale ya sujt' xan bael ta stojol Dios, melel ja' nix la yac' a.

Eclesiastés 12:5

Ya me xiwat te ya xbeenat ta banti toyol, soc ay me xiwel ya awaiy te ya xbeenat ta bebetic. Ya me xjajch' ta sacubel te ajole. Ya xlaj yip te abaq'uetale, soc ma xtuun awu'un te poxile te ya yac' xan sbujts' q'uinal ya awaiy yu'une. Melel ya sta yorail te ya xbaat ta muquenal; ta calle ya me xchicnaj yoq'uel te mach'atic ya yoq'uetayate.

Eclesiastés 9:5

Yan te mach'atic cuxulique, ya sna'ic te puersa quechel ya xlajique. Pero te mach'atic lajemiquixe, ma'yuc bi sna'ojic, soc ni ayuc bila ya staic, melel jc'axel ch'aybiliquix ta o'tanil.

Salmos 90:10

Lajuneb xchanwinic (70) ja'wil te cuxlejale; te mach'atic ay yip sbaq'uetalic, ya xc'otic c'alal ta chanwinic (80) ja'wil. Pero te toybail yu'un te cuxlejal bayal c'aal, ja' nax ya yac' wocol soc ya yac' at'el. Te ja'wiletic ora ya xc'axic, ja' nix jich te jo'otique.

Salmos 89:48

Ma'yuc mach'a ya xcuxin te ma'yuc bi ora ya xlaje; ma'yuc mach'a ya xju' scoltaybel sba ta sc'ab te lajele.

Job 30:23

Ya jna'ix te ya ac'an ya awaq'uix lajucone, ja' te banti chapal sc'oplal ya xc'ot spisil te bitic cuxajtique.

Eclesiastés 9:8

Spisiluc me ora buen sac ac'u'-apac' ya alap, spisiluc me ora ya awac'bey perfume ajol.

Deuteronomio 30:20

C'ux me x'awaiyic te Cajwaltic Dios, ch'uunbeyaic sc'op, soc junuc me awo'tanic ta stojol, melel tey ay a te acuxlejalique, soc te ya xcuxinex bayal ja'wil tey ta lumq'uinal, te Cajwaltic jc'axel la yalbey te antiguo jts'umbaltic Abraham, Isaac soc Jacob —xi' te Moisese.

Génesis 5:4

Cha'bajc' (800) xan ja'wil cuxin te Adán te c'alal ayinemix a te Set, soc ay yantic snich'nab, queremetic soc ach'ixetic.

Génesis 5:6

Ay jo'eb swacwinic (105) ya'wilal te Set c'alal ayin snich'an, Enós sbiil c'ot yu'un.

1 Crónicas 1:1

Te sts'umbal bael Adán, ja' te Set, Enós,