Génesis 39:9 - Bible in Tzeltal de Oxchuc y Tenejapa

⁹ Ma'yuc xan yan cajal a te bit'ilone. Te cajwal ma'yuc bi ma yac'ojbon ta jwenta, ja' nax te bit'il yinamat te ja'ate. Ma xju' te ya jpastic jich. ¿Ma bal yacuc jta jmul ta stojol cajwal teme jich ya jpase? Soc ya me jta jmul ta stojol Dios —xi'.

Bible in Tzeltal Bachajón

⁹ Mayuc yan mach'a toyol xan te bin ut'il ho'on li' ta na ini, soc mayuc bin ma ba ya'beyejon ta jcuenta, ha'at xanix te yihnamat. ¿Bin ut'il c'an jpas te bin chopol ini, te ya jta jmul ta stojol te Diose? xchi.

Génesis 39:9 ပူးပေါင်းရင်းမြစ်များ

Génesis 13:13

Ja'uc me to, amen yat'elic te yajwal lum Sodoma, mero jmulawiletic ta stojol te Cajwaltique.

Génesis 20:3

Ja'uc me to, ta ajc'ubal c'oponot yu'un Dios ta swaich te Abimelec, jich albot: —Ya me xlajat ta ora ta scaj te ants te c'an awiq'ue, te melel ayix smamlal —xi'.

Génesis 20:6

Albot xan ta swaich yu'un te Diose: —Jna'oj stojol te ma'yuc bila amen anopoj ta awo'tan te bit'il jich c'an apase. Jich ma la cac'bat ale amul ta jtojol, ma ba la cac'bat apic.

Génesis 20:9

Patil te Abimelec la yic' tel te Abraham, jich la yalbey: —¿Bistuc jich la apasbotic? ¿Bi jmul awu'un te bit'il muc' mulil la awac'bon jmulin soc te jlumale? Ma lecuc te bila la apasbone.

Génesis 24:2

Te Abraham la yalbey te jtul mayordomo te mamalixe, ja' te abat te swentainejbey spisil te sbiluque: —Ac'a tel ac'ab ta yet'al ca',

Génesis 39:10

Jujun c'aal laj ta wulilayel te José; ja'uc me to, ma la xch'uunbey.

Génesis 41:40

Ja'at me ya awentainbon spisil te jnae, soc ya me awal mandal ta stojol te lum cu'une. Jo'on xanix te cajal ayon ta ich'el ta muq'ue.

Génesis 42:18

Yoxebalix c'aal a, te José la yalbey yaiyic: —Pasaic me te bila ya calbeyexe, jich me ya xcuxinex, melel te jo'one jxi'oj te Diose.

2 Samuel 11:27

Pero c'alal c'ax yorail te ya yoq'uetaye, te David la sticun ta iq'uel tel. La yic' ta stojol ta sna, la yic' yinamin. La yac' jtul yal, te Cajwaltic ma ba la smulan te bi la spas te David.

2 Samuel 12:13

Te David jich la yal ta stojol te Natán: —La jta jmul ta stojol te Cajwaltique —xi'. Jac'bot yu'un Natán, jich la yal: —Te Cajwaltic la spasbatix perdón yu'un te amule, ma ba ya xlajat yu'un.

Nehemías 5:15

Pero te yantic ajwaliletic te neel c'axique, mero bayal la yac'beyic swocol te yajwal te lume. Melel ta jujun c'aal la sc'anbeyic cha'winic (40) ta jsejp plata, swenta yu'un ya sman swe'elic a soc yu'un ya sman te bila ya yuch'ic a. Soc ma ja'uc nax, jichic te abatetic yu'unique, ay swocol yu'unic te yajwal lume. Pero te jo'one, ma jichuc la jpas, melel ay ta co'tan te ya x'ich'ot ta muc' cu'un te Diose.

Nehemías 6:11

Pero jich la calbey: —Te jo'one ma x'anon, soc ma x'ochon ta templo yu'un ya jxi' milel. Te jo'one, ma ba ya jnac' jba ta templo —la cut.

Job 31:23

Te jo'one jxi'oj te castigo yu'un te Diose; ¿ya bal c'an cujch'uc cu'un te smuc'ul te yu'ele?

Salmos 51:4

Ja'at nax te jtaoj jmul ta atojole, ja'at nax atuquel, melel jo'on la jpas te bila amen, te ya awac' castigo yu'une. Ja' yu'un te castigo ya awac'bone, stojil ay stuquel, ma'yuc ta ch'ayel te bila chapal awu'un atuquele.

Éxodo 20:14

“Ma me x'awaiy mulwej.

