Génesis 41:52 - Bible in Tzeltal de Oxchuc y Tenejapa

⁵² Te xchebal snich'ane, Efraín sbiil c'ot stuquel, yu'un la yal te José: “Dios la yac'bonix jnich'nab li' ta lum to te banti ay jwocol ta neelale”, xi'.

Bible in Tzeltal Bachajón

⁵² La ya'be sbihilin te schebal snich'an Efraín, yu'un hich la yal: Dios la yac' sitinon ta q'uinal te banti ay jwocol, xchi.

Génesis 41:52 ပူးပေါင်းရင်းမြစ်များ

Génesis 17:6

Ya cac' esmajuc bayal ats'umbal, soc bayal ta jchajp ants-winiquetic ya xc'oat ta loq'uel cu'un, soc bayal ta jtul ajwaliletic ya xchicnaj ta awenta.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 41:51

Te sbabial snich'ane, Manasés sbiil c'ot yu'un te José, yu'un la yal: “Dios la yac'bon ch'ayuc ta co'tan spisil te jwocol soc spisil te mach'atic ay cu'une”, xi'.

Génesis 41:53

Loc' te juqueb ja'wil te lec sitin te yawal-sts'unubic ta sq'uinal Egipto.

Génesis 48:1

Ma ba bayalix c'aal te José albot yaiy te ay ta chamel te state. Jich ba yil soc la yic' bael te cheb snich'nabe, ja'ic te Manasés soc Efraín.

Génesis 48:14

Jich te mamal Israel la yac' tel te swa'el sc'abe, la scajanbey ta sjol te Efraín, te ijts'inale. Te xq'uexen sc'ab la scajanbey ta sjol te Manasés, ja' te banquilale. Ja'uc me to, te bit'il la yac'bey sjel sba te sc'abe, ay swentail ta yo'tan te bit'il jich la spase.

Génesis 48:5

Jich yu'un te cheb anich'nab, te Efraín soc Manasés, te ayinic ta Egipto te c'alal ma to xtalon ta Egipto, ja' me mero cu'un, jich bit'il cu'un te Rubén soc te Simeón, ja' nix jichic te cheb anich'nabe, cu'un me ta xchebalic.

Génesis 49:22

“Te José, jich c'oem te bit'il te' ts'unul ta ti'ja' te ya yac' bayal site, te sc'abc'abe ya me xloc' bael ta pat ts'ajc'.

Génesis 50:23

Laj to yilbey sit snich'nab te snich'nab Efraín, soc laj to yich' ta wenta te snich'nab Maquir, ja' te snich'an te Manasés.

Amós 6:6

Ta muc'ul copaetic ya awuch'ic a te vino, ya atuuntesic mero lequil perfumeetic. Ja' ma'yuc sc'oplal ta awo'tan te quechel ta jinel te lume.

Números 26:28

Te sts'umbal José ta xcha'chajbal, ja' te mach'atic yu'un Manasés soc te mach'atic yu'un Efraín.

Hechos 7:10

Coltayot yu'un spisil te swocol la stae, soc ac'bot sp'ijil yo'tan yu'un te bin nax me yutsil ya x'ilot yu'un te Faraone, ja' te muc' ajwalil ta Egipto, soc la yac'bey swentain spisil te bitic ay yu'un ta palacio.

Josué 14:4

Melel te sts'umbal José cha'chajp loc' a, ja' te Manasés soc Efraín. Yan te sts'umbal levitaetic ma'yuc bay ac'bot sq'uinal stuquelic, ja' ac'bot lumetic ta bay ya xju' ya x'ainic, soc aquiltic ta sjoylejal juju-jpam lum, yu'un tey ya yac' a te swacaxic soc te xchijique.

Josué 16:4

Jich ayic te q'uinaletic la yich'ic te sts'umbalic Manasés soc Efraín, te ja'ic snich'nab José.

Josué 17:1

Te q'uinal ac'bot ta swenta sts'umbal Manasés, ja' te sba snich'an José, jich ay: te Maquir te tulan yu'un guerra, te sba snich'an Manasés soc stat te Galaad, ja' c'ot ta swenta te q'uinal te Galaad sbiil, soc te Basán, te ay ta stojol sloq'uib c'aal yu'un Jordán.

1 Samuel 1:20

Tey ora ayix jilel yal a te Ana. La sta yorail, ayin te yale. Samuel sbiil la yac'bey, ja' yu'un te ja' sc'anojbey te Cajwaltique.