Génesis 38:10 - Bible in Tzeltal de Oxchuc y Tenejapa

¹⁰ Te Cajwaltic ma lecuc yo'tan yu'un te bit'il jich la spas te Onán. Jich yu'un ma la yac' cuxinuc uuc.

Bible in Tzeltal Bachajón

¹⁰ Te Jehová ma lecuc yo'tan yu'un te hich la spas, ha nix hich la smil.

Génesis 38:10 ပူးပေါင်းရင်းမြစ်များ

Génesis 46:12

Te snich'nab te Judá: Er, Onán, Sela, Fares soc Zara. (Pero te Er soc Onán lajic jilel ta Canaán stuquelic.) Te snich'nab te Fares: Hezrón soc Hamul.

2 Samuel 11:27

Pero c'alal c'ax yorail te ya yoq'uetaye, te David la sticun ta iq'uel tel. La yic' ta stojol ta sna, la yic' yinamin. La yac' jtul yal, te Cajwaltic ma ba la smulan te bi la spas te David.

1 Reyes 17:20

Patil tulan la sc'opon te Diose: —Cajwal Dios cu'un ¿ya bal awac'bey swocol jiche te me'ba ants te julemon ta snae, te la awac'bey lajuquix te yale? —xi'.

1 Crónicas 2:3

Te snich'nab Judá: Er, Onán soc Sela. Te sme'ic te oxtule, cananea-ants te ja' yantsil-nich'an te Súa. Ja'uc me to, te Er, te sba snich'an Judá, c'ax amen ta jyalel ta sit Cajwaltic, jich la spojbey xcuxlejal.

1 Crónicas 21:7

Te Dios ma lecuc yo'tan yu'un spisil, jich la yac'bey tel castigo ta stojol Israel.

Proverbios 14:32

Te mach'a amen yo'tan, ya me xjinot yu'un te bila ma lecuc ya spase; yan te mach'a lec yo'tane, ja' ya xcanantayot yu'un te slequil yo'tane.

Proverbios 24:18

Melel te Cajwaltic ma smulan te jich ya apase; ja' me ya xlecub yo'tan ta stojol te acontro teme jich ya apase.

Jeremías 44:4

La jticun bayal buelta te j'alwanejetic te abatetic cu'une, yu'un ya yalbeyex te manchuc ya apasic te bitic c'ax amen te ya quilaye.

Hageo 1:13

Ja'ic c'oponotic yu'un te Hageo te jc'asesej-c'op yu'un Cajwaltic, jich albotic yu'un: —Jich ya yalbeyex awaiy te Cajwaltique: “Jo'on Ajwalilon te jich ya cal ta jamal: Jo'on joinejex”, xi' me te Diose —xi' te Hageoe.

Números 11:1

Te israeletic ay jun c'aal jajch'ic ch'inlajanel ta scontroinel te Cajwaltic, ta scaj te ay swocolic yac ta c'axel c'aal yu'unique. La yaiy stojol te Cajwaltic, bayal ilin yu'un, jich la sticun tel c'ajc'.

Números 22:34

Te Balaam la sjac'bey sc'op te ch'ul abat yu'un te Cajwaltique: —Jtaoj jmul. Ma la jna' teme ja'at amacojbon te jbee. Teme ma lecuc ya awaiy te ya xboone, ya me sujt'on bael —xi'.

Números 26:19

Te snich'nab Judá, lajic te Er soc Onán ta bay lumq'uinal yu'un Canaán.

1 Samuel 2:25

Teme ay mach'a ya sta smul ta stojol te sjoy ta ants-winiquil, ya xchajbanot yu'un Cajwaltic; pero teme ay mach'a ya sta smul ta stojol te Cajwaltique, ¿mach'a c'an coltayotuc yu'un stuquel? —xi' te Elí. Pero te nich'aniletic ma la yich'beyic ta muc' sc'op te statique, melel ja' ay ta yo'tan Cajwaltic te ya slajinbey xcuxlejalique.