Génesis 48:13 - Bible in Tzeltal de Oxchuc y Tenejapa

¹³ Te José la yic' xan bael te cheb snich'nabe, la snit bael ta swa'el sc'ab te Efraín, c'o stejc'anbey ta bay xq'uexen sc'ab te mamal Israel. Ta xq'uexen sc'ab la snit bael te Manasés, la stejc'anbey ta swa'el sc'ab te mamal Israele. Xchebal la stejc'anbey ta stojol.

Bible in Tzeltal Bachajón

¹³ La yic' tal schebalic, te Efraín la yac' ta swa'el, ha ta q'uexam c'oht yu'un te Israel; te Manasés la yac' ta sq'uexam, ha ta swa'el te Israel, la snopteslan talel ta stojol.

Génesis 48:13 ပူးပေါင်းရင်းမြစ်များ

Génesis 41:51

Te sbabial snich'ane, Manasés sbiil c'ot yu'un te José, yu'un la yal: “Dios la yac'bon ch'ayuc ta co'tan spisil te jwocol soc spisil te mach'atic ay cu'une”, xi'.

Génesis 46:20

Te José ayin cheb snich'nab ta Egipto: Manasés soc Efraín, te yalatac Asenat, te yantsil-nich'an te sacerdote yu'un lotil dios ta lum On, Potifera sbiil.

Génesis 48:12

Te José la sjits loq'uel te snich'nab ta bay sjol yacan te state. La stinan sba coel c'alal ta lum ta stojol te state.

Génesis 48:14

Jich te mamal Israel la yac' tel te swa'el sc'abe, la scajanbey ta sjol te Efraín, te ijts'inale. Te xq'uexen sc'ab la scajanbey ta sjol te Manasés, ja' te banquilale. Ja'uc me to, te bit'il la yac'bey sjel sba te sc'abe, ay swentail ta yo'tan te bit'il jich la spase.

Números 26:28

Te sts'umbal José ta xcha'chajbal, ja' te mach'atic yu'un Manasés soc te mach'atic yu'un Efraín.

San Mateo 25:33

Ya me yac' ta swa'el sc'ab te mach'a chijetique. Yan te mach'a tentsunetique ya yac' ta xq'uexen sc'ab stuquelic.