Génesis 48:5 - Bible in Tzeltal de Oxchuc y Tenejapa

⁵ Jich yu'un te cheb anich'nab, te Efraín soc Manasés, te ayinic ta Egipto te c'alal ma to xtalon ta Egipto, ja' me mero cu'un, jich bit'il cu'un te Rubén soc te Simeón, ja' nix jichic te cheb anich'nabe, cu'un me ta xchebalic.

Bible in Tzeltal Bachajón

⁵ Te cheb anich'nab, ha te Efraín soc Manasés te ayinic ta sq'uinal Egipto te c'alal ma to xtal joquinat a ta Egipto, ha cu'un ya xc'ohtic, hich te bin ut'il cu'unic te Rubén soc Simeón.

Génesis 48:5 ပူးပေါင်းရင်းမြစ်များ

Génesis 46:20

Te José ayin cheb snich'nab ta Egipto: Manasés soc Efraín, te yalatac Asenat, te yantsil-nich'an te sacerdote yu'un lotil dios ta lum On, Potifera sbiil.

Génesis 48:1

Ma ba bayalix c'aal te José albot yaiy te ay ta chamel te state. Jich ba yil soc la yic' bael te cheb snich'nabe, ja'ic te Manasés soc Efraín.

Génesis 48:6

Teme ay to ya x'ayinic xan anich'nab, ja' me awu'un ya xc'ot stuquel. Soc ta swenta bit'il yijts'nabic te Efraín soc te Manasés, ja' me ya sjoinic ta yich'el te jich yipal q'uinal ya xc'ot ta swentaic.

Salmos 77:16

Dios cu'un, c'alal la yilat te mar, jajch' ta xiwel yu'un, jajch' ta nijq'uel c'alal ta sc'ubulil.

Isaías 43:1

Ja'uc me to, ta ora yo'tic, Israel, te lumat yu'un Jacob, te Cajwaltic te la xchicnantesate, ya yalbat: —Ma xiwat, jo'on la cac'atix ta libre; jo'on la quic'at ta abiil, jich la cu'uninat.

Ezequiel 16:8

“Cha'c'axon xan ta ats'eel yan buelta. La quilat, ataojix amuc'ul, yorailix te ya xbaat ta ich'ele. La jlim bael ta atojol te jmuc'ul c'u'e, la jmucbat a te abaq'uetal t'anale. Soc tey ora la cal jba ta jamal ta atojol a, soc tey ora la jchap jc'optic swenta trato, jich la cu'uninat. Jo'on Ajwalilon te jich caloje.

Ezequiel 47:13

La yal te Cajwaltic: —Jo'on Ajwalilon te jich ya cale: Ja' sti'il te lumq'uinal ya yich'ic ac'beyel yu'uninic te lajchaychajp sts'umbal Israel. (Te José cha'sejp me ya xc'ot ta swenta stuquel.)

Levítico 20:26

Te ja'ex ya me sc'an te ch'ultesbilex ta jtojole, melel jo'on Ajwalilon ch'ul Dioson, yan me awilelic cu'un te bit'il yantic lumetique, swenta yu'un jo'on cu'unex.

Malaquías 3:17

Te Cajwaltic te Spisil ya xju' yu'un ya yal: —Yacon ta xchajbanel sc'aalelal te mero lum cu'un ya xc'ot. Jich te bit'il tatil te ya xjajch' sna'bey yo'bolil sba te snich'an ya yabatin, jich me ya xjajch' jna'bey yo'bolil sbaic te jo'one.

Números 1:10

“Ta swenta sts'umbal José: ja' te Elisama snich'an Amiud ta swenta sts'umbal Efraín; soc Gamaliel snich'an Pedasur ta swenta sts'umbal Manasés.

2 Corintios 6:18

Jo'on me Atatonic ya xc'oon, te ja'exe cal-jnich'nab ya xc'oex, xi' te Cajwaltic te Spisil ya xju' yu'une”, te xie.

Efesios 1:5

Ta swenta xc'uxul yo'tan, te xjajch'ibal to chapal yu'un Dios te ya yic' yal-snich'aninotic ta swenta te Jesucristoe. Bayal sbujts' yo'tan te la yic'otic ta swenta te sc'anjel yo'tane.

Hebreos 11:21

Ta swenta xch'uunjel yo'tan te Jacobe, te c'alal ya xlajix a, la yac'bey yich' bendición ta juju-jtul te snich'nab José, soc la snijan sba ta sjol snabate' ta sc'oponel te Diose.

Josué 13:7

Pucbeya sq'uinalic te balunchajp sts'umbal alumal soc te olil xan sts'umbal Manasés —xi' te Cajwaltique.

Josué 14:4

Melel te sts'umbal José cha'chajp loc' a, ja' te Manasés soc Efraín. Yan te sts'umbal levitaetic ma'yuc bay ac'bot sq'uinal stuquelic, ja' ac'bot lumetic ta bay ya xju' ya x'ainic, soc aquiltic ta sjoylejal juju-jpam lum, yu'un tey ya yac' a te swacaxic soc te xchijique.