Génesis 4:2 - Bible in Tzeltal de Oxchuc y Tenejapa

² Patil tal yuts', Abel sbiil c'ot yu'un. Te Abel la yat'elin xch'ijtesel chij, yan te Caín la yat'elin sts'unel awalts'unub ta lumq'uinal stuquel.

Bible in Tzeltal Bachajón

² Patil ayin yihts'in, Abel sbihil. Te Abel ha jcanan-tuminchij, yan te Caín la schahpan te lumq'uinal stuquel.

Génesis 4:2 ပူးပေါင်းရင်းမြစ်များ

Génesis 3:23

Jich yu'un te Cajwaltic la sticun loq'uel ta awalts'unubil, te Edén sbiile, swenta yu'un ya x'at'ej ta lumq'uinal te ja' nix pastajem ae.

Génesis 37:13

Te Israel la yalbey te José: —Baemic ta jcanan-chij ta Siquem te abanquiltaque. Ya jticunat bael, baan ilawil —la yut. —Lec ay —xi' te José.

Génesis 4:1

Jich te Adán la sjoin ta wayel te Eva, ja' te yiname. Jich la yic' yal, jich ayin te Caín. “Ayix jtul cal, querem yac'ojbon te Diose”, xi'.

Génesis 4:3

La sta yorail te la yac'bey smajt'an Dios te Caine. Ja' la yac' te sit yawal-sts'unube.

Génesis 47:3

Te jo'tul sbanquiltaque jojc'obot yu'un te faraón: —¿Bi at'elil ya ana'ic spasel? —xi' sc'oplalic yu'un. La yalbeyic te faraón: —Te jo'otique jcanan-chijotic, jich jtaleltic soc te jme'-jtatic ta namey tele.

Génesis 9:20

Te Noé jajch' ta at'el ta lumq'uinal, la sts'un ts'usubiltic.

Salmos 127:3

Te cal-jnich'antic ya x'ayinic, ja' jc'ulejaltic te ya yac'botic te Cajwaltique.

Éxodo 3:1

Te Moisés ya scanantaybey xchij te snialmamal Jetro, te sacerdote yu'unic te madianetique. Ay la yic' c'axel te chijetic ta muc'ul jochol taquin q'uinal. C'ot c'alal ta nopol wits yu'un Dios te Horeb sbiile.

Amós 7:15

Ja'uc me to, te Cajwaltic la scomon ta beel ta scanantayel te chijetic, soc jich la yalbon: “Baan albon jc'oplal ta stojol Israel te lum cu'une”, la yuton.

San Lucas 11:50

Te mach'atic cuxulic ta q'uinal ta ora to, ya me x'ac'bot stojic te la smalbeyic xch'ich'el spisil te j'alwanejetic te lajic ta milel ta xjajch'ibal to tel balumilal.

San Lucas 11:51

Ja' to ta xjajch'ibal te malbot xch'ich'el te Abele soc ja' to te c'alal malbot xch'ich'el te Zacarías te la yich' milel ta bay olilal ay yu'un te xchic'jibal smajt'an Dios soc te temploe. Melel xcalbeyex, te jayeb mach'atic cuxulic ta q'uinal ta ora to, ya me x'ac'bot xcuchic stojel te mach'atic lajemic ta milele.

San Juan 8:44

Te ja'exe, ja' atatic te pucuje, soc ya sc'an awo'tanic ya apasic te bila ya sc'an yo'tane. Te pucuje milawal ta xjajch'ibal to tel stuquel. Ma'yuc stuul ta yo'tan te bila smelelile, yu'un ma'yuc bila melel te ay ta yo'tane. Te c'alal ya spas lote, ja' ya yal te bila stalel ay ta yo'tane. Melel jpas-lot nanix stuquel a, soc ja' static spisil te jpas-lotetique.

1 Juan 3:10

Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

1 Juan 3:12

Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.

1 Juan 3:15

Spisil mach'a yilayej te yermanoe, ja' jmilawal abi. Soc ana'ojic stojol te jc'axel ma'yuc ta swenta cuxinel sbajt'el q'uinal te mach'a jmilawale.