Génesis 37:7 - Bible in Tzeltal de Oxchuc y Tenejapa

⁷ Yacotic ta stomel ta chuquel trigo ta jq'uinaltic. Te jtom te la jchuque, jajch', toj la stejc'an sba. Te jayeb ta jtom la achuquic te ja'exe, la sjoytay te cu'un soc la stinan sbaic ta stojol —xi'.

Bible in Tzeltal Bachajón

⁷ Yacotic ta stomticlanel ta chuquel trigo ta yohl q'uinal. Te jtohm trigo cu'un hahch, toj la stehc'an sba. Te jaytohm trigo awu'unic la sjoyobtayic te cu'une soc la snijan sbahic ta stojol, xchi.

Génesis 37:7 ပူးပေါင်းရင်းမြစ်များ

Génesis 44:14

C'otic ta sna José te Judá soc te yermanotaque, nacal c'o staic te José, la stinan sbaic coel ta stojol c'alal ta lum.

Génesis 42:6

Te José swentainej spamal sq'uinal Egipto, soc swentainej xchonbeyel trigo spisil mach'a te bayuc ya xtalique. C'otic te sbanquiltac José, la spajc'an sbaic ta stojol c'alal ta lum.

Génesis 43:26

Ta patil och tel ta sna te José. Jich yu'un la yac'beyic te majt'anil te xchajbanejique, la stinan sbaic coel ta stojol c'alal ta lum.

Génesis 42:9

La sna' te José te bi la swaichinej ta namey, jich la yalbey: —Jtsajtaywanejex, ja' tal atsajtay awilic te bit'il ya xju' awu'unic te ya awochintayic te lume —xi'.

Colosenses 1:18

Te Cristoe ja' jolol yu'un te jch'uunjeletique te ja' sbaq'uetal c'oeme. Ja' xjajch'ibal ay stuquel. Ja' sbabial te cha'cux tel ta bay te animaetique, swenta yu'un jich me c'ax jich ich'bil ta muc' ya xc'ot yu'un spisil te bitic aye.

Filipenses 2:10

Jich yu'un ta swenta sbiil te Jesuse, ya me squejan sbaic te mach'atic ayic ta ch'ulchane, soc te mach'atic ayic ta balumilale, soc te mach'atic ayic ta yanil te balumilale.

Génesis 44:19

Melel ja'at la ajojc'obotic te awabatotic: “¿Cuxul bal atat, ay to bal yan awijts'in?” la awutotic.

Génesis 27:29

Spisil ants-winiquetic ac'a yac' sbaic ta abatinel awu'un, soc spisil ta jchajp lum ac'a squejan sbaic ta atojol. Pasa ta mandal te awermanotaque, ac'a squejan sbaic ta atojol. Ma'yuc bendición ta stojol te mach'a ya scontroinate, ja' nax me ay bendición ta stojol te mach'a lec yo'tan awu'une, —xi'.

Génesis 37:6

Jich la yalbey yaiyic: —Aiya awaiyic stojol, ya calbeyex awaiyic bit'il ay te jwaiche:

Génesis 43:28

La yalbeyic: —Lec ay te jtatic cu'untic, te awabaton soque. Cuxul to —xiic. La stinan xan sbaic coel c'alal ta lum.

Génesis 44:18

Te Judá noptsaj bael ta stojol te José, jich la yalbey: —Cajwal, wocoluc, aiybon awaiy stojol jc'op, ay bila ya jc'an calbat ta muquen. Ma me xawilintayon te awabatone, melel te ja'ate pajal c'oemat soc te muc' ajwalil faraón.

Génesis 50:18

Te sbanquiltac c'o stinan sbaic coel c'alal ta lum ta stojol, jich la yalbeyic: —Li' ayotic te amozootique —xiic c'oel.