Proverbios 6:29

Te mach'a ya slo'lay sba soc yan ants, ma xju' te libre ya xloq'ue.

Proverbios 6:32

Mero ma'yuc sp'ijil te mach'a ya spas mulwej soc yan ants; te mach'a jich ya spase ja' nix ya yac' sba ta lajel a.

Eclesiastés 7:26

Ay bi yan jtaoj te c'axem jich xch'aal c'oem a te bit'il te lajele: Ja' te ants ya syacotic ta spejts' te ya xpetawan ta sc'abe. Te mach'a bin nax yo'tan Dios yu'une, ma ba ya x'och ta sc'ab stuquel; yan te mach'a ay ta mulile, ya me x'och ta spejts' stuquel.

Jeremías 28:16

Jich yu'un te Cajwaltic jich ya yal: “Ta melel ya jticunat bael; ja'uc me to, ta swenta ach'ayel ta jc'axel ta q'uinal. Ja' in ja'wil to ya me xlajat, melel ta scaj ac'op la awac' scontroinon te lume”, xi' me ac'oplal yu'un te Cajwaltique —la yut.

Jeremías 50:7

Te scontrotac, te c'alal ya sta sba soc, ya xti'otic yu'un, soc jich me ya yalic: “Ma jmulticuc jo'otic, melel la sta smulic ta stojol Yajwalic. Staoj nix lec swe'elic c'oem a, soc ja' nix la smuc'ulin yo'tanic te antiguo sme'-statique”, xiic me ta yalel.

Levítico 20:10

“Teme ay winic la spas mulwej soc yinam te spat-xujq'ue, ya me yich' milel te winic soc te ants te la spasic mulweje.

Levítico 6:2

—Teme ay mach'a la sta smul, teme yu'un ya sc'an slo'layon jo'on te Ajwalilone, scaj te la slo'lay te spat-xujq'ue, teme ay bi la yich'bey ta majanel, o teme ay bi la sq'uejbey, o teme ay bi la yelc'anbey, o teme la yuts'in,

Números 32:23

Teme ma jichuc ya apasic, ya me ana'ic te la ataix amulic ta stojol Cajwaltic a. Ya me sta yorail te ya xtal castigo ta atojolic yu'un te amulique.

San Lucas 12:48

Yan te abat te ma ba sna'oj te bila la sc'an yo'tan te yajwale, te la spas te bila ay castigo yu'une, jteb nax majel ya x'ac'bot ta swenta stuquel. Te mach'a bayal bila ya x'ac'bote, bayal me te bila ya xc'anbote; soc uuc te mach'a bayal bila ya x'ac'bot swentaine, c'ax jich ya xc'anbot sujt'el stuquel.

1 Corintios 4:2

Ta ora to, te mach'a ay ta swenta spuquel te sc'op Diose, ya sc'an te jun nax yo'tan ya yat'elin spuquele.

Tito 2:10

Soc ma me xyelc'anbeyic sbiluc te yajwalique. Ac'a me yaq'uic ta ilel te junajem yo'tanic ta stojole, swenta yu'un jich me ya xchicnaj te bit'il jelawen yutsil te p'ijubtesel yu'un te Diose te Jcoltaywanej cu'untique.

Hebreos 13:4

Ich'biluc me ta muc' awu'unic te nujbinele. Ma me xacapic ta mulwej te bit'il awic'oj abaique, melel Dios ya yac'bey castigo te mach'a ya xyal ta mulile soc te ya yaiy mulweje.

1 Juan 3:9

Spisil mach'a ayinem ta stojol te Diose, ma ba ya yat'elin sleel smul, melel jc'axel ja' sts'umbalinej te Diose. Jich ma xju' ya sleulay smul, yu'un ayinemix ta swenta te Diose.

Apocalipsis 21:8

Yan te mach'atic ya xiwique, soc te ma sc'an xch'uunone, soc te mach'atic ilaybil sba te bila ya spasique, jmilawaletic, jmulwejetic, j'ac'chameletic, soc te mach'atic jch'uunej-loc'ombaetic, jpas-lotetic, ta spisilic in to, ja' me ya xbajt'ic ta bay muc' pamal c'ajc' te yac ta tilel soc azufre te ja' xchebal buelta lajele —la yuton.

Apocalipsis 22:15

Yan te mach'atic ts'i'etic, j'ac'-chameletic, jmulwejetic, jmilawaletic, jch'uunej-loc'ombaetic soc spisil te mach'atic lec nax ya yaiyic te ya spasic te lote, ja' me ya xjilic spisilic ta pat ts'ajc' stuquelic.