Génesis 4:7 - Bible in Tzeltal de Oxchuc y Tenejapa

⁷ Te yu'unuc lec te awat'ele, ¿ma bal lecuc ac'oplal ya xc'oat yu'un te jichuque? Yan teme ma lecuc te awat'ele, ja' me ya yabatinat te mulile. Ja'uc me to, ya xju' awu'un scomel te mulil te jichuque —la yut.

Bible in Tzeltal Bachajón

⁷ Teme lec bin yac apas, ¿ma bal lecuc ac'oblal ya xc'ohat yu'un? Yan teme ma lecuc bin yac apas, ay ta ti'nahil te mulile; ha ya sc'anat, pero ha'at ya me atsal, xchi.

Génesis 4:7 ပူးပေါင်းရင်းမြစ်များ

Génesis 19:21

Albotic yu'un: —Jichuc jiche, teme jich ya sc'an awo'tane, ma ba ya cac' lajuc te lum ya awale.

Génesis 3:16

Te Diose jich la yalbey te antse: —Ya me xtoy awocol ta alajel, ay me xc'uxul ya x'alajat. Te bila ya sc'an te abaq'uetale, ja' me ay ta swenta te amamlale, ja' me ya ach'uunbey smandal stuquel —xi' sc'oplal.

2 Samuel 24:23

Spisil ya cac'bat, muc' ajwalil cu'untic —xi'. Soc jich la yal xan te Arauna: —Lec teme ya sna'bat yo'bolil aba te Cajwaltic te Dios awu'une —xi'.

2 Reyes 8:28

Te Ocozías la syom sbaic soc Joram snich'an Acab, yu'un bajt'ic ta guerra ta Ramot ay ta sq'uinal Galaad. Ja' ba yac'beyic guerra te Hazael muc' ajwalil yu'un Siria. Pero te siriaetic la yejch'entesic te Joram, ja' te muc' ajwalil yu'un Israel.

Job 11:14

Teme acuchoj amule, ch'aya me jilel; ma me xawac' ta ana te bila amene.

Job 11:15

Jich me jun awo'tan ya xju' ya atoy asit, lamal me awo'tan ya x'ainat, soc ma ba ya xtalix xiwel ta awo'tan.

Job 29:4

Te c'alal mero yijubone, Dios la scanantayon ta jna;

Job 42:8

Yo'tic ya me atsaquic juqueb toroetic soc juqueb tat chijetic. Baanic ta stojol te cabat Job, ac'aic ta scojt'ol chic'bil majt'anil ta jtojol yu'un awu'unic ja'ex. Te cabat Job ya me sc'oponon ta awentaic, ya me quich'bey ta wenta te sc'ope, jich ma'yuc bila amen ya cac' c'otuc ta atojolic, manchuc me jich ya sc'an pasel ta atojolic te jichuque, melel ma ja'uc la awalic te bila smelelil jc'oplale, jich te bit'il la spas stuquel te cabat Job —xi'.

Proverbios 18:5

Te juecetic ma lecuc teme ja' ya xc'uxtayic te mach'a ay smule, soc teme ja' ya xch'aybeyic sderecho te mach'a ma'yuc smule.

Proverbios 21:27

Te Cajwaltic ya yilay te smajt'an ya x'ac'bot yu'un te mach'atic amen yo'tanique, melel ma lecuc te yo'tanique.

Jeremías 3:12

Baan ala ta stojol Israel: “Te Cajwaltic jich ya yal: Sujt'anic tel ta jtojol, ja'at toyba Israel. Ma ba ilinemon ta atojol, ma sbajt'eluc q'uinal ya x'ilinon, melel jo'on ay yutsil co'tan. Jo'on, Ajwalilon te ya cal te jc'ope.

Jeremías 6:20

Te ja'exe, ¿bistuc ya awich'bonic tel pom ta Sabá, soc te te'etic te bujts'anic yic' ta bay c'ubul lumq'uinaletic? Te jo'one ma lecuc co'tan yu'un te scojt'ol chic'bil majt'anil awu'une, ni yantic milbil majt'anil awu'un —xi' te Cajwaltique.

Miqueas 7:18

Ma'yuc yan Dios jich te bit'ilate, melel ya apasbey perdón yu'un te bila amen spasojique, soc ya ach'aybey ta awo'tan stoybail te lum te jilem xan jtebuque. Te ja'at ya awac'botic quiltic te xc'uxul awo'tan; soc ma'yuc ta awo'tan sbajt'el q'uinal te awilimbae.

