Génesis 48:11 - Bible in Tzeltal de Oxchuc y Tenejapa

¹¹ Soc la yalbey te José: —La cal te ma ba ya quilbat asit; ja'uc me to, Dios la yac'bon quilbat xan asit, soc la yac'bon quilbey sit te cheb anich'nabe —xi'.

Bible in Tzeltal Bachajón

¹¹ Hich la yalbe te José: La jcal te ma ba ya quilbat xan asit, pero Dios la ya'bon quilbe sit ec te ats'umbale, xchi.

Génesis 48:11 ပူးပေါင်းရင်းမြစ်များ

Génesis 37:33

Te Jacob la sna'bey sba te ja' nix sc'u' a te snich'ane. —Ja' nix sc'u' a te jnich'ane. Yu'un nix laj ta ti'el ta jti'awal ja'mal chambalam a te José —xi'.

Génesis 37:35

Tal ta muc'tesel q'uinal yaiy yu'un te snich'nabe; ja'uc me to, ma ba muc'ub q'uinal la yaiy yu'un. La yal: —Mero ma xcom te jmel-o'tan ya caiy yu'un te jnich'ane, ja' to teme ba join ta bay mach'atic lajemique —xi'. Jich yu'un jujun c'aal ay ta oq'uel te state.

Génesis 42:36

La yal te statique, ja' te Jacobe: —Bajt'ix ta pojel awu'unic te jnich'nabe. Te José ma chicanuc bay bajt'. Yo'tic, ch'ayix te Simeón, soc awo'tan ya awic'bonic bael te Benjamín. Bayal me ya awac'bonic jwocol —xi'.

Génesis 45:26

Jich c'o yalbeyic te cuxul te José: —Ja' ochem ta ajwalil yu'un spamal sq'uinal Egipto —xiic c'oel ta stojol. C'alal la yaiy stojol te Jacob, cham nax la yaiy yu'un. Bayal c'opoj yo'tan yu'un, ma la xch'uunbey te bila albot yaiy yu'unique.

Génesis 48:10

Te mamal Israel bolobenix sit te bit'il mamalixe, ma ba mero ya yilix te q'uinale. Jich yu'un te José la stejc'an te snich'nab ta sts'eel te state. Te mamal Israel la smey te queremetic, soc la sbujts'iy.

Génesis 48:12

Te José la sjits loq'uel te snich'nab ta bay sjol yacan te state. La stinan sba coel c'alal ta lum ta stojol te state.

Salmos 128:6

soc te yacuc awil te amamataque. ¡Ac'a lamajuc q'uinal ta stojol Israel!

Proverbios 17:6

Te mamaletic, ja' me scoronaic c'oem te smamataque; te alnich'anetic toyol q'uinal ya yaiyic yu'un te sme'-statique.

Efesios 3:20

Ta ora to, ac'a chicnajuc yutsilal ta bayuc te Diose. Ya xju' yu'un spasel spisil, c'ax jich te bit'il ya jc'anbeytique soc te bit'il ya jna'tique, ta swenta bit'il yac ta at'el te yu'el ta jtojoltique.