Génesis 42:6 - Bible in Tzeltal de Oxchuc y Tenejapa

⁶ Te José swentainej spamal sq'uinal Egipto, soc swentainej xchonbeyel trigo spisil mach'a te bayuc ya xtalique. C'otic te sbanquiltac José, la spajc'an sbaic ta stojol c'alal ta lum.

Bible in Tzeltal Bachajón

⁶ Te José ha jcuentahinwanej yu'un te q'uinal, ha te mach'a ya xchombe trigo swohlol bahlumilal. C'ohtic te sbanquiltac José, la squejan sbahic ta lum ta stojol.

Génesis 42:6 ပူးပေါင်းရင်းမြစ်များ

Apocalipsis 3:9

Jich me ya cac' te ya xtal squejan sbaic ta atojol te mach'atic nainem ta yo'tanic te Satanase soc te mach'atic scuyoj sbaic ta judioe, ja'uc me to, ma ja'uquic, ja' nax jpas-lotetic. Jo'on me ya cac' taluc te ya squejan sbaic ta atojol, jich me ya sna'ic te bit'il c'uxat ta co'tane.

Hechos 7:10

Coltayot yu'un spisil te swocol la stae, soc ac'bot sp'ijil yo'tan yu'un te bin nax me yutsil ya x'ilot yu'un te Faraone, ja' te muc' ajwalil ta Egipto, soc la yac'bey swentain spisil te bitic ay yu'un ta palacio.

Génesis 45:26

Jich c'o yalbeyic te cuxul te José: —Ja' ochem ta ajwalil yu'un spamal sq'uinal Egipto —xiic c'oel ta stojol. C'alal la yaiy stojol te Jacob, cham nax la yaiy yu'un. Bayal c'opoj yo'tan yu'un, ma la xch'uunbey te bila albot yaiy yu'unique.

Génesis 45:8

Jich yu'un ma ja'uquex te la awac'onic tel, ja' la yac'on tel te Diose. Ja' ta swenta Dios te bit'il joy ta at'el te muc' ajwalil faraón, soc te bit'il jwentainejbey spisil te bila ay yu'un ta sna, soc te bit'il jo'on ya xmandalajon ta spamal Egipto.

Génesis 44:14

C'otic ta sna José te Judá soc te yermanotaque, nacal c'o staic te José, la stinan sbaic coel ta stojol c'alal ta lum.

Génesis 19:1

Yaquix ta ijc'ubel q'uinal a te c'otic ta lum Sodoma te cheb ch'ul abatetique. Te Lot nacal ta yochibal ts'ajc' yu'un te Sodoma, ja' yawil ta bay c'aem ta stsobel sbaic te yajwal lume. C'alal te Lot la yilbey sitic, jajch' bael, la stinan sba coel c'alal ta lum, la sc'opon,

Génesis 18:2

La stoy sit, la yil oxtul winiquetic teq'uelic ta stojol. C'alal la yilbey sitic, la yic' tel ta ora. Animal ba sc'opon, la stinan sba coel c'alal ta lum.

Génesis 33:3

Jich te Jacob neelaj bael, la stinan sba c'alal ta lum juqueb buelta, la spajc'an sba c'alal ta lum, ja' to c'ot ta mero stojol te sbanquile.

Génesis 41:43

La yac' mouc ta carreta te tiq'uil ya xbajt' ta spate. Soc la yal mandal te ya yalic ta aw te c'alal ya xbeen c'axele: “Jamaic te be”, xiic me ta yalel. Jich la yac'bey swentain spamal sq'uinal Egipto.

Génesis 48:12

Te José la sjits loq'uel te snich'nab ta bay sjol yacan te state. La stinan sba coel c'alal ta lum ta stojol te state.

1 Samuel 20:41

Te c'alal bajt' te abate, ora loc' tel ta spat busul ton te David. C'alal c'ot ta stojol te Jonatán, oxeb buelta la stinan sba coel c'alal ta lum ta stojol. Patil la sbujts'i sbaic, pajal la yoq'uetay sbaic, pero ja' bayal oc' te David.

Proverbios 11:26

Te mach'a ya sq'uej strigo, ya xbolc'optayot yu'un te ants-winiquetic; yan te mach'a ya xchone, ya x'albot lec sc'oplal stuquel.

Isaías 60:14

Te snich'nab te mach'atic la stenex ta uts'inele, ya me xtalic ta bic'tajel ta atojol; soc spisil mach'atic la yilayat ta yo'tanic, ya me xtal squejan sbaic ta awacan. Ya me yalbeyex: “Lum yu'un te Cajwaltique”, xi' me ac'oplal, soc: “Sión yu'un te Ch'ul Dios yu'un Israel”, xiic me.

Génesis 41:54

Jich a jajch' wi'nal, juqueb ja'wil jalaj, jich nix bit'il la yal te José. Ay wi'nal ta spamal balumilal, yan ta sq'uinal Egipto, ma'yuc wi'nal tey a.

Génesis 41:57

Ta bayuc ta spamal balumilal tal smanic trigo ta Egipto, ja' la sc'oponic te José swenta yu'un ya xchonbotic trigo, yu'un ayix bayal wi'nal ta spamal balumilal.