Malaquías 1:10

—Ayuc jtuluquex te ya amacbeyic yochibal sti' te templo, swenta yu'un ma tojoluc ya sujt'ex tel ta spasel c'ajc' ta bay scajtijib te jmajt'ane. Melel ma ba bin nax co'tan awu'unic, ni ma ba ya jtsacbat te majt'anil awu'unique.

Malaquías 1:13

Te ja'ex jich ya awalic: “Lubenotiquix yu'un spisil”, xaex. Ma'yuquix jc'oplal ta awo'tanic. Ya to awalic te ya xbujts'naj co'tan yu'un ta ac'opic te c'alal ya xtal awac'bonic jmajt'anin elc'anbil chambalam, o teme jcojt' coxo, o teme ay ta chamele.

Malaquías 1:8

te ma'yuc bila amen ta ac'opic a te ya awac'bonic ma'sit chambalametic, coxoetic, soc te ay xchamelic. Baan, ilawilic, ich'beya bael te ajwalil awu'unic, ya me awilic teme bin nax yo'tan ya stsacbat smajt'anine —xi' te Cajwaltique.

Números 32:23

Teme ma jichuc ya apasic, ya me ana'ic te la ataix amulic ta stojol Cajwaltic a. Ya me sta yorail te ya xtal castigo ta atojolic yu'un te amulique.

Hechos 10:35

Melel ta bay juju-jchajp nación lec ya yil spisil mach'a ya x'ich'ot ta muc' yu'un soc te ya yat'elinic spasel te bila leque.

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

Romanos 14:18

Te mach'a jich ya yac' sba ta abatinel yu'un te Cristoe, ja' lec yo'tan yu'un te Diose, soc lec sc'oplal yu'un uuc te ants-winiquetique.

Romanos 15:16

Yabaton te Jesucristo ta stojol te jyanlumetique, jich yacon ta spuquel te lec yach'il c'op yu'un te Diose. Jich me smajt'an Dios ya xc'otic te lec yo'tan Dios yu'une soc te ch'ultesbil yu'un te Ch'ul Espiritue.

Romanos 6:12

Jich yu'un ma me xawac'bey permiso te mulil te ya yu'uninbeyex xan abaq'uetalic te stalel ya xlaje. Ma me xawac' te ya sujat xan ta spasel te bila ya sc'an te abaq'uetalique.

Romanos 6:16

¿Yu'un bal ma ba ana'ojic stojol teme spasemal awo'tan ya awac' abaic ta mosoile, puersa me ya ach'uunbeyic smandal te awajwale? Jich yu'un chican teme ja' ya awajwalinic te mulil te ya yaq'uex ta lajele, o teme ja' ya awajwalinic te Diose, te ja' ya yac'beyex apasic te bila toj ta pasele.

Efesios 1:6

Swenta yu'un ya jc'ajintaybeytic yutsilal te Diose, yac'ojbotic bayal bendición ta swenta te Snich'an te bayal c'ux ta yo'tane.

1 Timoteo 5:4

Ja'uc me to, teme ay me'ba ants te ay yalatac, o teme ay smamataque, ja' me neel ay ta swentaic te alnich'anetic te bit'il ya sc'an ya yich' wentainel yu'unic ta stojol Dios, swenta yu'un tey sujt'esbil yu'unic ya xc'ot sjelol swocol te me'il-tatile. Melel ja' lec ta pasel, soc ja' bin nax yo'tan Dios yu'un.

Hebreos 11:4

Ta swenta xch'uunjel yo'tan te Abele, la yac'bey smajt'an Dios te c'axem to xan ay yutsil stuquel a te bit'il la yac' te Caine. Jich lec yo'tan Dios yu'un te Abele, lec sc'oplal c'ot yu'un te majt'anile. Ja' swentail te yac to ta c'op c'oem ta ora to, manchuc teme lajemixe.

Santiago 1:15

Teme ya x'ipaj te bic'tal-o'tanile, tey ya xchicnaj a te mulile. Soc teme la yich' yip te mulile, tey ya xchicnaj a te lajele.

1 Pedro 2:5

In te ja'exe, jichex uuc te bit'il cuxul tonetique. Ac'a me abaic ta ts'ajc'uyel ta na ta swenta te Espiritue. Jich me ch'ul sacerdoteex yu'un Dios ya xc'oex te ya awac'beyic milbil majt'anil ta swenta Espíritu te lec yo'tan Dios yu'un ta swenta te Jesucristoe.