Génesis 4:4 - Bible in Tzeltal de Oxchuc y Tenejapa

⁴ Yan te Abel ja' la yac' te sba yalatac xchij te buen jujp'ene. Te Dios lec yo'tan yu'un te Abel soc te majt'anil la yaq'ue.

Bible in Tzeltal Bachajón

⁴ Yan te Abel la yac' te sba yal stuminchij te buen juhp'en. Lec yo'tan Dios yu'un te Abel soc te mahtanil la yac'.

Génesis 4:4 ပူးပေါင်းရင်းမြစ်များ

Génesis 15:17

Malix c'aal, ijc'ubix q'uinal a, la yil chicnaj yawil c'ajc' te ay xch'ailel, soc ay yan yac ta tilel tey a, c'axic ta yolil te chambalametic te jatbilic ta bojele.

Génesis 4:3

La sta yorail te la yac'bey smajt'an Dios te Caine. Ja' la yac' te sit yawal-sts'unube.

1 Reyes 18:24

Ya me xjajch' ac'oponic te diosetic awu'unique, jichon uuc ya me jc'opon te Cajwale. Te mach'a diosil te ya sjaq'ue, te ya sticun tel c'ajc', ja' me te mero Dios abi —xi' te Elías. —Buen lec te bila la awale —xiic ta spisilic te lume.

1 Reyes 18:38

Ta ora nax la yac' coel tel c'ajc' te Cajwaltic, la xchic' ta scojt'ol te milbil majt'anile, soc te si', soc nix te tonetic, te ts'ubil lum, soc la slajin te ja' ay ta sjoyobale.

1 Crónicas 21:26

Tey la spas a te scajtijib smajt'an te Cajwaltic, soc la yac'bey te chic'bil smajt'ane, soc te milbil smajt'an ta swenta seña te lamal-o'tanil. La sc'opon te Cajwaltic, aiybot sc'op yu'un, soc la sticun tel c'ajc' c'alal ta ch'ulchan, tey jul ta sba te scajtijib majt'anil te scojt'ol ya xc'ajq'ue.

2 Crónicas 7:1

C'alal laj yo'tan ta sc'oponel Dios te Salomón, co tel c'ajc' ta ch'ulchan. Laj ta c'ajq'uel ta scojt'ol te milbil majt'anil, soc lajic ta c'ajq'uel te yantic milbil majt'anile. Te yutsil xojobil Dios noj ta templo.

Salmos 20:3

Ac'a sna'bat spisil te majt'aniletic awu'une, ac'a stsacbat soc sbujts' yo'tan te majt'anil te scojt'ol ya yich' chiq'uele.

Éxodo 13:12

ya me awac'beyic Cajwaltic te sbabial aquerem-nich'anique. Jich nix me te c'alal ya x'ayin yalatac te achambalamic, ja' me yu'un te Cajwaltique.

Proverbios 3:9

Ich'a me ta muc' Cajwaltic soc te ac'ulejale, ich'a ta muc' soc te sba sit awawal-ats'unub te ya xloc' awu'une;

Eclesiastés 4:4

La quil te bayal ya x'at'ejotique, te bayal ya x'esmaj jbiluctic swenta bit'il muc' at'el ya jchajbantique, talel c'axel ya xjajch' bic'tal-o'tantay jbajtic yu'un. Ja' nix jich mero tojol ta jyalel, soc te ja' pajal soc te yacuc jtsactic te iq'ue.

Levítico 9:24

Loc' c'ajc' ta stojol te Cajwaltique, la slajin ta jc'axel te chambalam te yac ta c'ajq'uele, soc nix te xepuil ayic ta scajtijib ta chiq'uel smajt'an te Diose. C'alal la yilic, ta spisil te israeletic tulan awunic ta swenta yutsil q'uinal yaiyic, la stinan sbaic coel c'alal ta lum te sti'baique.

Números 16:15

Jich yu'un te Moisés bayal ilin, jich la yalbey te Cajwaltique: —¡Ma me x'atsacbey te majt'anil yu'unique! Ma'yuc bay jpojojbey ni jcojt'uc sburro, ni ma'yuc bila amen jpasojbey jtuluc —xi'.

Números 16:35

Te Cajwaltic la to sticun tel c'ajc' ta smilel te lajuneb yoxlajunwinic (250) te la yaq'uic te pome.

Números 18:12

Soc ya cac'bat te sbabial sit yawal-sts'unub israeletic te ya yich'bonic tel jujun ja'wil: ja' te lequil aceite, te lequil vino soc te lequil trigo.

Números 18:17

Ja'uc me to, ma me xawac' te jich ya yich' pasel te sbabial yalatac te wacaxetic, chijetic o tentsunetique. Ja'ic me ya yich' u'uninel cu'un. Ya me amilic; soc te xch'ich'el ya me amal ta scajtijib ta chiq'uel te jmajt'ane. Te xepuil ya me achic'bon swenta jmajt'an te buen bujts'an yic' ta jtojole.

Hebreos 11:4

Ta swenta xch'uunjel yo'tan te Abele, la yac'bey smajt'an Dios te c'axem to xan ay yutsil stuquel a te bit'il la yac' te Caine. Jich lec yo'tan Dios yu'un te Abele, lec sc'oplal c'ot yu'un te majt'anile. Ja' swentail te yac to ta c'op c'oem ta ora to, manchuc teme lajemixe.

Hebreos 9:22

Yu'un ya yal te mandalile te ya yich' utstesel ta ch'ich' col spisiluc te bitic aye, melel ma'yuc ta ch'ayel mulil te manchuc ayuc ch'ich' ya yich' malele.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

Jueces 6:21

te ch'ul abat la stij ta sni' sbastón te ti'bal soc te pane, jich loc' tel c'ajc' ta ton, laj ta c'ajq'uel te ti'bal soc te pane. Ora ch'ay ta sit te ch'ul abat yu'un te Cajwaltique.

1 Samuel 15:22

La sjac' te Samuel: —Ja' buen lec yo'tan Cajwaltic yu'un teme ya yich' ch'uunel smandal; ma ja'uc bayal sc'oplal teme ya cac'beytic milbil smajt'an soc chic'bil smajt'ane. Ja' mero bayal sc'oplal te ya jch'uunbeytic smandal soc teme ya cac' ta co'tantic te bi ya yale; ma ja'uc bayal sc'oplal te ya cac'beytic milbil smajt'an soc smajt'anin xepuil chije.