Génesis 42:2 - Bible in Tzeltal de Oxchuc y Tenejapa

² La caiyix stojol te bit'il ay trigo ta Egipto. Jich yu'un baanic, manaic tel jwe'eltic swenta yu'un jich me ma xlajotic ta wi'nal —la yut.

Bible in Tzeltal Bachajón

² La jca'iyix te ay we'elil ta Egipto; cohanic bahel tey a, manahic tal jwe'eltic scuenta yu'un ya xhu' ya xcuxajotic, te ma xchamotic a, xchi.

Génesis 42:2 ပူးပေါင်းရင်းမြစ်များ

Génesis 42:3

Jich yu'un te lajuntul sbanquiltac José ba smanic tel trigo ta Egipto.

Génesis 43:2

Ja' yu'un te c'alal lajix yu'unic te trigo te la yich'ic tel ta Egipto, albotic yu'un te statique: —Baanic xan ta Egipto, baan manaic xan tel jtebuc te jwe'eltique —la yut te snich'nabe.

Génesis 43:4

Jich yu'un ja' to teme ya awac'botic jointic bael te quijts'intique, ya me xbootic, ya xba jmantic tel te jwe'eltique.

Génesis 43:8

Jich yu'un te Judá la yalbey te state, te mamal Israel: —Teme ya awac'botic bael te quereme, jo'on me ya join bael, puersa me ya xbootic, swenta yu'un ma me xlajotic yu'un wi'nal ta jpisiltic soc te alaletic cu'untique.

Génesis 45:9

“Jich yu'un baanic ta ora, baan albeya yaiy te jtatique: “Jich la yal tel te anich'an José: ‘Dios yac'ojbon cat'el ta ajwalil ta spamal Egipto. Jich yu'un la' me ta ora.

Salmos 118:17

Ma ba ya xlajon, ya me xcuxinon, swenta yu'un ya me cal ta bayuc te bila spasoj te Cajwale.

Salmos 33:18

Yan te Cajwaltic spisil ora ya scanantay te mach'atic ya yich'ic ta muc' soc te ja' smuc'ulinej yo'tanic te xc'uxul yo'tane,

Salmos 33:19

swenta yu'un ya scoltay ta lajel soc ya me yac'bey bitic ya xcuxinic a ta yorail te wi'nale.

Isaías 38:1

Ja' jich sc'aalelal a te tsacot ta tulan chamel te Ezequías. Te j'alwanej Isaías, te snich'an Amoz, ba yil soc jich la yalbey: —Te Cajwaltic la yal: “Ala me xan jilel te slajibal ac'op ta stojol te mach'atic ay awu'une, melel ya me xlajatix. Ma xcolat ta poxtayel”, xi' me —xi'.

San Mateo 4:4

La yal te Jesuse: —Jich ts'ibubil ta Sjun Dios: “Ma ja'uc nax waj cuxulic a te ants-winiquetique. Ja' ya xcuxinic yu'un spisil te bila yaloj Dios ta sti'”, te xie —xi' te Jesuse.

Hechos 7:12

Te c'alal la yaiy stojol Jacob te ay trigo ta Egipto, tey la sticun bael a te snich'nabe, ja' te tatiletic cu'untique. Ja' sbabial buelta te c'otique.