Génesis 39:2 - Bible in Tzeltal de Oxchuc y Tenejapa

² Ja'uc me to, te Cajwaltic sjoinej te José. Jich mero lec a c'ot ta loq'uel te ay ta sna te yajwal te egipcio-winique.

Bible in Tzeltal Bachajón

² Pero joquimbil yu'un Jehová te José, lec c'oht ta loq'uel spisil te bin la spas; nahin ta sna te yajwal, te egipcio-winique.

Génesis 39:2 ပူးပေါင်းရင်းမြစ်များ

Génesis 21:20

Te querem joinot yu'un Dios spisil ora. Muc'ub xan, nain ta jochol taquin q'uinal. La snop smilel chambalam ta t'im.

Génesis 21:22

Te Abraham jich ora tal ta c'oponel yu'un te Abimelec soc jtul yabat, Ficol sbiil, te swentainejbey te soldadoetic yu'une. Te Abimelec la yalbey te Abraham: —Jna'oj stojol te ya scoltayat Dios ta spisil te bitic ya apase.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Génesis 26:28

Jich la sjaq'uic: —Yu'un quilojtic te bit'il ajoinej te Diose. Jich yu'un la caltic: “Conic, jpastic trato soc”, xootic tel,

Génesis 28:15

Ya me joinat spisil ora, soc ya me jcanantayat bayuc ayucat, soc ya me quic'at sujt'el li' ta bay q'uinal to. Ma ba ya jpijt'esat, ja' to teme c'ot ta pasel cu'un spisil te bila calojbate —xi' sc'oplal yu'un.

Génesis 39:23

Te jcanan-chucjibale, ma'yuc bi la snop ta yo'tan yu'un ta spisil te bila la yac'bey ta sc'ab José, melel sjoinej Cajwaltic stuquel, lec c'ot ta loq'uel yu'un Cajwaltic ta spisil te bila la spase.

Génesis 39:3

Te yajwal la sna' stojol te joinbil yu'un Cajwaltic te José, jich yu'un lec a c'ot ta loq'uel ta spisil te bila la spase.

2 Reyes 18:7

Ja' yu'un na'bot yo'bolil sba yu'un te Cajwaltic. Spisil te bitic la spase spisil lec c'ot ta pasel, ta swenta bit'il ja' coltayot yu'un te Cajwaltique. Te Ezequías la stoy sba ta stojol te muc' ajwalil yu'un Asiria, ma ba la sc'an la xch'uunbeyix smandal.

1 Crónicas 9:20

Te Finees snich'an Eleazar, ja' neel to ay ta jtsobwanej yu'unic. Ac'a me sjoin te Cajwaltique.

2 Crónicas 1:1

Te Salomón snich'an David la sta yip te yat'el ta muc' ajwalil te la yich' coltayel yu'un te Cajwaltique, mero c'ax muc'ub ta jyalel te yat'ele.

Salmos 1:3

Jich c'oem te bit'il te' te ts'unbil ta ti'muc'ja', te ya yac' sit ta yoraile soc te ma xlubaj te yabenale. Spisil te bila ya spase lec ya xc'ot ta loq'uel.

Salmos 46:11

Te Cajwaltic te Spisil ya xju' yu'une, ja' sjoinejotic stuquel. Ja' anjibal cu'untic stuquel te Dios yu'un Jacobe.

Salmos 46:7

Te Cajwaltic te Spisil ya xju' yu'une, ja' sjoinejotic stuquel. Ja' te Dios yu'un Jacob, ja' anjibal cu'untic stuquel.

Salmos 91:15

Te c'alal ya sc'oponon, ya me caiybey sc'op; C'alal ay swocol ya me xtalon ta sts'eel. Ya me cac' ta libre; ya me cac'bey yutsilal ta ich'el ta muc'.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Isaías 43:2

Teme ay ya xc'axat ta mar, tey me ayon ta atojol; teme ay ya at'un c'axel muc'ja', ma ba ya ajic'an. Teme ay ya xc'axat ta c'ajc', ma ba ya xc'ajc'at; ma ba ya xchic'at te c'ajq'ue.

Jeremías 15:20

Ya me cac' te jichucat ta swenta in lum to te bit'il ts'ajc' pasbil ta bronce te wocol ta jinele. Ya yac'bat guerra, pero ma ba ya stsalat. Melel joinejat, ya jcoltayat soc ya cac'at ta libre. Jo'on Ajwalilon, jich ya cal.

San Mateo 1:23

“Ay me jtul tec'tojom ach'ix te ya yic' alale. Ya x'ayin squerem-al, Emanuel ya xc'ot te sbiile”, te xie. Te bit'il Emanuel xi' te sbiile, “Sjoinejotic te Diose”, xi' c'oem.

Hechos 8:31

La yal te winique: —¿Bit'il c'an c'otuc ta co'tan te melel ma'yuc mach'a ya yac'bon jnop ta lec? —xi' te winique. Jich yu'un la yalbey wocol te Felipe te yacuc xmo sjoin ta nacleje.

1 Timoteo 6:1

Spisil te mach'atic ayic ta mosoile, ac'a me yich'ic ta muc' ta melel te yajwalique, swenta yu'un jich ma ba ya yaq'uic ta toybac'optayel sbiil a te Dios soc swenta yu'un jich ma ba ya xbolob sc'oplal te bila ya cac'tic ta nopele.

Josué 1:5

Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

Josué 1:9

Jo'on me te ya calbat te ma xiwate, soc te ya apas tulane. Ma me xiwat, soc ma me xpejc'aj awo'tan, melel jo'on Ajwalilon te Dioson awu'une, ya me joinat bayuc ya xbaat —xi' te Diose.

Josué 6:27

Te Cajwaltic la scoltay te Josué, jich pujc' bael sc'oplal ta spamal te q'uinale.

1 Samuel 16:18

Pero ay jtul yabat te jich la yal: —Ay quiloj jtul snich'an Isaí, ja' te mach'a ay ta Belén, te mero ya sna' stijel ta lec te arpa, soc mero ma xiw ta guerra, soc buen lamal yo'tan ya xc'opoj. T'ujbil querem, soc joinbil yu'un te Cajwaltique —xi'.

1 Samuel 18:14

Te bit'il joinbil yu'un Cajwaltic te David, ja' yu'un spisil bi la spas mero lec c'ot.

1 Samuel 18:28

Pero c'alal la yil te Saúl soc la sna' ta lec te joinbil yu'un Cajwaltic te David, soc te mero c'ux ta o'tanil yu'un te yantsil-nich'ane, ja' te Mical,

1 Samuel 3:19

Te Samuel muc'ub, ja' la sjoin jujun c'aal te Cajwaltique. Spisil c'ot ta pasel yu'un, ma'yuc ch'ay baluc te sc'ope.