Génesis 5:2 - Bible in Tzeltal de Oxchuc y Tenejapa

² Jtul winic soc jtul ants pastaj yu'un, soc la yac'bey bendición. C'alal pastajic, Dios la yal: “Ants-winic me ya xc'ot te sbiilique”, xi'.

Bible in Tzeltal Bachajón

² Winic soc ants la spas, soc la yac'ticlambe bendición. C'alal pasbilic yu'un la ya'be sbihilin ants-winic.

Génesis 5:2 ပူးပေါင်းရင်းမြစ်များ

Génesis 1:27

Jich pastaj yu'un Dios te winique, jich yilel te bit'il Diose, jtul winic soc jtul ants la spas.

Génesis 1:28

Dios la yac'bey bendición, jich la yalbey: —Esmajanic ta lec, nojesaic ta spamal te balumilale, tuuntesaic te q'uinale. Ja' me ya awentainic xchayul ja'etic soc te mutetique, soc spisil te chambalametic te ya xbeenic ta lumq'uinal —xi'.

Génesis 2:15

Te Cajwaltic Dios la yac' ainuc te winic ta yolil awalts'unubil te Edén sbiile, swenta yu'un ya me x'at'ej ta lumq'uinal, soc ya me scanantay.

Génesis 2:23

Jich la yal te Adán: “Ja' jbaquel soc ja' jbaq'uetal in to; ants sbiil ya xc'ot, melel chicnaj ta winic”, xi'.

Génesis 5:3

Ay lajuneb sjucwinic (130) ya'wilal a te Adán c'alal ayin te snich'ane, Set c'ot te sbiile, pajal yilel soc te state.

Malaquías 2:15

¿Yu'un bal ma junuc nax Dios la spasbey sbaq'uetal soc xch'ulel? Te bi ya sc'an te Diose, ja' ya sc'an te sts'umbal te ch'ultesbile. Canantaya abaic ta lec soc awo'tanic, swenta yu'un ma me ayuc ya xch'ay te ac'op la awal ta jamal ta stojol te awinam la ata c'alal queremat to a.

San Mateo 19:4

La yal te Jesuse: —¿Yu'un bal ma ba awilojic te bila ts'ibubil ta Sjun te Diose? Melel ta xjajch'ibal Dios la spas jtul winic soc jtul ants.

San Marcos 10:6

Ja'uc me to, ta xjajch'ibal c'alal Dios la spas spisil te bitic aye, la spas winic soc ants.

Hechos 17:26

“Ta swenta jtul nax winic, Dios la xchicnantes spisil ta jchajp ants-winiquetic, swenta yu'un ya x'ainic ta spamal te balumilale. Xjajch'ibal to chajbanbil yu'un Dios te yorailic ta cumulcum soc ta banti ay te smojonil sq'uinalique.