Génesis 48:14 - Bible in Tzeltal de Oxchuc y Tenejapa

¹⁴ Jich te mamal Israel la yac' tel te swa'el sc'abe, la scajanbey ta sjol te Efraín, te ijts'inale. Te xq'uexen sc'ab la scajanbey ta sjol te Manasés, ja' te banquilale. Ja'uc me to, te bit'il la yac'bey sjel sba te sc'abe, ay swentail ta yo'tan te bit'il jich la spase.

Bible in Tzeltal Bachajón

¹⁴ Hich te Israel la shach te swa'el-c'ab, la scajambe ta sjol Efraín te ihts'inal, te sq'uexam-c'ab la scajambe ta sjol te Manasés, la ya'be sjel sba te sc'ab, aunque ha ba-alal te Manasés.

Génesis 48:14 ပူးပေါင်းရင်းမြစ်များ

Génesis 41:51

Te sbabial snich'ane, Manasés sbiil c'ot yu'un te José, yu'un la yal: “Dios la yac'bon ch'ayuc ta co'tan spisil te jwocol soc spisil te mach'atic ay cu'une”, xi'.

Génesis 41:52

Te xchebal snich'ane, Efraín sbiil c'ot stuquel, yu'un la yal te José: “Dios la yac'bonix jnich'nab li' ta lum to te banti ay jwocol ta neelale”, xi'.

Génesis 46:20

Te José ayin cheb snich'nab ta Egipto: Manasés soc Efraín, te yalatac Asenat, te yantsil-nich'an te sacerdote yu'un lotil dios ta lum On, Potifera sbiil.

Génesis 48:13

Te José la yic' xan bael te cheb snich'nabe, la snit bael ta swa'el sc'ab te Efraín, c'o stejc'anbey ta bay xq'uexen sc'ab te mamal Israel. Ta xq'uexen sc'ab la snit bael te Manasés, la stejc'anbey ta swa'el sc'ab te mamal Israele. Xchebal la stejc'anbey ta stojol.

Génesis 48:17

Ja'uc me to te José, c'alal la yil te stat te bit'il ja' la scajanbey swa'el sc'ab ta sjol te Efraín, ma lecuc c'ot ta yo'tan. Jich yu'un la stsacbey sc'ab te state, te cajal ta sjol te Efraín, c'an yac' bael ta sjol Manasés.

Génesis 48:18

Te José jich la yalbey te state: —Ma jichuc ya sc'an, jtat. Ja' banquilal te yane, ja' xacajanbey swa'el ac'ab ta sjol stuquel —la yut.

Salmos 110:1

Te Cajwaltic Dios jich la yalbey te cajwale: “Naclan ta jwa'el, ja' to c'alal ya cac'bat apech' ta teq'uel te acontrotaque”, xi'.

Salmos 118:16

Te yu'el Cajwaltic, ma'yuc bila ya spaj. Ta yu'el Cajwaltic la sta te tsalawe”, xiic ta c'ayoj.

Éxodo 15:6

Ja'at Cajwal, la awac' ta ilel smuc'ul awu'el, ta swenta te yip swa'el ac'ab, laj te jcontrotique.

Números 2:18

“Ta stojol smalib c'aal tey me ya xc'o spas scampamentoic te mach'atic ya xbeenic ta stojol te bandera yu'un Efraín. Te soldadoetic yu'un sts'umbal Efraín, ja' jtsobwanej yu'unic te Elisama te snich'an Amiud.

Números 8:10

Ya me awac' te ya stejc'an sbaic ta jtojol te levitaetique. Te israeletic ac'a me scajanbey sc'abic ta sjolic.

Números 8:18

Ja'uc me to, ja' sjelol c'ot cu'un te levitaetique.

San Mateo 16:18

Jo'on ya cal te ja'at Pedroat, ta sba te ton in to ya cac' ipajuc ta stsojbol a te jch'uunjeletic cu'une. In te jch'uunjeletic cu'une ma stsalotic yu'un te lajele.

San Mateo 19:13

Ay la yiq'uic tel alaletic ta stojol te Jesuse, swenta yu'un ya scajanbey sc'ab ta sjolic ta sc'oponel Dios, ja'uc me to, te jnopojeletique c'an scomic te mach'atic yic'ojic tele.

San Mateo 19:15

Te Jesús la scajanbey sc'ab ta sjol te alaletique. Patil loc' bael tey a.

San Mateo 6:5

“Te c'alal ya ac'oponic te Diose, ma me jichuc xapasic te bit'il ya spasic te mach'atic cha'lam yo'tanique. Ya smulanic te ya stejc'an sbaic ta sc'oponel Dios ta sinagogaetic soc ta xchiquin calleetic, swenta yu'un jich ya x'ilotic yu'un te ants-winiquetique. Jamal ya calbeyex, la staix smajt'anic yu'un a.

San Lucas 13:13

Soc la scajanbey sc'ab ta sjol. Ora tojob spat te antse. Jajch' yalbey bayal wocol Dios yu'un.

San Lucas 4:40

Te c'alal ch'ayix bael c'aal a, spisil te mach'atic ay jchameletic yu'unique, chican te bila chameliluc te yich'ojique, la yiq'uic tel ta stojol te Jesuse. La scajanbey sc'ab ta sjol juju-jtul, jich lamaj xchamelic ta spisilic.

Hechos 13:3

Jich la spasic ayuno ta sc'oponel te Diose. La scajanbey sc'abic ta sjolic soc la sticunic bael.

Hechos 6:6

Te jch'uunjeletique la stec'anic ta stojol te lajchaytul jpuc-c'opetique, soc la sc'oponbeyic Dios ta stojol te juctule, soc la scajanbeyic sc'abic ta sjolic.

Deuteronomio 34:9

Te Josué snich'an Nun la yich' sp'ijil yo'tan ta stojol te Moisés, yu'un la scajanbey sc'ab ta sjol Josué te Moisés. Ja' yu'un te israeletic la xch'uunbeyic smandal, jich nix la spasic te bit'il yaloj mandal ta stojol Moisés te Cajwaltique.

1 Timoteo 4:14

Bayaluc me sc'oplal ta awo'tan te amajt'an te ac'bilate soc te ac'botat ta awenta te c'alal c'opojic ta atojol te j'alwanejetic yu'un te Diose, soc te la scajanbat sc'abic ta ajol te ancianoetique.

1 Timoteo 5:22

Soc xan, ma me mach'auc nax ya acajanbey ac'ab ta sjol ta ora nax. Soc ma me xacoltay ta c'op yu'un smul te yane. Tsajtaya me aba yu'un jiche. Ma me xawac' staat te bila amene.