Génesis 38:23 - Bible in Tzeltal de Oxchuc y Tenejapa

²³ La yal te Judá: —Ac'a yich' jiche, swenta yu'un ma me ayuc jq'uexlal ya xc'ot, te melel la jticunbey te tentsune; ja'uc me to, ma ba la ataix tey a —xi'.

Bible in Tzeltal Bachajón

²³ La yal te Judá: Ac'a yich' hiche te bin yich'oj scuenta yu'un ma ba ya stse'layotic, como la jticombe te tut tentsun, pero ma ba la ata te antse, xchi.

Génesis 38:23 ပူးပေါင်းရင်းမြစ်များ

Génesis 38:22

Jich sujt' bael, ba yalbey te Judá: —Ma ba la jtaix tey a, soc la yalbonic te winiquetic tey ayic a te ma'yuc bay yilojic jmulawil antse —xi' c'oel.

Génesis 38:24

Oxeb u ta patil albot yaiy te Judá: —La staix smul te awalibe, ja' te Tamare. Yic'ojix yal —xi' sc'oplal. La yal te Judá: —Ic'a tel, ac'a yich' chiq'uel ta c'ajc' —xi'.

2 Samuel 12:9

¿Bi yu'un te ma'yuc sc'oplal ta awo'tan te jc'ope? ¿Bi yu'un ja' la apas te bi ma jmulane? Melel la achap ta awo'tan te la amil te Urías te hitita-winique, ja' la awac' milotuc yu'un te amonetique. Soc la awic'beyix te yiname.

Proverbios 6:33

Ejch'en soc q'uexlal ya sta, soc jc'axel ya xbolob sc'oplal; ma'yuc bila ya xju'ix ya xlecubtesbot sc'oplal yu'un.

Romanos 6:21

Ja'uc me to, ¿bila loc' awu'unic a? Melel ja' nax la yaq'uex ta q'uexlal, melel ta slajibal te bitic ya apasique, ja' nax ya yaq'uex ta lajel.

2 Corintios 4:2

La quijq'uitaytiquix jilel te bila la jpastic ta muquen te ya xq'uexawotic yu'une. Ma ba ya caiytic lo'laywanej, soc ma ba ya jcaptic ta lotil p'ijubtesel te sc'op Diose. Ja' nax ya caltic te bila smelelile. Jich ya cac'tic ta ilel ta stojol spisilic te bit'il ay te co'tantic ta stojol te Diose.

Efesios 5:12

Melel q'uexlaltic sba ta alel te bila ya spasic ta muquene,

Apocalipsis 16:15

“Aiya awaiyic stojol, jich me ya xtalon te bit'il j'eleq'ue. Bin nax me yutsil te mach'a wiq'uil sit soc te slapoj sc'u' swenta yu'un ma me t'analuc ta comonsitil ya x'ilot yu'un ants-winiquetic te sbaq'uetale”, xi' te Cajwaltique.