Génesis 48:20 - Bible in Tzeltal de Oxchuc y Tenejapa

²⁰ Jich la sc'anbey bendición ta stojol te cheb queremetique: —Te lum Israel ya me xtuun yu'unic ta sc'anel bendición, te jich ya yalic: “Ac'a spasbat jich ta atojol te bit'il la spasbey Efraín soc Manasés”, xiic me ta yalel —xi' te mamale. Jich te Israel muc' la yac' te Efraín, peq'uel la yac' te Manasés.

Bible in Tzeltal Bachajón

²⁰ Ha nix yorahil a la ya'be bendición, hich la yal: Ta scuenta abihilic ac'a yac' bendición ta Israel, ac'a yalic: Dios ac'a spasbat ta atojol hich te bin ut'il Efraín soc Manasés, ac'a xchihuquic, xchi. Hich nahil la yac' te Efraín, patil te Manasés.

Génesis 48:20 ပူးပေါင်းရင်းမြစ်များ

Génesis 24:60

La sc'anbeyic bendición ta stojol Rebeca: —Ja'at quijts'in-ach'ixat, ja'ucat me sme'at tsobol ta jmil, ac'a yu'uninbeyic slumal yajcontro te ats'umbal baele —xiic.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 48:21

Soc la yalbey te José: —Ya xwayix jbaq'uetal; ja'uc me to, ja' me ya sjoinex te Diose, soc ya me yiq'uex sujt'el ta bay slumal te ame'-atatique.

Números 13:11

Gadi, te snich'an Susi, te sts'umbal José (ja' te sts'umbal Manasés);

Números 13:16

Ja' sbiilic te winiquetic te la sticun bael Moisés ta stsajtayel te q'uinale. Te Oseas, te snich'an Nun la sjelbey sbiil, Josué c'ot yu'un.

Números 13:8

Oseas, snich'an Nun, te sts'umbal Efraín;

Números 7:48

Ta sjuquebal c'aal la yich' tel majt'anil Elisama te snich'an Amiud, jtsobwanej yu'un sts'umbal Efraín.

Números 7:54

Ta swaxaquebal c'aal la yich' tel majt'anil Gamaliel te snich'an Pedasur, jtsobwanej yu'un sts'umbal Manasés.

Hebreos 11:21

Ta swenta xch'uunjel yo'tan te Jacobe, te c'alal ya xlajix a, la yac'bey yich' bendición ta juju-jtul te snich'nab José, soc la snijan sba ta sjol snabate' ta sc'oponel te Diose.

Josué 17:14

Te sts'umbal José jich la yalbeyic te Josué: —¿Bi yu'un te jsejp nax jq'uinaltic la awac'botic ta swenta snumeroil ta na'el te c'ot ta jwentatique? Melel te jo'otique bayalotic ta jyalel, yac'ojbotic bendición te Cajwaltique —xiic.